୧ ପିତର 5:9 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁹ ମିର୍‌ ବିସ୍‌ବାସ୍‌ତୁ ଡାଟ୍‍ ତେବାଜି, ତାନିଙ୍ଗ୍‌ ବିରୁଦ୍‌ କିଦୁ । ମାରି ଇକା ମିର୍‌ ନେସ୍‌ତିମାନିଦେର୍‌, ଇୟା ଦୁନିଆଦୁ ମାନି ମି ବିସ୍‌ବାସ୍‌ତି ତଡ଼ାନ୍‌କା ଉଣ୍ତିଙ୍ଗ୍‌ ଇୟାୱାଜା ଦୁଃକ୍‌ ଗଟେଆଜିନାତ୍ ।

Konda: కొండ బాసదు నెగ్గి కబ్రు

⁹ మీ నమకమ్‌దిఙ్‌ గటిఙ అసి సయ్తానుఙ్‌ ఎద్రిసి మండ్రు. విజు లోకమ్‌దు మని నమ్మిత్తికార్‌ నిన్ని కస్టమ్‌కాణ్‌ బాద ఆజినార్‌ ఇజి నెసి మండ్రు.

୧ ପିତର 5:9 Iomraidhean Croise

లూకా 22:32

ମାତର୍‌ ମି ବିସ୍‌ବାସ୍‌ ଏଣ୍ତେସ୍‌ ମାର୍‌ଗେଏତ୍‌, ଇୟାଉଣ୍ତିଙ୍ଗ୍‌ ନାନ୍ ମି ଉଣ୍ତିଙ୍ଗ୍‌ ପାର୍‌ତନା କିତାମାନା; ମାରି, ନିନ୍‌ ଡ଼େସି ୱାତି ୱେନ୍‌କା ନିଜେଦି ତଡ଼ାନ୍‌କାଙ୍ଗ୍‌ ସାକ୍ତି କିଦୁ ।”

యోహాను 16:33

ମିର୍‌ ଏଣ୍ତେସ୍‌ ନା ୱାଲେ ମାନ୍‌ଞ୍ଜି ସାନ୍ତି ପୟ୍‌ନିଦେର୍‌, ଇୟାଉଣ୍ତିଙ୍ଗ୍‌ ନାନ୍ ମିଙ୍ଗିଁ ଇୟାୱିଜୁ ବିସୟ୍‌ ୱେର୍‌ତାମାନା । ଜଗତ୍‌ଦୁ ମି ଉଣ୍ତିଙ୍ଗ୍‌ କାସ୍ଟୁ ମାନାତ୍‌, ମାତର୍‌ ସାସ୍‌ ଆସ୍‌ତୁ, ନାନ୍ ଜଗତ୍‌ତିଙ୍ଗ୍‌ ଜିଣାକିତାମାନା ।

అపొస్తు 14:22

ୱାର୍‌ ବିସ୍‍ବାସିରିଙ୍ଗ୍‍ଁ ନିଜେଦି ବିସ୍‌ବାସ୍‌ତୁ ଡାଟ୍‌ତାନ୍‌ ମାନ୍‍ଡ୍ରେଙ୍ଗ୍‍ଁ ଇଜି ମନ୍‌ତିଙ୍ଗ୍‍ ୱେଡ଼ିକା କିବିସ୍‍କିତାର୍‍ । ୱାର୍‌ ସିକିୟା ସିଜି ଇର୍ହାର୍‌, “ମାପୁରୁଦି ରାଜିଦୁ ଡ଼ୁଗ୍‍ଦେଙ୍ଗ୍‍ଁ ଇଜି ମାଙ୍ଗିଁ ନାଣ୍ତ କାସ୍ଟୁଦୁକୁ ବା ସିଜି ସନ୍‍ଡ୍ରେଙ୍ଗ୍‍ଁ ଆନାତ୍‌ ।”

