୧ ପିତର 2:5 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁵ ମିର୍‌ ଉନ୍‌ଡ୍ରି ଜିବନ୍‌ତି ମନ୍ଦିର୍‌ ତିଆର୍‌କିଦେଙ୍ଗ୍‌ ଜିବନ୍‌ମାନି କାଲୁ ୱାଜା ବ୍ୟବ୍‌ହାର୍‌ ଆନି ଉଣ୍ତିଙ୍ଗ୍‌ ରାଦୁ । ଆୟା ମନ୍ଦିର୍‌ତୁ ମିର୍‌ ଜିସୁ କ୍ରିସ୍ତଦି ମାଣାନ୍‍ ମାପୁରୁ ଆତ୍ମିକ ଆସ୍‍ନିନାନି ଦିନ୍‌କେରି ପୁଜା ସିନି ଉଣ୍ତିଙ୍ଗ୍‌ ପବିତ୍ର ଜାଜକଦି ପାଣି କିନିଦେର୍‌ ।

Konda: కొండ బాసదు నెగ్గి కబ్రు

⁵ మీరుబా పణుకుఙ్‌ లెకెండె దేవుణు మండ్రెఙ్‌ ఇజి తొహె ఆని గుడిదిఙ్‌ మీరు పణుకుఙ్‌ లకెండ్. గాని క్రీస్తు లెకెండ్‌ మీరుబా పాణం మని పణుకుఙె. దేవుణుదిఙ్‌ కేట ఆతి పుజెరి లోకుర్‌ లెకెండ్‌ మండ్రు. దేవుణుదిఙ్‌ పొగ్‌డిఃజి, వందనమ్‌కు వెహ్సి, వన్నిఙ్‌ లొఙిజి మంజి యేసు క్రీస్తు వలెహాన్‌ వన్నిఙ్‌ తగితి పూజెఙ్‌ సీదు.

୧ ପିତର 2:5 Iomraidhean Croise

ରୋମିୟ 12:1

ଆଦେଙ୍ଗ୍‍ଁ ତଡ଼ାନ୍‍କୁ ନି ତାଙ୍ଗିଁକି, ମା ଉଣ୍ତିଙ୍ଗ୍‍ଁ ମାପୁରୁଦି ନାଣ୍ତ ଦୟା ଉଣ୍ତିଙ୍ଗ୍‍ଁ ମିଙ୍ଗିଁ ନାନୁ ବାତିଙ୍ଗ୍‌ ମାଲ୍‍ଜିନା, ମାପୁରୁମାନୁ ନିଜେଦି ମେନ୍ଦଲ୍‌ତିଙ୍ଗ୍‍ଁ ପବିତ୍ର ପୁଜା ୱାଜା ସର୍‌ପେ କିଦୁ । ୱାନି ସେବାଦୁ ନିଜେଦିଙ୍ଗ୍‍ଁ ସିଜି ୱାନିମାନୁ ସର୍‌ପେ ଆଦୁ । ଇକା ମାପୁରୁଦି ସତ୍‍ ଉପାସନା କିନିକା ।

ରୋମିୟ 15:16

ଇରିଙ୍ଗ୍‍ଁ କ୍ରିସ୍ତ ଜିସୁଦି ଦାସ୍‍ ୱାଜା ଅଣଜିହୁଦି ଲୋକାଙ୍ଗ୍‍ଁ ଉଣ୍ତିଙ୍ଗ୍‍ଁ ପାଣି କିଦେଙ୍ଗ୍‍ଁ ଇଜି ମାପୁରୁ ନାଙ୍ଗିଁ ସାରି ସିତାମାନାନ୍‌ । ମାପୁରୁଦି ସୁସମାଚାର୍‌ ୱେର୍‍ତେଙ୍ଗ୍‍ଁ ଇଜି ନାନୁ ଅରେନ୍‍ ଦାର୍ମୁଗୁରୁ ୱାଜା ପାଣି କିଜିନା । ଅଣଜିହୁଦି ଲୋକୁ ପବିତ୍ର ଆତ୍ମାଦି ମାଣାନ୍‌ ସିୟାୟ୍‍ଆତି ବିସୟ୍‌ତି ୱାଜା ମାପୁରୁଦି ଲାକ୍‍ତୁ ସର୍‌ପେ ଆପିର୍‍, ଇକା ନା ବଦା ।

1కొరింతి 3:16

ମିର୍‌ ସତ୍‌ତାନ୍‌ ନେସ୍‌ତୁ ଜେ ମିର୍‌ ମାପୁରୁଦି ମନ୍ଦିର୍‌, ମାରି ମାପୁରୁଦି ଆତ୍ମା ମି ଲୋଇ ତେବାନାତ୍‌ ।

