୧ ଜୋହନ 2:1 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹ ଏ ନା କଡ଼ର୍‌, ମିଙ୍ଗିଁ ନାନୁ ଇୟା ସିଟି ରାସ୍‌ନି ବିଷୟ, ଇକା ପଡ଼ାଜି ଏଣ୍ତେସ୍‌ମାରି ପାପ୍‌ କିଇଦେର୍‌ । ମାରି ମିର୍‌ ଏଣ୍ତେସ୍‌ ନେସ୍‌ନିଦେର୍‌, ଏନ୍‌ ଜଦି ପାପ୍‌ କିନାନ୍‌, ମା ଉଣ୍ତିଙ୍ଗ୍ ବୁବା ମାପୁରୁଦି ଲାକ୍‌ତୁ ମା ଅରେନ୍‌ ପେରି ଲୋକ୍‌ ମାନାନ୍‌ ଆୟା ଦାର୍ମୁଦି ଜିସୁ କ୍ରିସ୍ତ ।

Konda: కొండ బాసదు నెగ్గి కబ్రు

¹ నఙి కొడొఃర్‌ లెకెండె మీరు, అందెఙె మిఙి రాసిన. మీరు పాపం కిదెఙ్‌ ఆఏద్‌ ఇజి యా సఙతిఙ్‌ మిఙి రాసిన. గాని ఎయెన్‌బా పాపం కిత్తాన్‌‌ ఇహిఙ దేవుణు ఆతి దేవుణుబాన్‌ మా వందిఙ్‌ వెహ్నికాన్‌ ఒరెన్‌ ఒపిసినికాన్‌ మనాన్‌. విరి పాపమ్‌కు సెమిస్‌అ ఇజి వాండ్రు వెహ్నన్‌. వాండ్రు నీతి నిజాతి మనికాన్‌ ఆతి యేసు క్రీస్తునె.

୧ ଜୋହନ 2:1 Iomraidhean Croise

లూకా 10:22

“ନା ବୁବାଦି ପାଣି ୱିଜୁ ନା କିୟୁଦୁ ସିତାମାନାନ୍‌; ମାରି, ମାରିନ୍‌ ଏନ୍‌, ଇକା ବୁବେଙ୍ଗ୍‌ ଡ଼ିସ୍‌ତିଙ୍ଗ୍‌ ଏନ୍‌ ନେସଏନ୍‍, ମାରି ବୁବା ଏନ୍‌, ଇକା ମାରିନ୍‍ତିଙ୍ଗ୍‍ ଡ଼ିସ୍‌ତିଙ୍ଗ୍‌ ଏନ୍‌ ନେସ୍‌ଏପ୍‌, ମାରି ମାରିନ୍‌ ଆମାୱାନି ଲାକ୍‌ତୁ ୱାନିଙ୍ଗ୍‌ ତର୍‌ତେଙ୍ଗ୍‍ଁ ବଦାକିନାନ୍‌, ୱାନ୍‌ ନେସ୍‌ନାନ୍‌ ।”

యోహాను 10:15

ଆୟାୱାଜା ନାନ୍ ନା ନିଜେଦି ମେଣ୍ତେଆଙ୍ଗ୍‌ ନେସ୍‌ନା, ମାରି ନା ନିଜେଦି ମେଣ୍ଡେଙ୍ଗ୍‌ ନାଙ୍ଗିଁ ନେସ୍‌ନେ, ମାରି ମେଣ୍ତେଆଙ୍ଗ୍‌ ଉଣ୍ତିଙ୍ଗ୍‌ ନାନ୍ ନା ଜିବନ୍‌ ସିଦେଙ୍ଗ୍‍ ରାଜିମାନା ।

