୧ ପିତର 5:3 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

³ ମାରି ଆମାୱାରି ଦାଇତ୍‌ବୋଜୁ ମି କିୟୁଦୁ ସର୍ପେ ଆତାମାନାତ୍‌, ୱାରି ମୁସ୍‌କୁ ସାସନ୍‌ କିଏଣ୍‌ଗା ମାନ୍ଦା ଉଣ୍ତିଙ୍ଗ୍ ନିଜେଦି ଜିବନ୍‌ତୁ ସାରିତର୍‍ନି ଲୋକା ୱାଜା ଆଜି ଆକା ତରତୁ ।

Konda: కొండ బాసదు నెగ్గి కబ్రు

³ మీ అడ్గి మని లోకాఙ్‌ ముస్కు గర్రదాన్‌ ఏలుబడిః కినిక ఆఎద్. మీ నెగ్గి గుణమ్‌కు సుడ్ఃజి వారుబా అయాలెకెండ్‌ నడిఃని వజ మండ్రు.

୧ ପିତର 5:3 Iomraidhean Croise

యోహాను 13:15

ଇରିଙ୍ଗ୍‌ ମି ଉଣ୍ତିଙ୍ଗ୍‌ ନାନ୍ ଏଣ୍ତେସ୍‌ କିତାମାନା, ମିର୍‌ ବା ଆୟାୱାଜା କିଦୁ, ଇୟାଉଣ୍ତିଙ୍ଗ୍‌ ନାନ୍ ମିଙ୍ଗିଁ ଉନ୍‌ଡ୍ରି ସାରି ତର୍‌ତାମାନା ।

అపొస్తు 20:28

ମାରି ମିର୍‌ ନେତା ୱାଜା ନିଜେଦି ବିସୟ୍‌ତାନ୍‌ ମାରି ପବିତ୍ର ଆତ୍ମା ମି ଜାତୁନ୍‍ ଅତେଙ୍ଗ୍‌ ଏମେ ବିସ୍‍ବାସି ମାନ୍ଦାଦିଙ୍ଗ୍‍ ଡ଼ିସ୍‍ତା ସିତାମାନାନ୍‌, ଆୟା ୱିଜେରି ବିସୟ୍‌ତାନ୍‌ ଜାତୁନ୍‍ ଆଆ । ମେଣ୍ତା ଗାଉଡ଼ୁ ୱାଜା ମାପୁରୁଦି ମଣ୍ତଲିଦି ଜାତୁନ୍‍ ଅଆ । ଆୟା ମଣ୍ତଲିଦିଙ୍ଗ୍‍ ୱାନ୍‌ ୱାନି ମାରିସିଦି ନେତେର୍‌ତି ମାଣାନ୍‌ ନିଜେଦିକା କିତାମାନାନ୍‍ ।

1కొరింతి 11:11

ମାରିବା ପ୍ରବୁଦିମାନୁ ମେମାର୍‌ଏନ୍‌ତିମାଣୁକୁ ଆଇମା ୱେର୍‌ଏ ସିଲେ ମାରି ଆଇମାଦିମାଣୁକୁ ମେମାର୍‌ଏନ୍‌ ୱେର୍‌ଏ ସିଲେ ।

1కొరింతి 3:5

ଆପୋଲୋ ଏନ୍‌ ? ମାରି ପାଉଲ ଏନ୍‌ ? ୱାର୍‌ ମାପୁରୁଦି ସେବାକିନିକାର୍‌, ମିଙ୍ଗିଁ ବିସ୍‌ବାସ୍‌ କିଦେଙ୍ଗ୍‌ ମାପୁ ସାହାଜ୍ୟ କିଜିନାପ୍‌ । ମାପୁରୁ ମା ମାଣ୍‌କୁ ୱିଜେରିଙ୍ଗ୍‌ ଆମା ପାଣିଦୁ ଆସ୍‌କିତାମାନାନ୍‌, ମାପୁ ଆୟା ପାଣି କିଜିନାପ୍‌ ।

1కొరింతి 3:9

ଇରିଙ୍ଗ୍‌ ମାପୁ ମାପୁରୁଦି ୱାଲେ ପାଣିକିଜିନାପ୍‌; ମିର୍‌ ମାପୁରୁଦି କିଡ଼ିଇ ମାରି ମାପୁରୁଦି ଇଲୁ ।

2కొరింతి 1:24

ମିର୍‌ ଏମେ ବାସା ବିସ୍‍ବାସ୍‍ କିନିଦେର୍‌, ଇୟା ବିସୟ୍‌ତାନ୍‌ ମି ମୁସ୍‌କୁ ପାଣିକିଦେଙ୍ଗ୍ ମାପ୍‌ ସେସ୍ଟାକିଏପ୍, ମାତର୍‌ ମିର୍‌ ବିସ୍‍ବାସ୍ ଆଟୁୱା ଆଜି । ମାରି ମିଙ୍ଗିଁ କେବଲ ୱେଡ଼ିକା କିନି ଉଣ୍ତିଙ୍ଗ୍ ମି ୱାଲେ ମିସାବିଡ଼ାଜି ମାଡୁ ପାଣିକିନାଟ୍ ।

