୧ ପିତର 1:7 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁷ ମି ବିସ୍‌ବାସ୍‌ତି ନେଗିକା ପରିକା କିନିକା ଇୟା ୱିଜୁଦି ଉଦେସ୍‍ । ୱିଜ୍‌ନି ବାଙ୍ଗାଁରାମ୍‍ତିଙ୍ଗ୍‌ ସିସୁଦୁ ପରିକା କିନାର୍‌ । ମି ବିସ୍‌ବାସ୍‌ ବାଙ୍ଗାଁରାଓ ତାନ୍‌ ନାଣ୍ତ ଦାରା ଆତିମାନିଙ୍ଗ୍‌ ପରିକାଦାନ୍‌ ତାନିଙ୍ଗ୍‌ ପୁରା କିଦେଙ୍ଗ୍‌ ପଡ଼ାନାତ୍‌ । ଜିସୁ କ୍ରିସ୍ତଦି ତରାନି ବେଡ଼ାଦୁ ମିର୍‌ ଦନ୍ୟବାଦ୍‌, ଗୌରବ୍‍ ମାରି ସନ୍‌ମାନ୍‌ ପୟ୍‌ନିଦେର୍‌ ।

Konda: కొండ బాసదు నెగ్గి కబ్రు

⁷ ఎందనిఙ్‌ ఇహిఙ, పడాఃజి సొని బఙారం‌ సిసుదు ఇడ్జి సుబ్రం కినార్‌ గదె. అయ లెకెండ్‌ బఙారం‌ ముస్కు విలువ మన్ని మీ నమకమ్‌బా కల్తి సిలిక‌ ఇజి రుజుప్‌ కిదెఙ్‌ వలె. ఆహె రుజుప్‌ కితిఙ యేసు క్రీస్తు తోరె ఆనివలె నని నమకమ్‌ వందిఙ్‌ మిఙి పొగ్‌డిఃనాన్. మిఙి, గొప్ప గనం దొహ్‌క్నాద్.

୧ ପିତର 1:7 Iomraidhean Croise

మత్తయి 19:28

ଜିସୁ ୱାରିଙ୍ଗ୍‌ ଇର୍ହାନ୍‌, ନାନ୍ ମିଙ୍ଗିଁ ସତ୍‌ ଇଜିନା, ପୁନି ଜଗ୍‌ତି ଏସ୍ତିୱାଲେ ମନୁସ୍ୟପୁତ୍ର ନିଜେଦି ଗୌରବ୍‌ମୟ୍‌ ରାଜାଗାଦିଦୁ ବାସ୍‌ନାନ୍‌, ନାସ୍ତିୱାଲେ ନା ଇୟା ବାରଲୋକ୍ ସିସୁର୍‍ ବା ବାରଗୋଟା ରାଜାଗାଦିଦୁ ବାସ୍‌ନାରୋ ଇସ୍ରାଏଲ୍‌ତି ବାରଗୋଟା କୁଟୁମ୍‌ତି ମୁସ୍‌କୁ ସାସନ୍‍ କିନିଦେର୍‌ ।

మత్తయి 25:21

ମାଲିକ୍‌ ୱେଡ଼ିକା ଆତାନ୍‌ନୋ ଇର୍ହାନ୍‌, ନେଗିକା କିତିମାନି, ନିନ୍‌ ନା ନେଗିକିନ୍ଦା ମାରି ବିସ୍‌ବାସ୍‌ତି ସାକର୍‌ । ନିନୁ ବିସ୍‌ବାସ୍‌ତାନ୍‌ ଉଣା ଦନ୍‌ତି ଇନିଙ୍ଗାଁଆନିଆ କିଦେଙ୍ଗ୍‌ଆଟ୍‌ତିମାନିଙ୍ଗ୍‌ ନି କିୟୁଦୁ ଗାଦି ଦନ୍‌ ଡ଼ିସ୍‌ନାସିନା । ରାଆ, ନା ୱାଲେ ୱେଡ଼ିକାକିଆ ।

మత్తయి 25:23

ମାଲିକ୍‌ ଇର୍ହାନ୍‌, ନେକ୍‌କା କିତିମାନି । ନିନ୍‌ ବା ନା ନେଗି ନି ବିସ୍‌ବାସ୍‌ ସାକର୍‌ । ଉଣା ଦନ୍‌ତାନ୍‌ ବିସ୍‌ବାସ୍‌ ତର୍‌ତିମାନି, ଗାଦି ଦନ୍‌ ନାନ୍ ନିଙ୍ଗିଁ ନାଣ୍ତ କିନାସିନା । ରାଆ, ନା ୱେଡ଼ିକାଦୁ ମିସାଆ ।