యోహాను 13:33

ଜିସୁ ଇର୍ହାନ୍‌, ନା କଡ଼ର୍‌, ନାନ୍ ମାରି ସାଣେକ୍‌ତିଙ୍ଗ୍‌ ମି ୱାଲେ ମାନା । ମିର୍‌ ନାଙ୍ଗିଁ ପୟ୍‌ନିଦେର୍‌; ମାରି ନାନ୍ ଏମେ ବାଡିଦୁ ସଲ୍‌ସିନା, ମିର୍‌ ଆୟା ବାଡିଦୁ ସନ୍‌ଡ଼୍ରେଙ୍ଗ୍‌ ଆଟ୍‍ଇଦେର୍‍, ଇକା ନାନ୍ ଏଣ୍ତେସ୍‌ ଜିହୁଦି ନେତାରିଙ୍ଗ୍‌ ଇର୍‌ଆମାର୍ହା, ଆୟାୱାଜା ଇଲେଇ ମିଙ୍ଗିଁ ବା ୱେର୍‌ସିନା ।

యోహాను 14:16

ମାରି, ନାନ୍ ବୁବେଙ୍ଗ୍‌ ମାଡ଼ିସ୍‌କିନା, ମାରି ମି ୱାଲେ ୱିଜୁଦିନ୍‌ତିଙ୍ଗ୍‌ ମାନି ଉଣ୍ତିଙ୍ଗ୍‌ ୱାନ୍‌ ମିଙ୍ଗିଁ ମାରି ଅରେନ୍‍ ସାହାଜ୍ୟକିନିୱାନିଙ୍ଗ୍‌ ସିନାନ୍‍

యోహాను 14:6

ଜିସୁ ୱାନିଙ୍ଗ୍‌ ଇର୍ହାନ୍‌, ନାନ୍ ସାରି, ସତ୍‌ ମାରି ଜିବନ୍‌; ନାଙ୍ଗିଁ ସିଜି ସଲ୍‌ଇତିଙ୍ଗ୍‌ ଏନ୍‌ ବୁବାଦି ଲାକ୍‌ତୁ ସନ୍‌ଡ଼୍ରେଙ୍ଗ୍‌ ଆଟ୍‍ଏନ୍‍ ।

యోహాను 21:5

ଜିସୁ ୱାରିଙ୍ଗ୍‌ ଇର୍ହାନ୍‌, “କଡ଼ର୍‌ ମି ଲାକ୍‌ତୁ ଇନିକା ଉଣିକା ମାନାତ୍‌ ?” ୱାର୍‌ ୱାନିଙ୍ଗ୍‌ ଇର୍ହାର୍‌, “ସିଲେ ।”

యోహాను 5:14

ତାନିୱେନ୍‍କା ଜିସୁ ମନ୍ଦିର୍‌ତୁ ୱାନିଙ୍ଗ୍‌ ତରାଜି ୱାନିଙ୍ଗ୍‌ ଇର୍‌ଆନ୍‌, ସୁଡ଼ୁଆ, ନିନ୍‌ ନେଗେଣ୍ତ୍‍ ଆତିମାନି, ମାରି ପାପ୍‌ କିମା, ସିଲ୍‍ତିଙ୍ଗ୍‍ ନି ଉଣ୍ତିଙ୍ଗ୍‌ ମାରି ନାଣ୍ତ କାସ୍ଟୁ ୱାନାତ୍‌ ।

యోహాను 5:36

ମାତର୍‌ ଜୋହନତି ସାକି ବାଦ୍‌ଲୁ ନା ନାଣ୍ତଅଦିକାର୍‍ତି ସାକି ମାନାତ୍‌, ଇରିଙ୍ଗ୍‌ ବୁବା ନାଙ୍ଗିଁ ଏମେ ଏମେ ପାଣି ୱିସ୍‍ତେଙ୍ଗ୍‍ ସିତାମାନାନ୍‌, ଆୟାୱିଜୁ ପାଣି ନାନ୍ କିଜିନା, ବୁବା ନାଙ୍ଗିଁ ପକ୍‍ତାମାନାନ୍‍ ଇଜି ଆୟାୱିଜୁ ନା ବିସୟ୍‌ତାନ୍‌ ସାକି ସିଜିନିଦେର୍‌ ।