2కొరింతి 4:5

ମାପ୍‌ ନିଜେଦିଙ୍ଗ୍ ପ୍ରଚାର୍‌ କିଏପ୍‍, ମାତର୍‌ କ୍ରିସ୍ତଦି ପ୍ରବୁ ଇଜି ମାରି ଜିସୁଦି ଉଣ୍ତିଙ୍ଗ୍‌ ନିଜେ ନିଜେଦିଙ୍ଗ୍ ମି ସେବାକିନିକା ଇଜି ପ୍ରଚାର୍ କିନାପ୍,

ପିଲିପିୟ 3:17

ଏ ତଡ଼ାନ୍‌କୁ ନି ତାଙ୍ଗିଁକି, ମିର୍‌ ଅର୍‌ସେ ମିସାଜି ନା ୱେନ୍‌କା ରାଦୁ, ମାରି ମାମାନୁ ଆମା ସାନ୍ତି ସୁଡ଼ୁଜିନିଦେର୍‌, ଆମାକାର୍‌ ଆୟାଇସାବ୍‌ତାନ୍‌ ବୁଲାସାଲାଜିନାର୍‌, ୱାରିଙ୍ଗ୍ ସୁଡ଼ୁଦୁ ।

ପିଲିପିୟ 4:9

ମିର୍‌ ଆମାୱିଜୁ ବିସୟ୍‌ ନା ମାଣ୍‌କୁ ଅଜାତିମାନିଦେର୍‌, ପୟ୍‌ତିମାନିଦେର୍‌, ୱେର୍‌ଇମାନିଦେର୍‌ ମାରି ନା ମାନୁ ସୁଡ଼ୁତିମାନିଦେର୍‌, ଆୟାୱିଜୁ କିଦୁ; ଆବେନ୍‌ ସାନ୍ତିଦାତା ମାପୁରୁ ମି ସାକା ଆନାନ୍‌ ।

1దెస్స 1:7

ଇୟାୱାଜା ମିର୍‌ ମାସିଦୋନିଆ ମାରି ଆକାୟାଦୁ ମାନି ୱିଜୁ ବିସ୍‌ବାସ୍‌ତି ଲୋକା ଉଣ୍ତିଙ୍ଗ୍‌ ନେଗିସାରି ତର୍‍ନି ଲୋକ୍‍ ୱାଜା ଆତିମାରିଇଦେର୍‌ ।

2దెస్స 3:9

ମିମାଣୁକୁ ଇନିକା ଲସ୍‌ତେଙ୍ଗ୍‌ ଜେ ମା ଅଦିକାର୍‌ ସିଲେତ୍‌, ଆକା ସିଲେ, ମାତର୍‌ ଏଣ୍ତେସ୍‌ ମିର୍‌ ମାଙ୍ଗିଁ ଏତ୍‌ କିଦୁ; ଇୟାଉଣ୍ତିଙ୍ଗ୍‌ ମାପ୍‌ ମି ଲାକ୍‌ତୁ ନିଜେ ନିଜେଦିଙ୍ଗ୍‌ ନେଗିକାନ୍‌ ୱାଜା ତର୍‌ତେଙ୍ଗ୍‍ଁ ଇଜି ଆୟାୱାଜା କିତାପ୍‌ ।

1తిమోతి 4:12

ନି ନିଜେଦି ୱାର୍‌ଗିନିକା, ବ୍ୟବ୍‌ହାର୍‌, ଜିବନ୍‌ନୋନିକା, ବିସ୍‌ବାସ୍‌ ମାରି ପବିତ୍ରଦୁ ନେଗେନ୍‌ତାନ୍‌ ସେବା ତର୍‌ତେଙ୍ଗ୍‍ଁ ଆଟ୍‌ତିଙ୍ଗ୍‌, ଉଣା ବୟସ୍‌ ଆତିମାରିଙ୍ଗ୍‌ବା ମିଙ୍ଗିଁ ଏନ୍‌ ସେମାର୍‌ କିଦେଙ୍ଗ୍‌ ଆଟ୍‌ଏନ୍‌ ।

తీతు 2:7

ୱିଜୁ ବିସୟ୍‌ତାନ୍‌ ସତ୍‌ପାଣି ପୁରା କିଜି ମିର୍‌ ନିଜେଦି ଜିବନ୍‌ତୁ ନେଗିକା ତର୍‌ତୁ । ନେଗିମୋନ୍‌ତାନ୍‌ ମାରି ବୁଦିଦାନ୍‌ ନେଗି ବାସାଦାନ୍‌ ସିକିୟା ସିଦୁ ।

୧ ପିତର 2:9

ମିର୍‌ ଉନ୍‌ଡ୍ରି ଆସ୍‌କିଆୟ୍‌ଆତିମାନି କୁଟୁମ୍‌, ରାଜାଦି ଜାଜକ ଇଲୁ, ଉନ୍‌ଡ୍ରି ପବିତ୍ର ଜାତି ମାରି ମାପୁରୁଦି ନିଜେଦି ଲୋକୁ ଆତିମାନିଦେର୍‌ । ମାପୁରୁ ମିଙ୍ଗିଁ ସିକାଟିଦାନ୍‌ ନିଜେଦି କାବାଆନି ଜାୟ୍‌ତୁ କୁକ୍‌ତାମାନାନ୍‌ । ମିର୍‍ ୱାନି କାବାଆନି ପାଣି ୱିଜୁ ୱେର୍‍ତେଙ୍ଗ୍‍ ଇଜି କୁକାତିମାନିଦେର୍‍ ।