୧ ପିତର 1:25 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²⁵ ମାତର୍‌ ମାପୁରୁଦି ବାକ୍ୟ ୱିଜୁଦିନ୍‌ତିକା ।” ଇୟା ନେଗିକାବୁର୍‍ ଆମାକା ମି ଲାକ୍‌ତୁ ପ୍ରଚାର୍‌ ଆତାମାନାତ୍‌ ।

୧ ପିତର 1:25 Iomraidhean Croise

మత్తయి 5:18

ମନ୍‌ତୁ ଇଡ୍‌ଦୁ, ବାଦଡ଼ ନି ଦୁନିଆ ତିର୍‍ଆଜି ତେବାନି ସାନ୍ଦି ନିୟମ୍‌ତି ଉନ୍‍ଣ୍ତ୍ରି ଇସ୍ରି ଠିକା ବା ନାମ୍‍ଏତ୍‍ । ୱିଜୁ ବିସୟ୍‌ତି ପୁରା ଆଇ ସାନ୍ଦି ଇକା ଗଟାଏତ୍‍ ।

లూకా 16:17

ମାତର୍‌ ନିୟମ୍‍ତି ଉଣ୍ତ୍ରି ଇସ୍ରି ଠିକା ମାର୍‍ଗିନି ବାଦ୍‌ଲୁ ବାଦଡ଼ ନି ଦୁନିଆ ମାର୍‍ଗିନିକା ଉସାସ୍‌ ।

యోహాను 1:1

ଆଗ୍‌ଡ଼ି ବାକ୍ୟ ମାର୍‌ଆତ୍‌, ବାକ୍ୟ ମାପୁରୁୱାଲେ ମାର୍‌ଆତ୍‌, ଆୟା ବାକ୍ୟ ମାପୁରୁ ମାର୍‌ଆତ୍‌ ।

యోహాను 1:14

ମାରି, ଆୟା ବାକ୍ୟ ନର୍‍ ମେନ୍ଧଲ୍‍ ଆସ୍‌ସି ମା ୱାଲେ ଜିତାନ୍‍ । ୱାନ୍‌ ଦୟା ନି ସତ୍‍ତୁ ପୁରା ଆଜିମାର୍ହାନ୍‍ । ମାରି ମାପୁରୁଦି ଅରେନ୍‍ନେ ମାରିସିୱାଜା ୱାନ୍‌ ଏମେ କାବାଆନି ମହିମାକି ପୋଇତାମାର୍‍ହାନ୍‍, ଆକା ମାପ୍‌ ସୁଡ଼ୁତାପ୍‌ ।

1కొరింతి 2:2

ମି ୱାଲେ ମାନି ବେଡ଼ାଦୁ ଜିସୁ କ୍ରିସ୍ତ, ଅର୍ତାତ୍‌ କ୍ରୁସ୍‌କାଟ୍‌ତୁ ମୁସ୍‌କୁ ୱାନି ସାତିକା ଜିସୁ କ୍ରିସ୍ତଙ୍ଗ୍‌ ଡ଼ିସ୍‌ତିଙ୍ଗ୍‌ ମିମାନୁ ମାରି ଇନି ବିସୟ୍‌ ନେସ୍‌ଇ ଉଣ୍ତିଙ୍ଗ୍‌ ନାନ୍‌ ଇଚ୍ଛା କିତା ।

ଏପିସିୟ 2:17

ଆୟାଉଣ୍ତିଙ୍ଗ୍‌ କ୍ରିସ୍ତ ୱାତାମାର୍ହାନ୍‌ ମାରି ମାପୁରୁଦିମାଣୁକୁ ଆକ ସୋର୍‌ଇମାନି ଅଣଜିହୁଦି ମାରି ୱାନି ଲାକ୍‌ତୁମାନି ଜିହୁଦିରିମାନୁ ସାନ୍ତିଦି ସୁସମାଚାର୍‌ ପ୍ରଚାର୍‌ କିତାମାର୍ହାନ୍‌ ।

ଏପିସିୟ 3:8

ନାନ୍‌ ମାପୁରୁଦି ଲୋକା ଲୋଇ ୱିଜେରିମାଣୁକୁ ଇସ୍ରିକିନ୍ଧା, ମାରିବା ଅଣଜିହୁଦିରି ଲାକ୍‌ତୁ କ୍ରିସ୍ତଦି ୱିଜ୍‌ଇ ସମ୍ପତିଦି ବାକ୍ୟ ଆସ୍‌ସି ସନି ଉଣ୍ତିଙ୍ଗ୍‌ ନାଙ୍ଗିଁ ମାପୁରୁ ଦୟା ସିତାମାନାନ୍‌ ।

తీతు 1:3

ମାରି ଟିକ୍‍ ୱେଡ଼ାଦୁ ଇୟା କାବୁର୍‌ ୱାନ୍‌ ୱେକ୍‍ତାମାନାନ୍‍ । ମା ରକିୟାକିନି ମାପୁରୁଦି ଆଦେସ୍‍ତାନ୍‍ ଇକା ୱେର୍‍ତେଙ୍ଗ୍‍ ନାଙ୍ଗିଁ ଦାୟିତ୍‍ ସିଆୟ୍‌ ଆତାମାନାତ୍‌ ।

ఎబ్రి 6:5

ୱାର୍‌ ମାପୁରୁଦି ନେଗି ବାକ୍ୟଦିଙ୍ଗ୍‍ ପୟ୍‍ତା ମାର୍ହାର୍‍ ମାରି ୱାଜିନି ଜୁଗ୍‍ତି ସାକ୍ତି ଏତ୍‌ କିତାମାର୍ହାର୍‍ ।