యోహాను 6:27

ଆମା କାଦି ସେଏଣ୍ତ୍‍ ଆନାତ୍‌ ଆୟାଉଣ୍ତିଙ୍ଗ୍‌ ପାଣି କିମାଟ୍‌ ମାରି ଆମାକା ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ସିନାତ୍‌, ଆୟାଉଣ୍ତିଙ୍ଗ୍‌ ପାଣି କିଦୁ; ଆୟା କାଦି ମନୁସ୍ୟପୁତ୍ର ମିଙ୍ଗିଁ ସିନାନ୍‌, ଇରିଙ୍ଗ୍‌ ବୁବା ମାପୁରୁ ଇୟାଉଣ୍ତିଙ୍ଗ୍‌ ୱାନିଙ୍ଗ୍‌ ଅଦିକାର୍‍ ସିତାମାନାନ୍‌ ।

యోహాను 8:11

ଆଇମା ଇର୍ହାତ୍‌, “ଏନ୍‌ ସିଲେ, ପ୍ରବୁ ।” ଆବେଟ୍‌ ଜିସୁ ଇର୍ହାନ୍‌, “ନାନ୍ ବା ନିଙ୍ଗିଁ ଦୋସ୍‍ କିଏଜିନା; ସାଙ୍ଗ୍‍ଆ, ନେର୍‌ଆନ୍‌ ମାରି ପାପ୍‌ କିମା ।”

అపొస్తు 7:52

ମି ପୁର୍ବେଦିଡକ୍ରାଦାଦାରି ମାଣାନ୍‌ ପେରାୟ୍‍ ଆଇ ମାନି ଏମେ ବାବବାଦି ମାନାନ୍‌ ନୋ ? ମାପୁରୁଦି ଏମେ କାବୁର୍‌ସିନିକାର୍‍ ବେସି ଆଗ୍‌ଡ଼ି ୱାରି ଦାର୍ମୁଦି ଦାସ୍‍ତି ୱାନି ବିସୟ୍‌ତାନ୍‌ ଇର୍ହାମାର୍ହାର୍‍, ମି ଡକ୍ରାଦାଦାର୍‍ ୱାରିଙ୍ଗ୍‌ ଡାକ୍‍ତାର୍‍ ।

ରୋମିୟ 5:10

ମାଡ୍‌ ମାପୁରୁଦି ସାତ୍ରୁ ମାରି ୱାଲେ ୱାନି ମାରିସି ମା ଉଣ୍ତିଙ୍ଗ୍‌ ଜିବନ୍‌ ସିତାନ୍‌, ତାନି ମାଣାନ୍‌ ମାପୁରୁଦି ୱାଲେ ମା ମିସାନିକା ଆତାତ୍‍ । ମାପୁରୁଦି ୱାଲେ ମିସାତି ୱେନ୍‌କା ଇଲେଇ କ୍ରିସ୍ତଦି ଜିବନ୍‍ତାନ୍‍ ରକିୟା ପୟ୍‍ଦେଙ୍ଗ୍‍ଁ ଇଜି ମାଡ୍ ଏସା ନାଣ୍ତ ସୁଜୋଗ ପୟ୍‍ଇକା ?