లూకా 12:33

ମିଙ୍ଗିଁ ଆମାକା ମାନାତ୍‌, ଆକା ପୋର୍‌ଜି କାକୁର୍ତି ଲୋକାଙ୍ଗ୍‌ ସିଦୁ; ଆମାକା ସେଏଣ୍ଡ୍‌ ଆଏତ୍‍, ଇୟାୱାଜା ମଣି ନିଜେ ନିଜେଦି ଉଣ୍ତିଙ୍ଗ୍‌ ତିଆର୍‌ କିଦୁ; ଏମେମାନୁ ଡଙ୍ଗାଁର୍‌ଏନ୍‌ ଲାକ୍‌ତୁ ରେଏନ୍‌ ମାରି ପିଡ଼ୁକୁ ତିନ୍‌ଉ, ଇୟାୱାଜା ମୁସ୍‌କୁପୁର୍‌ତୁ ନାଷ୍ଟୁ ଆଇ ଦନ୍‌ ଉଣ୍ତା କିଦୁ,

లూకా 17:30

ମନୁସ୍ୟପୁତ୍ର ତରାୟ୍‍ଆନି ନାଣ୍ତିଙ୍ଗ୍‌ ଆୟାୱାଜା ଗଟାନାତ୍‌ ।

యోహాను 12:26

ଏନ୍‌ ନା ସେବା କିଦେଙ୍ଗ୍‌ ବଦାକିନାନ୍‌, ଆରିଙ୍ଗ୍‌ ୱାନ୍‌ ନା ୱାଲେ ରାପିନ୍‍; ମାରି; ନାନ୍ ଏମେନ୍‍ ମାନା, ନା ସେବାକିନିକାନ୍‍ ବା ଆବେ ତେବାନାନ୍‌; ଏନ୍‌ ଏସାଙ୍ଗ୍‍ ନା ସେବା କିନାନ୍‌, ଆରିଙ୍ଗ୍‌ ନା ବୁବା ୱାନିଙ୍ଗ୍‌ ମାନାନାନ୍‍ ।

యోహాను 5:44

ମିର୍‌ ଏଣ୍ତେସ୍‌ ନାଙ୍ଗିଁ ବିସ୍‌ବାସ୍‌ କିଦେଙ୍ଗ୍‌ ଆଟ୍‌ନିଦେର୍‌ ? ମିର୍‌ ତୋ ନିଜେନିଜେମାଣ୍‍କୁ ଗୌରବ୍‍ ପୟ୍‌ଜିନିଦେର୍‌, ମାରି ଅରେନ୍‌ ମାପୁରୁମାଣ୍‌କୁ ଏମେ ଗୌରବ୍‌, ଆକା ପୟ୍‌ଦେଙ୍ଗ୍‌ ବଦା କିଇଜିନିଦେର୍‍ ।

అపొస్తు 8:20

ମାତର୍‌ ପିତର୍ ୱାନିଙ୍ଗ୍‌ ଇର୍ହାନ୍‌, “ନି ୱାଲେ ନି ଡାବୁଙ୍ଗୁଁ ଦ୍ୱଂସ ଆପିତ୍‌, ଇରିଙ୍ଗ୍‌ ଡାବୁଦାନ୍‍ ନିନ୍‌ ମାପୁରୁଦି ଦାନ୍‌ କଣ୍ତେଙ୍ଗ୍‌ ଅଡ଼୍‍ବିତିମାନି !

ରୋମିୟ 2:10

ମାତର୍‌ ଏମେକାର୍‌ ନେଗିପାଣି କିଜିମାନାର୍‍, ୱାର୍‌ ଜିହୁଦି ଲୋକୁ ଆପିର୍‍, ଅଣଜିହୁଦି ଲୋକୁ ଆପିର୍‍, ୱାରିଙ୍ଗ୍ ମାପୁରୁ ସମ୍ମାନ୍‍, ଗୌରବ୍‍ ନି ସାନ୍ତି ସିନାନ୍‍ ।

ରୋମିୟ 2:29

ଏନ୍‌ ଜିବନ୍‍ତୁ ଜିହୁଦି, ୱାନ୍‌ ଆଜିନାନ୍‍ ସତ୍‌ତାନ୍‌ ଜିହୁଦି । ସତ୍‍ ସୁନ୍ନତ ଜିବନ୍‍ତି ବିସୟ୍‍; ଆକା ଆତ୍ମିକ, ରାସାତିକା ଆଏତ୍‍ । ଇୟାୱାଜା ଲୋକୁ ମାଣାନ୍‌ ୱେଡ଼ିକା ପୟ୍‍ଦେଙ୍ଗ୍‌ ଆଟ୍‌ଏନ୍‍; ୱାନ୍‌ ଆକା ପୟ୍‍ନାନ୍‍ ମାପୁରୁଦିମାଣାନ୍‌ ।