1కొరింతి 3:9

ଇରିଙ୍ଗ୍‌ ମାପୁ ମାପୁରୁଦି ୱାଲେ ପାଣିକିଜିନାପ୍‌; ମିର୍‌ ମାପୁରୁଦି କିଡ଼ିଇ ମାରି ମାପୁରୁଦି ଇଲୁ ।

1కొరింతి 6:19

ଇକା ଇନିକା ମିର୍‌ ନେସ୍‌ଇଦେର୍‌ ? ମାରି ମି ମେନ୍ଧଲ୍‍ ଜେ ମାପୁରୁଦିମାଣାନ୍‌ ପୟ୍‌ତି ମି ଜିବନ୍‌ତୁବାସାନି ପବିତ୍ରଆତ୍ମାଦି ମନ୍ଦିର୍‌, ମାରି ମିର୍‌ ନିଜେ ନିଜେଦି ଆଇଦେର୍‍, ମାତର୍‌ ମାପୁରୁଦିକାର୍‌ ।

2కొరింతి 6:16

ମାପୁରୁଦି ମନ୍ଦିର୍‌ତୁ ଏଣ୍ତେସ୍ ଦିୟାମ୍‍ ତିଆର୍‍ ଆନାତ୍‌ ? ମାଡ୍‌ ତୋ ଜିବନ୍‍ମାନି ମାପୁରୁଦି ମନ୍ଧିର୍‍, ଇରିଙ୍ଗ୍‌ ମାପୁରୁ ନିଜେ ଇର୍ହାମାନାନ୍‌, “ନା ଲୋକାୱାଲେ ନାନୁ ବାସାକିନା ମାରି ୱାରି ମାନୁ ତେବାନା; ନାନୁ ୱାରି ମାପୁରୁ ଆନା ମାରି ୱାର୍‌ ନା ନିଜେ ଲୋକ ଆନାର୍ ।”

ଗାଲାତିୟ 6:10

ଆଦେଙ୍ଗ୍‌ ଏସ ଦେବେଙ୍ଗ୍‍ ସାରି ପୁଟ୍‍ନାତ୍‍, ୱିଜୁଦିନ୍ ୱିଜେରି, ବିସେସ୍‍କିଜି ଏମେକାର୍‍ ମା ବିସ୍‍ବାସି ପରିବାର୍‌ତୁ, ୱାରି ନେଗିକା କିନିକା ମା ପାଣି ।

ପିଲିପିୟ 1:11

ମାରି, ମାପୁରୁଦି ଗୌରବ୍‍ ମାରି ଦନ୍ୟବାଦତି ଉଣ୍ତିଙ୍ଗ୍‌ ମି ଜିବନ୍‌ ଜିସୁ କ୍ରିସ୍ତଦି ସିତିମାନି ୱିଜୁ ନେଗିଗୁଣୁତୁ ପୁରା ଆନାତ୍‌ ।

ପିଲିପିୟ 2:17

ମାପୁରୁଦି ଉଦେସ୍‌ତାନ୍‌ ମି ବିସ୍‌ବାସ୍‌ୱାଜା ବଲିଦାନ୍‌ତୁ ଆନାତ୍‌ସୁଗି ନା ଜିବନ୍‌ତି ନେତେର୍‌ ୱାକ୍‌ସୋ ସିଦେଙ୍ଗ୍‌ ପଡ଼ାନାତ୍‌, ଆର୍‌ତିଙ୍ଗ୍‌ ନାନ୍‌ ୱେଡ଼ିକା କିଜିନା ମାରି ନା ଇୟା ୱେଡ଼ିକାଦୁ ମିଙ୍ଗିଁ ମିସା କିଦେଙ୍ଗ୍‌ ଅଡ଼୍‌ବିଜିନା ।

ପିଲିପିୟ 4:18

ମିମାଣ୍‌କୁ ନାନ୍‌ ପୟ୍‌ତିମାନି ୱିଜୁ ଦାନ୍‌ ଉଣ୍ତିଙ୍ଗ୍‌ ପୋୟ୍‌ତିକା ମାନାଜି ଜାଣେକିଜିନା । ଆକା ନା ଉଣ୍ତିଙ୍ଗ୍‌ ନାଣ୍ତଦାନ୍‌ ନାଣ୍ତ ଆତାମାନାତ୍‌, ଏପାଫ୍ରଦିତ୍‌ଦି କିୟୁଦୁ ମିର୍‌ ପୋକ୍‌ତାତିମାନି ଦାନ୍‌ ନା ୱିଜୁ ସିଲିମାନୁ ପୁରା କିତାମାନାତ୍‌ । ଆକା ମାପୁରୁଦି ଉଦେସ୍‌ତାନ୍‌ ସିତିମାନି ବାସ୍‌ନାଆନି ଦୁପୁଣି ମାରି ୱାନି ମାନାନିନାନିକା ମାରି ୱେଡ଼ିକାଦି ବଲିପୁଜାସିନି ୱାଜା ।