ରୋମିୟ 6:15

ଆର୍‌ତିଙ୍ଗ୍‌, ମାଡ୍‌ ନିୟମ୍‍ତି ଆଡ୍‍ଗି ତେବାଏଣ୍ତା ମାପୁରୁଦି ଦୟା ପୟ୍‍ତିମାନିକା ଇଜି ଇନିକା ପାପ୍‍ କିଜିମାନାଟ୍‍ ? ଆକା ଏସାଙ୍ଗ୍‍ ସିଲେ ।

ରୋମିୟ 8:34

ଆର୍‍ତିଙ୍ଗ୍‍ଁ ଏନ୍‌ ୱାରିଙ୍ଗ୍‍ଁ ମାରି ଦସି କିଦେଙ୍ଗ୍‌ ଆଟ୍‍ନାନ୍‍ ? କ୍ରିସ୍ତ ଜିସୁ ଆକା ଏସାଙ୍ଗ୍‍ କିଏନ୍‌, ଇରିଙ୍ଗ୍‍ଁ ୱାନ୍‌ ସାତି ମାଣାନ୍‌ ନିଙ୍ଗିଁଜି ମାପୁରୁଦି ଉଣେରି ତରିନ୍‌ ବାସ୍‍ତାମାନାନ୍‍ ୱାନ୍ ମା ଉଣ୍ତିଙ୍ଗ୍‌ ପ୍ରାର୍ଥନା କିଜିନାନ୍ ।

1కొరింతి 15:34

ଆଦେଙ୍ଗ୍‌ ଜାଗ୍‌ରାତା ଆଦୁ, ପାପ୍‌ କିମାଟ୍‌; ଇରିଙ୍ଗ୍‌ ଏନ୍‌ ଏନ୍‌ ମାପୁରୁଦି ବିସୟ୍‌ତାନ୍‌ ନେସ୍‌ଏର୍‌; ନାନ୍‌ ମିଙ୍ଗିଁ ସେମାର୍‌ତି ମାଟା ୱେର୍‌ସିନା ।

2కొరింతి 5:21

ମାତର କ୍ରିସ୍ତମାନୁ ପୁରା ପାପ୍‌ ସିଲେତିଙ୍ଗ୍‌ ବା, ମାପୁରୁ ୱାନିଙ୍ଗ୍‌ ମା ଉଣ୍ତିଙ୍ଗ୍‌ ପାପ୍‍ତି ପୁଜା ୱାଜାକିତାନ୍, ମାଡ୍‌ ଏଣ୍ତେସ୍ ୱାନିୱାଲେ ମିସାଜି ମାପୁରୁଦି ଦାର୍ମୁପାଣିଦୁ ମିସାଦେଙ୍ଗ୍ ଆଟିନିକା ।

ଗାଲାତିୟ 4:19

ଏ ନା ଲାଡ଼୍‍ତି କଡ଼ର୍‍, ମିଙ୍ଗିଁ କ୍ରିସ୍ତଦି ୱାଜା କିଜି ତିଆର୍‍ କିଦେଙ୍ଗ୍‍ଁ ନାନୁ ମାରିଡ଼େସି ଜନମ୍‍ କିନି ୱିସାମ୍‍ କାସ୍ଟୁ ଏତ୍‌ କିଜିନା ।

ଏପିସିୟ 2:18

କ୍ରିସ୍ତଦି ମାଣ୍‌କୁ ନେ ଜିହୁଦି ମାରି ଅଣଜିହୁଦି ୱିଜେରେ ଉନ୍‌ଡ୍ରେ ଆତ୍ମାଦୁ ବୁବାଦି ଆଗ୍‌ଡ଼ି ୱାଦେଙ୍ଗ୍‌ ଆଟ୍‌ତା ମାନାପ୍‌ ।

ଏପିସିୟ 4:26

ମିର୍‌ ରିସା ଆଜି ପାପ୍‌ କିମାଟ୍‌, ୱେଡ଼ା ଆର୍‌ଏଣ୍‌ଗା ମି ରିସା ତିର୍‌ ଆପିତ୍‌ ।

1తిమోతి 2:5

ଇରିଙ୍ଗ୍‌ ଅରେନ୍‌ମାତର୍‌ ମାପୁରୁ ମାନାନ୍‌, ମାରି ମାପୁରୁ ମାରି ଲୋକା ଲଇ ଅରେନ୍‌ମାତର୍‌ ନାଡ଼୍‌ମି ମାନାନ୍‌, ୱାନ୍‌ କ୍ରିସ୍ତ ଜିସୁ, ଅରେନ୍‌ ଲୋକ୍‌;

