Mt 23:5 - Nouvo Testaman dan Kreol Morisien

⁵ Me zot kontan fer kiksoz pou lizie dimoun, zot bann filakter bien-bien gran e franz zot manto bien long.

Nouvo Testaman Kreol Morisien Harmonisation NTPS KM

⁵ Me zot kontan fer kiksoz pou lizie dimounn, zot bann filakter bien-bien gran e franz zot manto bien long.

Mt 23:5 Iomraidhean Croise

Mt 9:20

Lerla enn madam ki pe soufer avek enn lemorazi pandan douz-an, vinn deryer Zezi e tous bor so linz,

Lk 16:15

Zezi dir zot, “Zot fer krwar ki zot ena lazistis zis pou lizie dimoun, me Bondie konn zot leker. Seki ena valer pou dimoun, enn abominasion pou Bondie.

Lk 20:47

Zot devor tikas ki bann vev finn ramase e zot fer long-long lapriyer pouki tou dimoun trouv zot. Zot pou gagn pli gran kondanasion.

Zn 12:43

Laverite, seki zot ti prefer plito laglwar lor later ki laglwar Bondie.

Zn 5:44

Kouma zot kapav ena lafwa, zot ki kontan resevwar grander ant zotmem e pa pe rod grander ki sorti kot sel vre Bondie?

Zn 7:18

Dimoun ki koz lor so prop nom, li pe rod so prop laglwar; me dimoun ki rod laglwar Sa-Enn ki finn avoy li la, li dan laverite e pena okenn foste dan li.

Let pou Filipien 1:15

Li vre ki ena ki anons Kris par lanvi ek zalouzi, me lezot fer li avek enn bonn volonte.

Let pou Filipien 2:3

Pa fer nanye par rivalite, me avek imilite, konsider lezot meyer ki zotmem.

2 Tes 2:4

Li pou lev kont tou seki dimoun priye ek adore. Li pou instal so tronn dan tanp Bondie apre sa deklar limem kouma Bondie.