1తిమోతి 1:10 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁰ ଲାଲାୟ୍‍ଆନି, ଲୋକାଙ୍ଗ୍‌ ଡଙ୍ଗାଁକିନିକାର୍‍ ମାରି ମିଚ୍‌ ମାଟା ୱେର୍‌ତେଙ୍ଗ୍‌ ଆମାକାର୍‌ ଅବ୍ୟାସ୍‌, ମିଚ୍‍ ସାକି ସିନାର୍‍ ଆମାକାର୍‌ ୱିଜୁ ସତ୍‌ସିକିୟାଦୁ ବିରୁଦ୍‌ କିନାର୍‌, ୱାରି ଉଣ୍ତିଙ୍ଗ୍‌ ନିୟମ୍‌ ନେଗିକା ।

1తిమోతి 1:10 Iomraidhean Croise

యోహాను 8:44

ମିର୍‌ ମି ବୁବା ସୟତାନ୍ ମାଣ୍‌କୁ ଜନମ୍‍ ଆତିମାନିଦେର୍‍, ମାରି ମି ବୁବାଦି ପାଣି କିଦେଙ୍ଗ୍‌ ମି ବଦା । ୱାଦ୍‌ ଆଗ୍‍ଡ଼ିରାନ୍‍ ଲୋକାଙ୍ଗ୍‌ କାତ୍‍ନିକାତ୍‍, ମାରି ୱାଦ୍‌ ସତ୍‍ତୁ ତେବାଏତ୍‍, ଇରିଙ୍ଗ୍‌ ତାନେମାନୁ ସତ୍‌ ସିଲେତ୍‌ । ଏସ୍ତିୱାଲେ ୱାଦ୍‌ ମିସ୍‌ ଇନାତ୍‍, ନାସ୍ତିୱାଲେ ୱାଦ୍‌ ନିଜେଦି ମାଣାନ୍‌ ଇନାତ୍‍; ଇରିଙ୍ଗ୍‌ ୱାଦ୍‌ ନିଜେ ମିସ୍‍ଇନିକାତ୍‍ ନି ମିସ୍‌ ୱେର୍‍ନି ଲୋକା ବୁବା ।

ରୋମିୟ 1:26

ୱାର୍‌ ସେମାର୍‍ତି ପାପ୍‍ ପାଣିଦୁ ମିସାତିମାନିଙ୍ଗ୍‌ ମାପୁରୁ ୱାରିଙ୍ଗ୍ ଡ଼ିସ୍‍ତା ସିତାମାନାନ୍‌, ୱାରି ଆଡ଼୍‍ସିକ୍‍ ଟିକ୍‍ତାନ୍‌ ବ୍ୟବହାର୍‌ କିନି ବାଦ୍‌ଲୁ ତାଗ୍‌ଇ ପାଣି ୱିଜୁ କିଜିନେ,

1తిమోతి 4:6

ତିମତି, ଇୟାୱିଜୁ ବିସୟ୍‌ ନିନ୍‍ ତଡ଼ାନ୍‌ ନି ତାଙ୍ଗିଁକାଙ୍ଗ୍‌ ସିକିୟା ସିତିଙ୍ଗ୍‌ କ୍ରିସ୍ତ ଜିସୁଦି ଅରେନ୍‌ ନେଗି ସେବା କିନିକାନ୍‌ ଆନି, ମାରି ନିନ୍‍ ଆମା ବିସ୍‌ବାସ୍‌ ମାରି ନେଗି ବୁଦିଦୁ ବୁଲାଜିନି, ଆୟା ବିସୟତି ବାକ୍ୟଦାନ୍‌ ସାକ୍ତି ଆନି;

1తిమోతి 6:3

ଆମାକାର୍‌ ପ୍ରବୁ ଜିସୁ କ୍ରିସ୍ତଦି ସିକିୟାଦି ୱାଲେ ଅରତ୍‌ ସିଲିକା ମାରି ମା ଦାର୍ମୁ ସିକିୟାଦି ବିରଦ୍‌ କିଜିମାନି ଆଇଜାତିଦି ବାକ୍ୟ ପ୍ରଚାର୍‌ କିନାର୍‌,