1తిమోతి 3:14

ଇୟା ଆକୁ ରାସ୍‌ନି ୱାଲେ, ଦାପ୍ରେ ମିଙ୍ଗିଁ ସୁଡ଼ୁଜ ୱାନି ଉଣ୍ତିଙ୍ଗ୍‌ ନାନ୍‌ ଆସା କିଜିନା,

ఎబ్రి 9:24

ଆମାକା ଲୋକା କିୟୁଦୁ ତିଆର୍‍ ଆଏତ୍‌, ଇୟାୱାଜା ଉଣ୍ତ୍ରି ପବିତ୍ର ବାଡିଦୁ କ୍ରିସ୍ତ ସୋର୍ହାମାନାନ୍ । ଆକା ଇନି ମୁଲ୍‌ ବିସୟ୍‌ଦି ରୁପ୍‌ ସିଲେ । ୱାନ୍‌ ମୁସ୍‍କୁପୁର୍‍ତୁ ନେ ସୋର୍ହାମାନାନ୍ । ଆବେନ୍‌ ୱାନ୍‌ ମା ଉଣ୍ତିଙ୍ଗ୍‌ ଇଲେଇ ମାପୁରୁଦି ଆଗ୍‍ଡ଼ି ସର୍ହାମାନାନ୍ ।

యాకోబు 1:27

ଆମା ଦାର୍ମୁପାଣି ବୁବା ମାପୁରୁଦି ଲାକ୍‌ତୁ ନେଗିକା ମାରି ଟିକ୍‍, ଆକା ଆଜିନାତ୍‌ କାକୁର୍ତିମାନି ଟୁରାଲୋକାଙ୍ଗ୍‍ ମାରି ରାଣ୍ତିଆଇମେକାଙ୍ଗ୍‌ ଜାତୁନ୍‍ କିନିକା ମାରି ଦୁନିଆଦାନ୍‌ ନିଜେଦିଙ୍ଗ୍‍ ପାପ୍‌ପାଣିଦାନ୍‌ ରକିୟା କିନିକା ।

యాకోబు 3:9

ମାଡୁ ୱେତଲ୍‌ତାନ୍‌ ପ୍ରବୁ ବୁବା ମାପୁରୁଙ୍ଗୁ ଦନ୍ୟବାଦ୍‌ ସିନାପ୍‌ । ମାରି ଇୟା ୱେତଲ୍‌ତାନ୍‌ ମାପୁରୁଦି ରୁପ୍‍ତାନ୍‍ ତିଆର୍‌ଆତି ଲୋକ୍‌ତିଙ୍ଗ୍‌ ଆନାଦୁରିଆ ବା ସିନିକା ।

୧ ପିତର 2:22

ୱାନ୍‌ ଇନି ପାପ୍‌ କିଏନ୍‌ ମାର୍ହାନ୍‌, ମାରି ୱାନି ୱେୟୁଦାନ୍‌ ମିଚ୍‌ ମାଟା ୱେର୍‌ନିକା ଏନ୍‌ ଏସ୍‌କାଙ୍ଗ୍‌ ୱେନ୍‌ଏନ୍‌ ମାର୍ହାନ୍‌ ।

