1దెస్స 5:9 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁹ ଇରିଙ୍ଗ୍‌ ମାପୁରୁ ମାଙ୍ଗିଁ ୱାନି ରିସାଦି ଲୋକ୍‍ ଆଦେଙ୍ଗ୍‌ ଆସ୍‌କିଏନ୍‌, ପ୍ରବୁ ଜିସୁ କ୍ରିସ୍ତଦି ମାଣ୍‌କୁ ମାଙ୍ଗିଁ ରକିୟା କିନି ଉଣ୍ତିଙ୍ଗ୍‌ ତିର୍‌ କିତାମାନାନ୍‌ ।

Konda: కొండ బాసదు నెగ్గి కబ్రు

⁹ ఎందనిఙ్‌ ఇహిఙ, మా ప్రబువాతి యేసుక్రీస్తు మఙి రక్సిస్తెఙ్‌ ఇజినె దేవుణు మఙి ఏర్‌పాటు కిత్తాన్‌. గాని వన్ని బాణిఙ్‌ వాని సిక్స వందిఙ్‌ అఏద్.

1దెస్స 5:9 Iomraidhean Croise

మత్తయి 26:24

ସାସ୍ତ୍ରଦୁ ରାସାତିମାନି ୱାଜା ମନୁସ୍ୟପୁତ୍ର ସାନିଦଣ୍ତବଗାନାନ୍‌, ମାତର୍‌ ମନୁସ୍ୟପୁତ୍ରଙ୍ଗ୍‌ ଏନ୍‌ ଆସିସ୍‌ କିନାସିନାନ୍‌, ୱାନି ଦଣ୍ଡ୍‌ ଏସ ବୟ୍‌ଙ୍କାର୍‌ ! ଏସ୍‌କାଙ୍ଗ୍‌ ଜନମ୍‌ ଆଇତିମାରିଙ୍ଗ୍‌ ୱାନି ଉଣ୍ତିଙ୍ଗ୍‌ ନେଗେନ୍‌ ଆତାତ୍‌ମାନ୍ଦି ।”

అపొస్తు 1:20

ଇୟା ବିସୟ୍‌ତାନ୍‌ ଗିତସଂହିତା ବଇଦୁ ରାସାତାମାନାତ୍‌ “ୱାନି ଇଲୁ ସିମ୍ରା ଆପିତ୍‌, ଆବେନୁ ଏନ୍‌ ତେବାମାକିର୍‌, ମାରି ବା ରାସାତାମାନାତ୍‌; ଆଇକାନ୍‍ ଅରେନ୍‌ ୱାନି ପାଣିଦୁ ରାପିନ୍‌ ।”

అపొస్తు 1:25

ଇୟା ବେକ୍ତି ଜିହୁଦା ନିଜେଦିବାଡିଦୁ ସନି ଉଣ୍ତିଙ୍ଗ୍‌ ଇୟା ଏମେ ସେବା ମାରି ପେରିତ ସିସୁ ପାଣି କିନାନ୍ ।”

అపొస్తు 13:48

ଅଣଜିହୁଦିର୍‍ ଇକା ୱେନ୍‌ଜି ୱେଡ଼ିକା ଆତାର୍‌ ମାରି ପ୍ରବୁଦି ମାଟା ଉଣ୍ତିଙ୍ଗ୍‍ଁ ଦନ୍ୟବାଦ୍‌ ସିତାର୍‍ । ଏମେକାର୍‌ ଏସାଙ୍ଗ୍‌ୱିଜ୍‍ଇ ଜିବନ୍‌ ଉଣ୍ତିଙ୍ଗ୍‍ଁ ବାସେଆତାମାର୍ହାର୍‍, ୱାର୍‌ ଆୟା ମାଟାଦୁ ବିସ୍‌ବାସ୍‌ କିତାର୍‍ ।

ରୋମିୟ 11:30

ଅଣଜିହୁଦି ଲୋକୁ ପୁର୍ବେ ମାପୁରୁଦି ମାନାଇକାର୍‍ ମାର୍ହାର୍‌; ମାତର୍‌ ଇଲେଇ ଜିହୁଦିଲୋକା ମାନାଇ ଉଣ୍ତିଙ୍ଗ୍‍ଁ ଅଣଜିହୁଦି ଲୋକୁ ମାପୁରୁଦି ଦୟା ପୟ୍‍ତାମାନାର୍‍ ।

