Mt 5:16 - Nouvo Testaman dan Kreol Morisien

¹⁶ Dan samem fason, les to lalimier briye devan tou dimoun, pouki zot kapav trouv to bann bienfe e loue to Papa dan lesiel.

Nouvo Testaman Kreol Morisien Harmonisation NTPS KM

¹⁶ Dan samem fason, les to lalimier briye devan tou dimounn, pou ki zot kapav trouv to bann bienfe e loue to Papa dan lesiel.

Mt 5:16 Iomraidhean Croise

Mt 23:5

Me zot kontan fer kiksoz pou lizie dimoun, zot bann filakter bien-bien gran e franz zot manto bien long.

Mt 23:9

Pa apel ninport ki lor later papa, parski Li tousel zot papa ki dan lesiel.

Mt 5:45

E zot pou vinn zanfan zot Papa ki dan lesiel, parski li fer so soley lev lor bann bon kouma lor bann move e li fer lapli tom lor bann zis kouma lor bann inzis.

Mt 6:16

Kan zot fer karem, pa bizin fer lakagn, kouma bann ipokrit, zot fer long-long figir pou montre lezot ki zot pe karem. Laverite mo dir zot, zot finn fini gagn zot rekonpans;

Mt 6:9

Gete kouma zot bizin priye: ‘Nou Papa lao dan lesiel, ki to nom sanktifie.

Mt 9:8

Letan lafoul trouv sa, laper trap zot, e zot glorifie Bondie ki finn donn limanite enn lotorite parey.

Lk 11:2

Lerla li dir zot, “Kan zot priye, dir: Papa, ki to nom sanktifie; fer to regn vini.

Zn 15:8

Mo Papa glorifie, ler zot raport boukou fri e ler zot vinn mo bann disip.

Zistwar Bann Zapot 9:36

Dan lavil Zope ti ena parmi bann disip enn fam ki ti apel Tabita, dan langaz Grek so nom vedir Dorkas, ki vedir gazel. Li ti touzour fer dibien pou ed bann pov.

1 Ko 14:25

e sekre dan so leker pou devwale dan lalimier. Alor li pou tom azenou devan Bondie e li pou proklame, “Vremem Bondie parmi zot.”

2 Ko 9:13

Akoz prev ki zot montre par zot servis, enn kantite pou glorifie Bondie pou zot fidelite anver Bonn Nouvel Lekris, zot gran zenerozite pou partaz zot dibien avek bannla, e avek tou lezot ankor.

Ga 1:24

E zot ti glorifie Bondie akoz mwa.

Ef 2:10

Nou, nou louvraz Bondie, li finn fasonn nou, li finn kre nou dan Zezi Kris pouki nou realiz bann bonaksion ki Bondie finn prepare davans.

Ef 5:8

Avan zot ti teneb, asterla dan Lesegner zot lalimier; mars kouma bann zanfan lalimier.

1 Tes 2:12

Nou finn ankouraz zot, rekonfort zot ek plede pouki zot amenn enn lavi korek dapre Bondie, ki apel zot pou partaz ar li so rwayom ek so laglwar.

1 Tim 2:10

Kouver zot plito ar bann bonaksion; koumsamem enn fam fer kan li respekte Bondie.

1 Tim 5:10

To bizin gete si li ena bon repitasion, si li finn bien elve so bann zanfan, si li finn konn akey dimoun, si li finn met limem oservis bann frer ek ser ki vini, si li finn aport sekour bann malere, si li finn fer dibien ek bann bonaksion.

1 Tim 5:25

Mem zafer pou bann bonaksion, pou trouv zot klerman; mem seki pa tro vizib difisil pou kasiet.

1 Tim 6:18

Rekomann zot fer lebien. Zot bizin ris ar bonaksion, fer bann don ek partaze.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Let pou Tit 2:7

To pou enn lexanp pou zot dan manier ki to viv. Met serye ek sinserite dan to lansegnman.

Let pou Tit 3:14

Bann Kretien bizin aprann servi zot letan fer bon kiksoz pou reponn bann vre bezwin. Koumsa zot pou raport bann fri.

Let pou Tit 3:4

Me kan Bondie nou Sover finn montre so bonte ek so lamour pou dimoun,

Eb 10:24

Anou panse kouma nou kapav ankouraz nou kamarad pou ena lamour ek pou fer dibien.

1 Pi 2:12

Ena enn bon kondwit parmi bann payin; lerla, mem si zot dir foste lor zot e tret zot kouma malfeter, zot pou oblize rekonet bann bon travay ki zot pe fer e glorifie Bondie kan li retourne.

1 Pi 2:9

Me zot, okontrer, zot enn ras ki Bondie finn swazire, bann pret rwayal, enn nasion sin, Bondie so prop pep ki finn swazir pou proklam bann mervey Sa Enn ki finn apel zot pou sorti dan teneb pou rant dan so lalimier merveye.

1 Pi 3:1

Bann madam, zot osi, soumet ar zot mari. Mem si sertin mari pa krwar Parol Bondie, zot pou kapav benefisie atraver konportman zot fam,

1 Pi 3:16

alor fer li avek zantiyes ek respe. Gard zot konsians kler, pouki letan zot gagn insilte, bann ki dir dimal lor zot bonn kondwit kouma Kretien, zot pou onte ar seki zot pe dir.

1 Pi 4:11

Si kikenn koze, li bizin transmet mesaz Bondie; seki servi, li bizin servi avek lafors ki sorti kot Bondie, pouki par Zezi Kris, nou kapav glorifie Bondie dan tou kiksoz.

1 Pi 4:14

Sa enn benediksion pou zot si zot pe gagn insilte akoz zot disip Kris, savedir Lespri Bondie ek Lespri so laglwar res ar zot.