୧ ପିତର 1:12

ଇୟାୱିଜୁ ବିସୟତାନ୍‌ ୱାର୍‌ ଜେ ନିଜେ ନିଜେଦି ସେବା କିଏଣ୍‌ଗା ମି ସେବା କିଜିମାର୍ହାର୍‌, ଇକା ବାବବାଦିରି ଲାକ୍‌ତୁ ୱେଙ୍ଗିଁତା ମାର୍ହାତ୍‌, ମାରି, ଆୟାୱିଜୁ ବିସୟ୍‌ ମୁସ୍‌କୁପୁର୍‌ତାନ୍‌ ପୋକ୍‌ତାତିମାନି ପବିତ୍ରଆତ୍ମାଦି ସାକ୍ତିଦାନ୍‌ ଇଲେଇ ଆମା କାବୁର୍‌ୱେର୍‌ନିକାର୍‌ ନେଗିକାବୁର୍‍ ୱେର୍‍ସିନାର୍‌, ମିର୍‌ ଇଲେଇ ୱାରିମାଣୁକୁ ଆୟାୱିଜୁ ମାଟା ୱେନ୍‌ଞ୍ଜିନିଦେର୍‌, ଇୟାୱିଜୁ ବିସୟ୍‌ତି ଅର୍ତ ବୁଜାନି ଉଣ୍ତିଙ୍ଗ୍‌ ମୁସ୍‌କୁପୁର୍‌ତି ଦୁତ୍‌କୁ ବା ବଦା କିନେ ।

୧ ପିତର 1:23

ଇରିଙ୍ଗ୍‌ ମାପୁରୁଦି ଜିବନ୍‌ମାନିକା ମାରି ୱିଜୁଦିନ୍‌ତି ବାକ୍ୟ ଦାନ୍‌ ମିର୍‌ ଆମା ସାନିନାନି ବୁବାଦି ମାରିନ୍‌ ୱାଜା ସିଲେ, ମାତର୍‌ ୱିଜୁଦିନ୍‌ତିଙ୍ଗ୍‌ ମାନି ବୁବାଦି ମାରିନ୍‌ ୱାଜା ମାରିଡ଼େସି ଜନମ୍‍ ପୟ୍‌ତି ମାନିଦେର୍‌ ।

୧ ପିତର 2:2

ଆଲ୍‌ଜନମ୍‌ଆତି କଡ଼ ୱାଜା ଆଦୁ, ୱିଜୁଦିନ୍ ପୁରାନେଗି ଦିନ୍‌କେରି ଆତ୍ମିକ ପାଲ୍‌ ଉଣ୍ତେଙ୍ଗ୍‌ ଇଜି ଏର୍‌କି ସାଦୁ । ଆର୍‌ତିଙ୍ଗ୍‌, ମିର୍‌ ପିର୍‍ଜି ରକିୟା ପୟ୍‌ନିଦେର୍‌ ।

୧ ଜୋହନ 1:1

ପୁର୍ବେକାଡ଼ାଦାନ୍‍ ଏନ୍‌ ମାର୍ହାନ୍‌, ଆୟା ଜିବନ୍‌ସିନି ବାକ୍ୟ ବିସ୍‌ୟତାନ୍‌ ମାପୁ ରାସ୍‌ତେଙ୍ଗ୍‌ ସୋଲ୍‌ସିନାପ୍ । ୱାନି ବାକ୍ୟ ମାଡୁ ୱେର୍‌ଇମାନିକା, ନିଜେଦି କାଣ୍‌କାଣୁକୁ ସୁଡ଼ୁତାମାନାପ୍‌, ଆମାୱାନିଙ୍ଗ୍‌ ସୁଡ଼ୁତାମାନାପ୍‌ ମାରି ନିଜେଦିକିୟୁଦାନ୍‌ ମୁଟ୍‌ତାମାନାପ୍‌ ।

୧ ଜୋହନ 1:3

ଆମାକା ମାପୁ ସୁଡ଼ୁତାମାନାପ୍‌ ମାରି ୱେରିମାନିକା, କେବଲ୍‌ ଆୟା ମାଟା ମି ଲାକ୍‌ତୁ ୱେର୍‌ସିଇଜିନାପ୍‌, ଇକା ୱେନ୍‌ଜି ବୁବା ମାପୁରୁ ମାରି ୱାନି ମାରିସି ଜିସୁ କ୍ରିସ୍ତଦି ୱାଲେ ମା ଆମା ସହବାଗିତା ମାନାତ୍‌, ଆବେନୁ ମିରୁ ମିସାନିଦେର୍‌,

ప్రకటన 14:6

ତାନିୱେନ୍‌କା ନାନୁ ମାରିଡ଼େସି ସୁଡ଼ୁତା, ମାରି ଅରେନ୍‌ ଦୁତ୍‍ ବାଦଡ଼ଦୁ ନାଣ୍ତ ମୁସ୍‌କୁରାନ୍‌ ଇମିଜି ଇମିଜି, ଦୁନିଆଦି ୱିଜୁ ଜାତି, କୁଟୁମ୍‌, ବାସାଦି ମାରି ଦୁନିଆଦି ଲୋକା ଲାକ୍‌ତୁ ମାପୁରୁଦି ଆୟା ୱିଜୁଦିନ୍‍ତି ସୁସମାଚାର୍‌ ୱେର୍‌ସିନାନ୍‌ ।