୧ ପିତର 3:18

ମିଙ୍ଗିଁ ମାପୁରୁଦି ଲାକ୍‌ତୁ ତାନି ଉଣ୍ତିଙ୍ଗ୍‌ କ୍ରିସ୍ତ ନିଜେ ଦାର୍ମୁଦିକାନ୍‌ ଆଜି ଅଦାର୍ମୁ ଲୋକୁ ପାପ୍‌ ଉଣ୍ତିଙ୍ଗ୍‌ ନିଜେଦି ଜିବନ୍‌ ସିତାନ୍‌ । ଇୟା ପାଣି ୱାନ୍‌ ପୁରାଅର୍‌ସେ ୱିଜୁଦିନ୍‌ତି ଉଣ୍ତିଙ୍ଗ୍‌ ପୁରା କିତାମାନାନ୍‌ । ୱାନ୍‌ ମେନ୍ଦଲ୍‌ତାନ୍‌ ସାତାନ୍‌, ମାତର୍‌ ଆତ୍ମାଦାନ୍‌ ଜିବନ୍‌ ଆତାନ୍‌;

୧ ଜୋହନ 3:18

ଏ କଡ଼ର୍‌, ରାଦୁ, ମାଡୁ ବାକ୍ୟଦାନ୍‌ ନୋ ୱେତଲ୍‌ତାନ୍‌ ଜିବନ୍‌ନୋଏଣ୍‌ଗା, ପାଣିଦାନ୍‌ ମାରି ସତ୍‌ତାନ୍‌ ଜିବନ୍‌ନୋନିକା ।

୧ ଜୋହନ 3:5

ମାରି ମିର୍‌ ନେସ୍‌ନିଦେର୍‌ ଜେ, କ୍ରିସ୍ତ ପାପ୍‌ ଅତେଙ୍ଗ୍‌ ଇଜି ୱାତା ମାର୍‌ର୍ହାନ୍‌, ମାରି ୱାନିମାନୁ ପାପ୍‌ ସିଲେତ୍‌ ।

୧ ଜୋହନ 3:7

ଏ କଡ଼ର୍‌, ଏନ୍‌ ମିଙ୍ଗିଁ ବାୟା କିମାକିନ୍‌; ଏନ୍‌ ସତ୍‌ପାଣି କିନାନ୍‌, କ୍ରିସ୍ତ ଏଣ୍ତେସ୍‌ ଦାର୍ମୁଦିକାନ୍‌, ୱାନ୍‌ ଆୟାୱାଜା ଦାର୍ମୁଦିକାନ୍‌ ।

୧ ଜୋହନ 4:4

ଏ କଡ଼ର୍‌, ମିରୁ ମାପୁରୁଦିମାଣୁକୁ ଜନମ୍‌, ମାରି ମିରୁ ଆୟା ବଣ୍ତ୍‌ ବାବବାଦିରିଙ୍ଗ୍‌ ଆରାକିତିମାନିଦେର୍‌, ଇରିଙ୍ଗ୍‌ ମି ଜିବନ୍‌ତୁ ବାସାତି ମାନି ମାପୁରୁଦି ଆତ୍ମା, ଜଗତ୍‌ଦି ଲୋକା ଆତ୍ମାଆଙ୍ଗ୍‌ ମାଣୁକୁ ନାଣ୍ତ୍‌ ସାକ୍ତି ।

୧ ଜୋହନ 5:17

ୱିଜୁ ତାଗ୍‌ଇ ପାଣି ପାପ୍‌, ମାତର୍‌ ଆମାକା ସାନିନାନିକା ସିଲେତ୍‌, ଇୟାୱାଜା ପାପ୍‌ ମାନାତ୍‌ ।

୧ ଜୋହନ 5:21

ଏ କଡ଼ର୍‌, ସତ୍‌ସିଲି ଦିୟାମ୍‍କାମାଣୁକୁ ନିଜେ ନିଜେଦିଙ୍ଗ୍‌ ଆକତେବାଦୁ ।

୩ ଜୋହନ 1:4

ନା କଡ଼ର୍‌ ଜେ ସତ୍‌ତିଙ୍ଗ୍‌ ଆସ୍‌ସି ବୁଲାସାଲା କିଜିନାର୍‌, ଇକା ୱେନିଙ୍ଗ୍‌ ନାନୁ ୱେଡ଼ିକା ଆନା ।