1కొరింతి 10:13

ଲୋକ୍‌ତି ଉଣ୍ତିଙ୍ଗ୍‌ ଆମା ଏଣ୍ତେସ୍‌ ନାନି ପରିକା ପଡ଼ାତାମାନାତ୍‌, ଆକା ଡ଼ିସ୍‌ତିଙ୍ଗ୍‌ ଆଇପ୍ରକାର୍‌ତି ପରିକା ମି ଉଣ୍ତିଙ୍ଗ୍‌ ଗଟେ ଆଏତ୍‍; ମାତର୍‌ ମାପୁରୁ ୱାନି ପାର୍‌ମାଣ୍‌ତି ରକ୍‌ୟାଦାନ୍‌ ବିସ୍‌ବାସ୍‌, ୱାନ୍‌ ମିଙ୍ଗିଁ ଇନି ସାସ୍‌ସିଲି ପରିକାଦୁ ପରିକା ଆଦେଙ୍ଗ୍‌ ସିଏନ୍‌, ମାତର୍‌ ଏଣ୍ତେସ୍‌ ମିର୍‌ ସାସ୍‌ କିଦେଙ୍ଗ୍‌ ଆଟ୍‌ନିଦେର୍‌, ଇୟାଉଣ୍ତିଙ୍ଗ୍‌ ପରିକା ଆନି ଦାପ୍ରେ ଦାପ୍ରେ ୱାନ୍‌ ମିଙ୍ଗିଁ ସାକ୍ତି ସିନାନ୍‌ ମାରି ଉଦାର୍‌ତି ସାରି ବା ତିଆର୍‌ କିନାନ୍‌ ।

ଏପିସିୟ 4:27

ମାରି ସୟତାନ୍‌ତିଙ୍ଗ୍‌ ବାଡି ସିମାଟ୍‌ ।

ଏପିସିୟ 6:16

ୱିଜୁଦିନ୍ ବିସ୍‍ବାସ୍‍ତି ସାଜୁ ପିଣ୍ତଦୁ, ତେନି ସାକାଦାନ୍‍ ସୟତାନ୍‍ ମାଣାନ୍‌ ପୋକ୍‌ନି ୱିଜୁ ସିସୁ ଇଟା ନାପ୍‍ତେଙ୍ଗ୍‍ ମିର୍‌ ଆଟ୍‍ନିଦେର୍‍ ।

కొలొసి 2:5

ଇରିଙ୍ଗ୍‌ ନାନ୍‌ ମେନ୍ଦଲ୍‌ତାନ୍‌ ସିଲେତିଙ୍ଗ୍‌ ବା, ଆତ୍ମାଦାନ୍‌ ନାନ୍‌ ମି ୱାଲେ ମାନା । କ୍ରିସ୍ତଦି ମୁସ୍‌କୁ ଡାଟ୍‌ତାନ୍‌ ବିସ୍‌ବାସ୍‌ ଇଡ୍‌ଜି ମିର୍‌ ଏଣ୍ତେସ୍‌ ସାନ୍ତି ଆତିମାନିଦେର୍‌, ଆକା ସୁଡ଼ୁଜି ନାନ୍‌ ୱେଡ଼ିକା ଆଜିନା ।

1దెస్స 3:3

ମି ମୁସ୍‌କୁ ୱାଜିମାନି କାସ୍ଟୁ ଉଣ୍ତିଙ୍ଗ୍‌ ଏନ୍‌ ଏଣ୍ତେସ୍‌ ସାରି ବାଣାମାକିନ୍‌, ଇୟାଉଣ୍ତିଙ୍ଗ୍‌ ୱାନ୍‌ ମିଙ୍ଗିଁ ସାହାଜ୍ୟ କିନାନ୍‌ । ଏଣ୍ତେସ୍‌ବା ମିର୍‌ ନେସ୍‌ନିଦେର୍‌, ମାପ୍‌ ଇୟାୱାଜା କାସ୍ଟୁ ପୟ୍‌ନାପ୍‌, ଇକା ମାପୁରୁଦି ଇଚ୍ଛା ।

1తిమోతి 6:12

ବିସ୍‌ବାସ୍‌ତି ନେଗି ଜୁଦ୍‌ କିଜି ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ ପୟ୍‌ଦୁ । ଇୟା ପାଣିଦୁ ଇନି ଉଣ୍ତିଙ୍ଗ୍‌ ମିର୍‌ ବାସେଆତିମାନି ମାରି ଗାଦିଲୋକା ସାକିଙ୍ଗାଁ ଲୋଇ ଇକା ମାନାତିମାନି ।