ରୋମିୟ 2:7

ଏସୋଲୋକ୍‍ ଗୌରବ୍‍, ସନ୍‌ମାନ୍‌ ନି ୱିଜୁଦିନ୍‌ ତେବାନି ଆସାଦାନ୍‍ ଦର୍ଜଦାନ୍‍ ସତ୍‍ ପାଣି କିନା ସନାନ୍‍, ୱାରିଙ୍ଗ୍ ମାପୁରୁ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ସିନାନ୍‍ ।

ରୋମିୟ 8:19

ୱିଜୁ ତିଆର୍‍ ଆତିମାନିକେଙ୍ଗ୍‍ଁ ୱେଡ଼ିକାଦାନ୍‍ ଆୟା ମାପୁରୁଦି ଦିନ୍‍ତିଙ୍ଗ୍‍ କାପ୍‌କିଜି ତେବାତେମାନେ,

1కొరింతి 3:13

ଆର୍‌ତିଙ୍ଗ୍‌ “କ୍ରିସ୍ତଦି ଡ଼େସିୱାନି ଦିନ୍‌ତୁ” ୱିଜୁ ଲୋକାଦି ପାଣି ଏଣ୍ତେସ୍‌ନାନିକା, ଆକା ୱେଙ୍ଗିଁନାତ୍‌, ଇରିଙ୍ଗ୍‌ ଆୟାନାଣ୍ତିଙ୍ଗ୍‌ ସିସୁଦି ୱାଲେ ୱେଙ୍ଗିଁନାତ୍‌, ମାରି ୱିଜୁ ଲୋକାଦି ପାଣି ଏଣ୍ତେସ୍‌ନାନିକା, ଆୟା ସିସୁ ପରିକା କିନାତ୍‌ ।

1కొరింతి 4:5

ଆଦେଙ୍ଗ୍‌, ବେଡ଼ାଦି ଆଗ୍‍ଡ଼ିନେ ପ୍ରବୁ ବିଚାର୍‌ କିଦେଙ୍ଗ୍‌ ୱାନି ସାନ୍ଦି କାପ୍‌କିଦୁ । ଇନି ବିସୟ୍‌ ବିଚାର୍‌ କିମାଟ୍‌ । ୱାନ୍‌ ସିକାଟିଦୁ ମାର୍‌ଗିତିମାନି ବିସୟ୍‌କୁୱିଜୁ ଜାୟ୍‌ତୁ ତର୍‌ନାନ୍‌, ମାରି ଲୋକା ମୋନ୍‌ତୁ ମାର୍‌ଗିତିମାନି ମାଟେଙ୍ଗ୍‌ୱିଜୁ ୱେକ୍‌ନାନ୍‌; ନାସ୍ତିୱାଲେ ୱିଜୁ ଲୋକୁ ମାପୁରୁଦିମାଣୁକୁ ପ୍ରସଂସା ପୟ୍‌ନାର୍‌ ।

యాకోబు 1:12

ଆମା ଲୋକ୍‌ ଦୁଃକ୍‌କାସ୍ଟୁଦୁ ସାସ୍‌ କିନାନ୍‌, ୱାନ୍‌ ଆସିର୍ବାଦ୍‍ତିକାନ୍‍; ଇରିଙ୍ଗ୍‌ ଇୟାୱାଜା ଲୋକ୍‌ ପରିକାଦୁ ଜିଣାତିଙ୍ଗ୍‌, ମାପୁରୁ ୱାନି ଲୋକାଙ୍ଗ୍‌ ଆମା ଜିବନ୍‌ ସିନାନ୍‌ ଇଜି ପାର୍‌ମାଣ୍‌ କିତାମାନାନ୍‌, ୱାନ୍‌ ଆକା ପୁର୍‌ସ୍କାର୍‌ ୱାଜା ପୟ୍‌ନାନ୍‌ ।

୧ ପିତର 1:13

ମାରି, ପାଣି କିଦେଙ୍ଗ୍‍ ଜାଗାର୍‌ତା ମାନ୍‌ଡ୍ରୁ, ଜାଗାର୍‍ତା ମନ୍‍ତୁ ମାନ୍‍ଜି ଜିସୁ କ୍ରିସ୍ତ ୱାନି ବେଡ଼ାଦୁ ଆମା ଆସିର୍ବାଦ୍‌ ମି ଉଣ୍ତିଙ୍ଗ୍‌ ସିଆୟ୍‍ ଆନାତ୍‌, ତାନି ମୁସ୍‌କୁ ପୁରା ଆସା ଇଡ୍‌ଦୁ ।