కొలొసి 3:17

ମାରି, ବାକ୍ୟ ସିଲିତିଙ୍ଗ୍‌ ପାଣିଦାନ୍‌ ମିର୍‌ ଆମାକା ଇନିକା କିଦୁ, ଆୟାୱିଜୁ ପ୍ରବୁ ଜିସୁଦି ଦର୍‌ତାନ୍‌ କିଜି ୱାନିମାଣୁକୁ ବୁବା ମାପୁରୁଙ୍ଗୁଁ ଦନ୍ୟବାଦ୍‌ ସିଦୁ ।

1తిమోతి 3:15

ମାତର୍‌ ଜଦି ନାନ୍‌ ୱାନିକା ୱେଡ଼ା ଆନାତ୍‌, ଜିବନ୍‌ମାନି ମାପୁରୁଦି ଇଲୁୱାଜା ଇୟା ପାର୍‍ତନାକିନି ମଣ୍ତଲିଦୁ ମାଙ୍ଗିଁ ଏଣ୍ତେସ୍‌ ଜିଦେଙ୍ଗ୍‌ ଆନାତ୍‌, ଇୟା ଆକୁ ଦାନ୍‌ ଆକା ମିର୍‌ ନେସ୍‌ତେଙ୍ଗ୍‌ ଆଟ୍‌ନିଦେର୍‌ । ଇୟା ମାପୁରୁଦି ମଣ୍ତଲି ନେ ୱିଜୁଦିନ୍‌ତି ସତ୍‌ତି ମୁଣ୍ତା ନି କୁନାଦି ରାସ୍‌ତିକା ।

ఎబ్రి 3:6

ମାତର୍‌ କ୍ରିସ୍ତ ମାରିନ୍ ୱାଜା ମାପୁରୁଦି ଇଲୁଦୁ ଜାତୁନ୍‍ ଅତେଙ୍ଗ୍‍ ବିସ୍‍ବାସ୍‍ତିକାନ୍‍ । ମାଡୁ ଜଦି ସାହାସ୍ ଆସ୍‌ସି ଆସାଦି ବିଷୟ ପୋଇନିକା ଇଜି ମା ବିସ୍‍ବାସ୍‍ଦୁ ଡାଟ୍‍ ମାନାଟ୍‍, ଆର୍‌ତିଙ୍ଗ୍‌ ମାଡୁ ୱାନି ଇଲୁୱାଜା ଆନିକା ।

୧ ପିତର 2:9

ମିର୍‌ ଉନ୍‌ଡ୍ରି ଆସ୍‌କିଆୟ୍‌ଆତିମାନି କୁଟୁମ୍‌, ରାଜାଦି ଜାଜକ ଇଲୁ, ଉନ୍‌ଡ୍ରି ପବିତ୍ର ଜାତି ମାରି ମାପୁରୁଦି ନିଜେଦି ଲୋକୁ ଆତିମାନିଦେର୍‌ । ମାପୁରୁ ମିଙ୍ଗିଁ ସିକାଟିଦାନ୍‌ ନିଜେଦି କାବାଆନି ଜାୟ୍‌ତୁ କୁକ୍‌ତାମାନାନ୍‌ । ମିର୍‍ ୱାନି କାବାଆନି ପାଣି ୱିଜୁ ୱେର୍‍ତେଙ୍ଗ୍‍ ଇଜି କୁକାତିମାନିଦେର୍‍ ।

୧ ପିତର 4:11

ଏନ୍‌ ପ୍ରଚାର୍‌ କିନାନ୍‌, ୱାନ୍‌ ମାପୁରୁଦି ବାକ୍ୟ ପ୍ରଚାର୍‌ କିପିନ୍‌ । ଏନ୍‌ ଜଦି ସେବା କିନାନ୍‌, ୱାନ୍‌ ମାପୁରୁଦିମାଣୁକୁ ସାକ୍ତି ପୟ୍‍ତିମାନି ଲୋକ୍‌ ୱାଜା ସେବା କିପିନ୍‌, ଏଣ୍ତେସ୍‌ ଜିସୁ କ୍ରିସ୍ତଦି ମାଣାନ୍‌ ମାପୁରୁ ଦନ୍ୟବାଦ ଆନାନ୍‌; ଜୁଗ୍‌ ଜୁଗ୍‌ ଗୌରବ୍‌ ମାରି ପରିସାକ୍ତି ୱାନିଦି ଆପିତ୍‌ । ଆମେନ୍‍ ।