ରୋମିୟ 11:7

ଆର୍‍ତିଙ୍ଗ୍‍ଁ ଇନିକା ଆତାତ୍‍ ? ଇସ୍ରାଏଲ୍‌ ଲୋକୁ ଆମାକା ପୟ୍‍ଜିମାର୍ହାର୍‍, ଆକା ପୟ୍‍ଏତାର୍‍ । କେବଲ ମାପୁରୁ ବାସେକିତିମାନି ଉନ୍‍ଣ୍ତ୍ରି ନିସ୍ରି ଦଲ୍‌ ୱାନିଙ୍ଗ୍‍ଁ ପୟ୍‍ତାର୍‍ । ଆଇ ଏନ୍‌ ମାପୁରୁଦି କୁକ୍‍ତି ଉଣ୍ତିଙ୍ଗ୍‍ଁ ମନ୍ ସିଏତାର୍‍ ।

1దెస్స 1:10

ମାରି ଏଣ୍ତେସ୍‌ ମାପୁରୁଦି ରିସାଦାନ୍‌ ମାଙ୍ଗିଁ ରକିୟାକିନି ଉଣ୍ତିଙ୍ଗ୍‌, ସାତିମାଣାନ୍‌ ଜିବନ୍‌ଆଜିନିଙ୍ଗିଁତାନ୍‌ ୱାନି ମାରିସି ଜିସୁ ମୁସ୍‍କୁପୁର୍‍ତାନ୍‍ ମାରିଡ଼େସିୱାନିତାନିଙ୍ଗ୍‌ ମିର୍‌ କାପ୍‌କିଜି ତେବାତିମାନିଦେର୍‌, ଇୟାୱିଜୁ ବିସୟ୍‌ତାନ୍‌ ଆବେଣି ଲୋକୁ ୱାର୍‌ଗିଜିସାଜି ମାର୍ହାର୍‌ ।

1దెస్స 3:3

ମି ମୁସ୍‌କୁ ୱାଜିମାନି କାସ୍ଟୁ ଉଣ୍ତିଙ୍ଗ୍‌ ଏନ୍‌ ଏଣ୍ତେସ୍‌ ସାରି ବାଣାମାକିନ୍‌, ଇୟାଉଣ୍ତିଙ୍ଗ୍‌ ୱାନ୍‌ ମିଙ୍ଗିଁ ସାହାଜ୍ୟ କିନାନ୍‌ । ଏଣ୍ତେସ୍‌ବା ମିର୍‌ ନେସ୍‌ନିଦେର୍‌, ମାପ୍‌ ଇୟାୱାଜା କାସ୍ଟୁ ପୟ୍‌ନାପ୍‌, ଇକା ମାପୁରୁଦି ଇଚ୍ଛା ।

1తిమోతి 1:13

ମାରିବା ନାନ୍‌ ପୁର୍ବେ ନିନ୍ଦା, କାସ୍ଟୁସିନିକା ମାରି ଲୋକାଙ୍ଗ୍‌ ସାୟାମାର୍‌ଗାଡାକ୍‌ନିକାନ୍‌ ମାର୍ହା; ମାତର୍‌ ନାନ୍‌ ବିସ୍‍ବାସ୍‍ କିଇ ଉଣ୍ତିଙ୍ଗ୍‌ ନେସ୍‌ଏଣ୍‌ଗା ଆକା ୱିଜୁ କିତାମାର୍ହା, କେମା କିଜି ମାପୁରୁ ନା ଉଣ୍ତିଙ୍ଗ୍‌ ସାକା ଆତାମାନାନ୍‌ ।

1తిమోతి 1:16

ମାତର୍‌ ନା ୱାଜା ଉନ୍‌ଡ୍ରି ପାପି ଉଣ୍ତିଙ୍ଗ୍‌ ବା ମାପୁରୁଦି ଦୟା ମାରି କ୍ରିସ୍ତ ଜିସୁଦି ସାକା ନାଙ୍ଗିଁ ଉନ୍‌ଡ୍ରି କାତା କିଜି ଇଟ୍‌ତାମାନାତ୍‌ ଆଇକାର୍‌ ଏଣ୍ତେସ୍‌ ଜିସୁଦିମାନୁ ବିସ୍‌ବାସ୍‌ ତିଆର୍‌ କିଜି ଏସ୍‌କାଙ୍ଗ୍‌ୱିଜିଇ ଜିବନ୍‌ ପୟ୍‌ନାନ୍‌ ।