୧ ପିତର 1:5

ଆମା ରକିୟା ସାରାସାରି କାଡ଼ାଦୁ ୱେଙ୍ଗ୍‌ନି ଉଣ୍ତିଙ୍ଗ୍‌ ତିଆର୍‌ ଆତାମାନାତ୍‌, ଆକା ପୟ୍‍ନି ଉଣ୍ତିଙ୍ଗ୍‍ ମିର୍‌ ବିସ୍‍ବାସ୍‍ତାନ୍ ମାପୁରୁଦି ସାକ୍ତିଦାନ୍‌ ନେଗେନ୍‍ ମାନିଦେର୍‌ ।

୧ ପିତର 2:4

ମିର୍‌ ଆମା ଜିବନ୍‌ମାନି କାଲୁ ୱାଜା ମାପୁରୁ ଦାରାସିଲିକା ଅଡ଼୍‍ବିଜି ଡ଼ିସ୍‌ତାର୍‌, ୱାନି ଲାକ୍‌ତୁ ରାଦୁ, ଇରିଙ୍ଗ୍‌ ୱାନ୍‌ ମାପୁରୁଦି ଲାକ୍‌ତୁ ଆସ୍‌କିଆୟ୍‌ଆତାମାନାନ୍‌ ମାରି ନାଣ୍ତ୍‌ଦାରା ମାନାନ୍‌ ।

୧ ପିତର 2:7

ମିର୍‌ ବିସ୍‍ବାସ୍‍ କିତିମାନିଙ୍ଗ୍‌ ମି ଉଣ୍ତିଙ୍ଗ୍‌ ଇୟା କାଲୁ ନାଣ୍ତ ଦାରା । ମାତର୍‌ ଅବିସ୍‌ବାସ୍‌ତି ଲୋକା ଉଣ୍ତିଙ୍ଗ୍‌ : “ଆମା କାଲୁଦିଙ୍ଗ୍‌ ଇଲୁକୁ ତିଆର୍‌କିନିକାର୍‌ ସିଲେ ଇଜି ଲାତ୍‍ ଡାକ୍‍ତାର୍‌, ଆକା ୱିଜୁମାଣୁକୁ ପେରି ଦର୍‍କାର୍‍ତି କାଲୁ ଆତାତ୍‌ ।”

୧ ପିତର 4:12

ଏ ନା ତଡ଼୍‍କୁ ନି ତାଙ୍ଗିଁକ୍‌ ଏମେ ସିସୁ ପରିକାଦୁ ମିର୍‍ ଦୁଃକ୍‌ ପୟ୍‍ଜିନିଦେର୍‍, ଆକା ଉଣ୍ତ୍ରି ପେରିମାଟା ଇଜି ଅଡ଼୍‍ବିଜି କାବା ଆମାଟ୍‌ ।

୧ ପିତର 4:13

ମାରି ୱେଡ଼ିକା ଆଦୁ, ଇରିଙ୍ଗ୍‌ ମିର୍‌ କ୍ରିସ୍ତଦି ଦୁଃକ୍‌ ପୟ୍‍ନିମାନୁ ମିସାଜିନିଦେର୍‌, ଆୟା ପାଣିଦିଙ୍ଗ୍‌ ୱେଡ଼ିକା ଆଦୁ, ୱାନି ମହିମା ତରାନି ୱାଲେ ବା ମିର୍‌ ନାଣ୍ତ୍‌ୱେଡ଼ିକାଦାନ୍‌ ୱେଡ଼ିକା ଆଦୁ ।

୧ ପିତର 5:1

ନାନ୍‌ ଅରେନ୍‌ ପେରିନେତା ଇସାବ୍‌ତାନ୍‌ ମିଙ୍ଗିଁ ମଣ୍ତ୍‌ଲିଦି ପେରିନେତାରିଙ୍ଗ୍‌ ମାଡ଼ିସ୍‍ କିଜିନା । ମାରି କ୍ରିସ୍ତଦି ଦୁଃକ୍‌ ପୟ୍‍ନିମାନୁ ନାନ୍‌ ଅରେନ୍‌ ସାକି ମାରି ୱାନି ଗୌରବ୍‌ ତରାୟ୍‍ଆନି ବେଡ଼ାଦୁ ନାନ୍‌ ଆବେନୁ ସାକି ତେବାନା ।