2తిమోతి 3:12

ସତ୍‌ତାନ୍‌ ଆମାକାର୍‌ କ୍ରିସ୍ତ ଜିସୁଦି ୱାଲେ ମିସାଜି ଦାର୍ମୁଜିବନ୍‌ତାନ୍‌ ଜିଦେଙ୍ଗ୍‌ ଇଚ୍ଛା କିନାନ୍‌, ୱାରିଙ୍ଗ୍‌ ଦୁଃକ୍‌କାସ୍ଟୁଦିଙ୍ଗ୍‌ ସାମ୍‌ନା ଆଦେଙ୍ଗ୍‌ ପଡ଼ାନାତ୍‌ ।

2తిమోతి 4:7

ଜିବନ୍‌ତି ନେଗି ଜୁଦ୍‌ତାନ୍‌ ନାନ୍‌ ସାନି ୱାଜା ଜୁଦ୍‌ କିଜିନା, ଜିବନ୍‌ ମାନିୱାଲେ ନାନ୍‌ ତିଆର୍‌କିତି ସାରି ଜିଣାତାମାନା । ନା ବିସ୍‌ବାସ୍‌ତୁ ନାନ୍‌ ଡାଟ୍‌ ତେବାତାମାନା ।

ఎబ్రి 11:33

ବିସ୍‍ବାସ୍‍ତାନ୍‌ ଇୟାକାର୍‌ ଆଇଆଇ ଦେସ୍‌ ବିରୁଦ୍‌ତାନ୍ ଜୁଦ୍‍ କିଜି ଜିଣାତା ମାର୍ହାର୍‌ । ଇୟାକାର୍‌ ଦାର୍ମୁ ପାଣି ପୁରା କିତାର୍, ମାପୁରୁ ପାର୍‌ମାଣ୍‌ କିତିମାନି ବିସୟ୍‌କୁୱିଜୁ ପୋଇତାର୍‌; ପାର୍ଟାନରେସ୍‌ ୱେୟୁ କେରେପ୍‍ତାର୍‍,

ఎబ్రి 12:8

ୱାରି ଆଇ ମାରିସିର୍ ୱାଜା ନିଙ୍ଗିଁ ଜଦି ମି ବୁବା ମିସା କିଏନ୍, ଆର୍‌ତିଙ୍ଗ୍‌ ନିନୁ ନିଜେଦି ମାରିନ୍ ଆଇ, ନିନୁ ଉପ୍‍କା ମାରିନ୍ ।

యాకోబు 4:7

ମାରି, ମାପୁରୁଦି ଲାକ୍‌ତୁ ନିଜେଦିଙ୍ଗ୍‌ ସର୍‌ପେ ଆଦୁ । ସୟତାନ୍‌ତିଙ୍ଗ୍‌ ଜୁଦ୍‌ କିଦୁ । ଆର୍‌ତିଙ୍ଗ୍‌, ୱାଦ୍‌ ମି ଲାକ୍‌ତୁରାନ୍‌ ଉରୁକ୍‌ନାତ୍‌ ।

୧ ପିତର 1:6

ଇବେନୁ ମିର୍‌ ୱେଡ଼ିକା କିଜିନିଦେର୍‌, ଜଦିବା ଇଲେଇ ସାଣେକ୍‌ତି ଉଣ୍ତିଙ୍ଗ୍‌ ଏଣ୍ତେସ୍‌ ନାନି କାସ୍ଟୁ ଉଣ୍ତିଙ୍ଗ୍‌ ଦୁଃକ୍‌ବୋଗ୍‌ ବଗାଦେଙ୍ଗ୍‌ ମିଙ୍ଗିଁ ପଡ଼ାନାତ୍‌ ।

୧ ପିତର 2:21

ମାପୁରୁ ଇୟା ବଦାଦାନ୍‌ ମିଙ୍ଗିଁ କୁକ୍‌ତାମାନାନ୍‌ । କ୍ରିସ୍ତ ନିଜେ ମି ଉଣ୍ତିଙ୍ଗ୍‌ ଦୁଃକ୍‌ବୋଗ୍‌ କିଜି ମିଙ୍ଗିଁ ଉନ୍‌ଡ୍ରି ସାରି ତର୍‌ତାମାନାନ୍‌, ଏଣ୍ତେସ୍‌ ମିରୁ ୱାନି ପାଦାମ୍‍ସିନା ସିଜି ୱେନ୍‌କାସନିଦେର୍‌ ।