୧ ପିତର 4:17

ବିଚାର୍‌କିନି ଦିନ୍‌ ଇଗା ୱାତାତ୍‍ ମାରି ମାପୁରୁଦି ଲୋକୁ ଆଗ୍‌ଡ଼ି ବିଚାର୍‌ କିଆୟ୍‌ଆନାର୍‌ । ଜଦି ମାବାଣାନ୍‍କୁ ଆକା ଆରାମ୍‍ ଆନାତ୍‍, ଆର୍‍ତିଙ୍ଗ୍‍ଁ ଏମେକାର୍‍ ମାପୁରୁଦି ସୁସମାଚାର୍‌ ବିସ୍‌ବାସ୍‌ କିଏର୍‌, ୱାରି ସାରାସାରିଦି ଦଣ୍ତ୍‌ ଏସା ପେରିକା ଆଏତ୍‌ ?

ప్రకటన 1:6

ମାରି ୱାନି ବୁବା ମାପୁରୁଦି ରାଜିଦୁ ସେବା କିନି ଉଣ୍ତିଙ୍ଗ୍‌ ମାଙ୍ଗିଁ ଉନ୍‌ଡ୍ରେ ଜାଜକ ୱାଜା କିତାମାନାନ୍ । ୱିଜେରେ ଗୌରବ୍‌ ମାରି ପରାକ୍ରମ ୱିଜୁଦିନ୍‌ ଜିସୁ କ୍ରିସ୍ତଦି ଆପିତ୍ ! ଆମେନ୍‍ ।

ప్రకటన 20:6

ସାତି ଲୋକ୍‌ତି ଇୟା ପାର୍‍ତୁମ୍‍ ମାରିଡ଼େସି ନିଙ୍ଗିଁନିମାନୁ ଏମେକାର୍ ମିସାତାମାନାର୍‌ ୱାର୍‌ ଏସା କାର୍ମୁଦିକାର୍‌ । ୱାର୍‌ ଏସ ୱେଡ଼ିକା ! ୱାରିଙ୍ଗ୍‌ ମାରି ରୁଣ୍ତି ଦେବେଙ୍ଗ୍‌ ସାନିକା ପୋଡ଼ାଏତ୍‌ନି । ୱାର୍‌ ମାପୁରୁଦି ମାରି କ୍ରିସ୍ତଦି ଜାଜକ ଆଜି କ୍ରିସ୍ତଦି ୱାଲେ ୧,୦୦୦ ବାର୍ସେକ୍ ସାନ୍ଦି ସାସନ୍‍ କିନାର୍ ।

ప్రకటన 3:12

ଜିଣାତି ଲୋକ୍‌ତିଙ୍ଗ୍‌ ନାନୁ ନା ମାପୁରୁଦି ମନ୍ଦିର୍‌ଦୁ ମୁଣ୍ତାୱାଜା ତିଆର୍‌ କିନା ମାରି ୱାନ୍‌ ମୁଡ଼ୁକେ ଆବେଟ୍‌ତାନ୍‌ ଗୁସାଦେଙ୍ଗ୍ ଆଟ୍‌ଏନ୍‌ । ନାନୁ ତାନି ମୁସୁକୁ ନା ମାପୁରୁଦି ଦରୁ ରାସ୍‍ନା । ନା ମାପୁରୁଦି ଲାକ୍‌ତୁରାନ୍‌ ମୁସ୍‌କୁପୁର୍‌ତାନ୍‌ ୱାତିମାନି ମାପୁରୁଦି ଗାଡ଼୍‌, ପୁନି ଜିରୁସାଲମ୍‌ଦି ଦରୁ ମାରି ନା ପୁନି ଦରୁ ବା ଆୟା ମୁସୁକୁ ରାସ୍‍ନା ।

ప్రకటన 5:10

ମାରି ମାପୁରୁଦି ସେବା କିନି ଉଣ୍ତିଙ୍ଗ୍ ୱାରିଙ୍ଗ୍‌ ଉଡ୍ରି ଜାଜକ କୁଟୁମ୍‌ତୁ ମିସାକିତା ମାନାନ୍‌ ମାରି ୱାର୍‌ ଦୁନିଆ ମୁସୁକୁ ସାସନ୍‌ କିନାର୍ ।”