2తిమోతి 2:10

ମାପୁରୁଦି ଆସ୍‌କିତିମାନି ଲୋକ୍‌ କ୍ରିସ୍ତ ଜିସୁଦି ମାଣୁକୁ ପୟ୍‌ତିମାନି ପରିତ୍ରାଣ ମାରି ଏସ୍‌କାଙ୍ଗ୍‌ୱିଜ୍‌ଇ ଗୌରବ୍‍ ପୟ୍‌ଦୁ, ଇୟା ଉଦେସ୍‌ଦାନ୍‌ ନାନ୍‌ ୱିଜୁ କାସ୍ଟୁ ସାସ୍‌ କିଜିନା ।

୧ ପିତର 2:10

ପୁର୍ବେ ମିର୍‌ ମାପୁରୁଦି ଲୋକ୍‌ ଆଏତିମାରିଇଦେର୍‌, ମାତର୍‌ ଇଲେଇ ମାପୁରୁଦି ଲୋକ୍‌ ଆତିମାନିଦେର୍‌ । ପୁର୍ବେ ମିର୍‌ ମାପୁରୁଦି ଦୟା ବିସୟ୍‌ତାନ୍‌ ନେସ୍‌ଏତି ମାର୍‌ଇଦେର୍‌, ମାତର୍‌ ଇଲେଇ ୱାନି ଦୟା ପୟ୍‌ତି ମାନିଦେର୍‌ ।

୧ ପିତର 2:8

ମାରି ପବିତ୍ର ସାସ୍ତ୍ରଦୁ ଆଇ ଉନ୍‌ଡ୍ରି ବାଡିଦୁ ରାସ୍‌ତାମାନାତ୍‌ : “ଇୟା କାଲୁ ମୁସ୍‌କୁ ଗାଦିଲୋକୁ ତାକାୟ୍‌ଆନାର୍‌, ଇୟା କାଲୁପିଲା ୱାରି ସାରିଦି ବାଦାନିକା ଆନାତ୍‌ ।” ୱାର୍‌ ମାପୁରୁଦି ବାକ୍ୟଦୁ ବିସ୍‌ବାସ୍‌ କିଏତାର୍‌, ଆଦେଙ୍ଗ୍‌ ୱାର୍‌ ତାକାୟ୍‌ଆତାର୍‌ । ଇକା ମାର୍ହାତ୍‌ ୱାରି ଉଣ୍ତିଙ୍ଗ୍‌ ମାପୁରୁଦି ବଦା ।

ଜିହୁଦା 1:4

ଏସ ଅଦାର୍ମୁଦି ଲୋକୁ ମି ଲୋଇ ନେସ୍‌ଇ ୱାଜା ଡୁଗିତାମାନାର୍‌ । ୱାର୍‍ ନିଜେଦି ତାଗ୍‍ଇ ପାଣିଦିଙ୍ଗ୍‍ ସାକାକିନି ଉଣ୍ତିଙ୍ଗ୍‍ ମାପୁରୁଦି ଦୟାଦି ବିସୟ୍‍ ମାଟାଦି ତାଗ୍‍ଇ ଅର୍ତ କିଜିନାର୍‍ । ମା ଅରେନ୍‌ମାତର୍‌ ଗୁରୁ, ମାରି ପ୍ରବୁ ଜିସୁ କ୍ରିସ୍ତଙ୍ଗ୍‌ ୱାର୍‌ ମାନାଏର୍‌ । ୱାରି ଉଣ୍ତିଙ୍ଗ୍‍ ଇଡାୟ୍‍ଆତିମାନି ବିଚାର୍‍ ବିସୟତାନ୍‍ ବେସି ଆଗ୍‍ଡ଼ିରାନ୍‍ ଦାର୍ମୁସାସ୍ତ୍ରଦୁ ରାସାତାମାନାତ୍‍ ।