ଜିହୁଦା 1:24

ଏନ୍‌ ମିଙ୍ଗିଁ ଗାଡ଼୍‌ଦିରାନ୍‌ ରକ୍‌ୟା କିଦେଙ୍ଗ୍‌ ମାରି ୱାନି ଗୌରବ୍‌ ଆଗ୍‌ଡ଼ି ଦସ୍‍ସିଲିକା ମାରି ୱେଡ଼ିକା କିଜି ଇଗାୱାଦେଙ୍ଗ୍‌ ଡାଟ୍‌ମାନାନ୍‌,

ప్రకటన 1:7

ସୁଡୁଦୁ, ୱାନ୍‌ ବାଦଡ଼୍‌ତାନ୍‌ ୱାଜିନାନ୍ ଦୁନିଆଦି ଲୋକୁ ୱିଜେରେ ୱାନିଙ୍ଗ୍‌ ସୁଣାର୍‍; ଇୟାୱାଜାନେ ଆମାକାର୍ ୱାନିଙ୍ଗ୍‌ ଡାକ୍‌ତା ମାର୍‌ଆର୍‌, ୱାନ୍‌ ବା ୱାନିଙ୍ଗ୍‌ ସୁଡ଼ୁଜି ତିଲାଜି ଆଡ୍‌ବାନାର୍ । ଇୟାୱିଜୁ ପୁରା ଗଟାନାତ୍ ଆମେନ୍‍ ।

ప్రకటన 2:10

ମିର୍‌ ଏମେ ୱିଜୁ ଦୁଃକ୍‌କାସ୍ଟୁ କିଦେଙ୍ଗ୍ ସଲିସିନିଦେର୍‌, ଆୟାଉଣ୍ତିଙ୍ଗ୍‌ ତିଲାମାଟ୍ । ୱେନ୍‌ଡ୍ରୁ ! ମି ମାଣୁକୁ ଏସ ଲୋକାଙ୍ଗ୍‌ ଜଇଲ୍‌ତୁ ନିରିସି କିଜି ସୟତାନ୍ ପରିକା କିନାତ୍‌ । ମାତର୍‌ ମି ଇୟା କାସ୍ଟୁ କେବଲ୍‌ ସାଣେକ୍‌ ଦିନ୍‍ସାଦି ତେବାନାତ୍ । ଇବେନୁ ସାନିତାନିଙ୍ଗ୍ ତିୟେଲ୍‌ ମାରିଙ୍ଗ୍‌ବା, ନା ଉଣ୍ତିଙ୍ଗ୍‌ ବିସ୍‌ବାସ୍‌ ତେବାତିଙ୍ଗ୍‌, ନାନୁ ମିଙ୍ଗିଁ ଜିବନ୍‌ନାନି ଟପି ସିନା ।

ప్రకటన 3:10

ନା ଆଦେସ୍‌ ଇସାବ୍‌ତାନ୍‌ ମିର୍‌ ସାସ୍‌ଆଜି ମାନିଦେର୍‌, ଆଦେଙ୍ଗ୍‌ ପୃତିବିଦିଲୋକୁ ଲୋକାଙ୍ଗ୍‌ ପରିକା କିନି ଉଣ୍ତିଙ୍ଗ୍ ସାରା ଦୁନିଆଦୁ ଆମା କାସ୍ଟୁ ୱାଦେଙ୍ଗ୍‌ ସୋଲିସ୍‍ନାତ୍, ଆବେଟ୍‌କୁ ନାନୁ ମିଙ୍ଗିଁ ନେଗିବାଡିଦୁ ଇଡ୍‌ନା ।

ప్రకటన 3:18

ଆଦେଙ୍ଗ୍‌ ନାନ୍‌ ନିଙ୍ଗିଁ ଆଦେସ୍ ସିଜିନା, ଦନିଆଦେଙ୍ଗ୍ ନାମାଣୁକୁ ନେଗି ବାଙ୍ଗାଁରାମ୍‍ କଡ଼ୋଦୁ ମି ସେମାର୍‌ତି ଉଣ୍ତିଙ୍ଗ୍‌ ଡୁମ୍‌ଡାମେନ୍ଦଲଦୁ ପିଡ଼ାଗାଦେଙ୍ଗ୍ ନା ଲାକୁତୁ ଅଡ଼ିନି ୱାତିଗନ୍ଦା କଡ଼ୋଦୁ । ମାରି ସୁଣି ସାକ୍ତି ନେଗେନ୍‌ କିନି ଉଣ୍ତିଙ୍ଗ୍ କାଟିକା କଡ଼ୋଜ କାଣ୍‌ଗାଦୁ ଉସାଆ ।