୧ ପିତର 3:14

ଦାର୍ମୁଦି ଉଣ୍ତିଙ୍ଗ୍‌ ମିରୁ ଦୁଃକ୍‌କାସ୍ଟୁ ପୟ୍‌ତିଙ୍ଗ୍‌ ବା ମିର୍‌ ସତ୍‌ତାନ୍‌ ସୁକ୍‌ମାନିଦେର୍‌ । ଏଙ୍ଗ୍‌ବା ତିଲାମାଟ୍‌; ଆର୍‍ଏ ସିନ୍ତା କିମାଟ୍‌ ।

୧ ପିତର 4:13

ମାରି ୱେଡ଼ିକା ଆଦୁ, ଇରିଙ୍ଗ୍‌ ମିର୍‌ କ୍ରିସ୍ତଦି ଦୁଃକ୍‌ ପୟ୍‍ନିମାନୁ ମିସାଜିନିଦେର୍‌, ଆୟା ପାଣିଦିଙ୍ଗ୍‌ ୱେଡ଼ିକା ଆଦୁ, ୱାନି ମହିମା ତରାନି ୱାଲେ ବା ମିର୍‌ ନାଣ୍ତ୍‌ୱେଡ଼ିକାଦାନ୍‌ ୱେଡ଼ିକା ଆଦୁ ।

ప్రకటన 1:9

ନାନୁ ଜୋହନ, ମି ଅରେନ୍‌ ତଡ଼ାନ୍, ଜିସୁଦି ସିସୁ ୱାଜା ୱାନି ଦେସ୍‌ତି ଲୋକା ମୁସ୍‌କୁ ଆଜିମାନି କାସ୍ଟୁ ସାସ୍ତି ୱାଲେ ସାସ୍‌ କିନି ଉଣ୍ତିଙ୍ଗ୍‌ ନାନ୍‌ ମି ଅରେନ୍‌ ମିସାତାମାନା । ଜିସୁ ୱେର୍‌ତିମାନି ସତ୍‌ ମାରି ମାପୁରୁଦି ସାକ୍ୟ ୱେରିନି ଉଣ୍ତିଙ୍ଗ୍‌ ନାନୁ ପାତ୍ମ ଦର୍‌ତି ତର୍‌ତାରୋ ଅତାମାର୍ହାର୍‌ ।

ప్రకటన 6:11

ୱାରି ମାଡ଼ାନ୍‍କୁ ୱିଜେରିଙ୍ଗ୍ ଉନ୍‌ଡ୍ରି ଲାକା ଅଡ଼ିନିଆଙ୍ଗିଁ ସିଆୟ୍‍ ଆତାତ୍‍ । ମାରି ୱାରି ସଙ୍ଗ୍‌ତି ତଡ଼ାନ୍‌କାଙ୍ଗ୍‌ ମାରି ସେବାକିନିୱାରିଙ୍ଗ୍ ଟିକ୍ ଇସାପ୍‍ତାନ୍ ସାଇ ସାନ୍ଦି ୱାରିଙ୍ଗ୍‌ ମାରି ଏସ ବେଡ଼ା କାପ୍‍କିନି ଉଣ୍ତିଙ୍ଗ୍ ଇର୍ହାର୍‌ ।

ప్రకటన 7:14

ନାନୁ ଇର୍‌ଆ, “ଆଜ୍ଞା ! ନାନୁ ନେସେଏ । ନିନୁ ନେସ୍‍ନିମାନି ।” ୱାନ୍‌ ନାଙ୍ଗିଁ ଇର୍ହାନ୍‌, “ଇୟା ଲୋକୁ ବେସି ତାଡ଼ନା ପୋଇଜି ୱାତାମାନାର୍ । ୱାର୍‌ ମେଷସାବକଦି ନେତେର୍‍ତାନ୍ ନିଜେ ନିଜେଦି ଆଙ୍ଗିଁଙ୍ଗ୍‍ ନର୍‌ବାଜି ସପା କିତାମାନାର୍‌ ।