2తిమోతి 1:13

ନାନ୍‌ ମିଙ୍ଗିଁ ସିକିୟା ସିତିମାନିକା ସତ୍‌ ବିସୟ୍‌ତିଙ୍ଗ୍‌ ଡାଟ୍‌ତାନ୍‌ ଆସ୍‌ସୋ ଇଡ୍‌ଦୁ ମାରି ପ୍ରବୁ ଜିସୁ କ୍ରିସ୍ତଦି ୱାଲେ ମିସାଜ ସତ୍‌ତି ଜିବନ୍‌ନୋନିକା ମାରି ଦର୍ମ ବିସ୍‌ବାସ୍‌ତାନ୍‌ ତିଲାଏଣ୍‌ଗା ମାନ୍‌ଡ୍ରୁ ।

2తిమోతి 4:3

ଦିନ୍‌ ୱାନାତ୍‌, ଏସ୍ତିୱାଲେ ଲୋକୁ ସତ୍‌ ସିକିୟାଦୁ ୱେନ୍‌ଏର୍‌, ୱାର୍‌ କେବଲ୍‌ ନିଜେ ନିଜେଦି ଆସା ବ୍ୟବ୍‌ହାର୍‌ କିନି ଉଣ୍ତିଙ୍ଗ୍‌ ଲାଲାୟ୍‌ ଆନାର୍‌ ମାରି ଇୟାଉଣ୍ତିଙ୍ଗ୍‌ ୱାରିଙ୍ଗ୍‌ ଲାକ୍‌ତୁ କିଜିମାନି ଟକେକିନି ଗୁରୁରିଙ୍ଗ୍‌ ୱାର୍‌ କୁକ୍‌ନାର୍‌ ।

తీతు 1:13

ୱାରି ଇୟା ସାକ୍ୟ ପୁରା ସତ୍‌ । ମାରି, ମିର୍‌ ଆୟାୱାଜା ଲୋକାଙ୍ଗ୍‌ ନାଣ୍ତ ଜାଗାର୍‌ତା କିଦୁ । ଆତିଙ୍ଗ୍‌ ଆୟାମାଣୁକୁ ୱାର୍‌ ନେଗି ଦାର୍ମୁ ବିସ୍‌ବାସ୍‌ତି ଉଣ୍ତିଙ୍ଗ୍‌ ଡ଼େସି ୱାନାର୍‌ ।

తీతు 1:9

ମା ନେଗି କାବୁର୍‌ତୁ ୱାନ୍‌ ଡାଟ୍‌ତାନ୍‌ ବିସ୍‌ବାସ୍‌ କିଜିମାନାର୍‌, ଇୟା ବାକ୍ୟ ସତ୍‌ତି ଦାର୍ମୁଦି ବୁଦି ମୁସ୍‌କୁ ଇଡ୍‌ଜି ମାରି ୱିଜୁଦାନ୍‌ ଆସାଦିଜଗ୍‌ । ଇୟା ବାକ୍ୟଦୁ ସତ୍‍ ସିକିୟାଦାନ୍‌ ଆଇୱାରିଙ୍ଗ୍‌ ୱେର୍‍ତେଙ୍ଗ୍‍ କିଦେଙ୍ଗ୍‌ ମାରି ତେନିଙ୍ଗ୍‌ ବିରଦ୍‌ କିଜିମାନି ଲୋକା ବୁଲ୍‌ତିଙ୍ଗ୍‌ ଆକ କିଦେଙ୍ଗ୍‌ ୱାନି ସାସ୍‌ ମାନାତ୍‌ ।

ఎబ్రి 13:4

ପେଡ଼ି ୱିଜେରି ଉଣ୍ତିଙ୍ଗ୍ ନେଗିକା ଆପିତ୍‌, ମେମାରି ନି ଆଇମା ନିଜେନିଜେଦି ଉଣ୍ତିଙ୍ଗ୍ ବିସ୍‍ବାସ୍‍ତାନ୍ ତେବାପିର୍‌ । ମାପୁରୁ ଲାଲାୟ୍‍ଆନି ୱାରିଙ୍ଗ୍‍ ମାରି ଦାରିପାଣିକିନିୱାରିଙ୍ଗ୍‍ ବିଚାର୍‌ କିନାନ୍ ।

ଜିହୁଦା 1:7

ଆୟାୱାଜା ସଦମ୍‍ ମାରି ଗମୋରା ମାରି ଲାକ୍‌ତୁରି ଗାଡ଼୍‌କାଣି ଦଣ୍ତତିଙ୍ଗ୍‌ ଏତ୍‌ କିଦୁ । ୱାର୍‌ ତେବାତିମାନି ଆୟା ଦୁତ୍‌କା ୱାଜା ପାଣି କିଜି ଦାରିପାଣି ମାରି ତାଗ୍‍ଇପାଣିଦୁ ମିସାତାର୍‌ । ଆଇୱାରିଙ୍ଗ୍‌ ଜାଗ୍‌ରାତାକିନି ଉଣ୍ତିଙ୍ଗ୍‌ ୱାର୍‌ ୱିଜୁଦିନ୍‌ତି ନରକଦି ସିସୁଦୁ ଦଣ୍ତବୋଗ କିଜିନାର୍‌ ।

ప్రకటన 18:13

ଦାରୁଚିନି, ଆଇଆଇ ମସଲା ଜିନିସ୍‌କୁ, ଦୁପୁଣି, ବାସ୍‌ନାଦି ଉସାନି ଜିନିସ୍‌କୁ, କୁନ୍ଦୁରୁ, ଅଙ୍ଗୁର୍‍ରସ୍‍, ନିୟୁ, ମଈଦା, ଗଦ୍‍ମୁ, ଡ଼ାକୁ, ମେଣ୍ଡେଙ୍ଗ୍‌, ଗଡ଼ା, ରତ୍‌, ଇୟାୱାଜା ଚାକର୍‍ଙ୍ଗୁଁ ମାରି ଆତ୍ମାଦୁମାନି ଲୋକାଙ୍ଗ୍‌ ବା କଣି ଉଣ୍ତିଙ୍ଗ୍‌ ଏନ୍‌ କଣିକାନ୍‌ ସୋଏର୍‌ ।

ప్రకటన 21:27

ଇନିକା ତାଗ୍‍ଇ ଜିନିସ୍‌ ଇବେନୁ ତାସି ରେଏର୍‌ । ତାଗ୍‌ଇ ପାଣିଦୁ ମାନିକାର୍ ତାଗ୍‌ଇକାର୍‌ ମାରି ମିଥ୍ୟାବାଦିର୍‌ ଇୟା ଗାଡ଼୍‌ଦୁ ଡ଼ୁଗୁଦେଙ୍ଗ୍‌ ଆଟ୍‍ଏର୍‍ । ଏମେୱାରି ଦରୁ ମେଣ୍ତାପିଲାଦି ଜିବନ୍‌ ବଇଦୁ ରାସାତିମାରିଙ୍ଗ୍‌, କେବଲ ୱାରେଏ ଇୟା ଗାଡ଼୍‌ତୁ ସନ୍‌ଡ୍ରେଙ୍ଗ୍‍ ଆଟ୍‍ନାର୍ ।

ప్రకటన 21:8

ମାତର୍‌ ବିରୁ, ଅବିସ୍‌ବାସି, କାଡ଼ିନିକାର୍, ଲୋକାଙ୍ଗ୍‍ ୱେଡ଼ିଇକାର୍ ଦାରିପାଣିକିନିକାର୍ ଗୁଣିଆର୍, ବମା ପୁଜାକିନିକାର୍‌, ମିଚ୍‌ ୱେର୍‌ନି ୱିଜେରେ ତାଗିଇ ୱାରି ଜାଗା ଆଜିନାତ୍, ଗନ୍ଧକ୍‍ତାନ୍ କାସ୍‌ସିମାନି ସିସୁଗୁଟା ଆବେନୁ ୱାର୍‌ ରିଜାସାନି ଦଣ୍ଡ୍‌ ପୋଇନାର୍ ।”

ప్రకటన 22:15

ନୁକୁଡ଼ିଙ୍ଗ୍‌ ମାତର୍‌ ତାଗ୍‌ଇକାର୍‌, ତନ୍ତ୍ରମନ୍ତ୍ର ଜାଦୁକିନିକାର୍‌, ଲୋକାଙ୍ଗ୍‌ ସାପିସ୍‍କିନିକାର୍, ଦିୟାମ୍‌ପୁଜାକିନିକାର୍, ବାଣ୍ତିସ୍‍କିନିକାର୍, ଟକେକିନିକାର୍ ୱିଜୁ ତାଗିଇ ଲୋକ୍‌ ୱିଜେରେ ଗାଡ଼୍‌ତି ଆତ୍‌ରେ ତେବାନାର୍ ।