Mk 3:5 - Nouvo Testaman dan Kreol Morisien

⁵ Li get zot ar lakoler, anmemtan, li sagrin ki zot leker dir. Li dir boug la, “Dres to lame.” Mognon la dres so lame; so lame revinn normal.

Nouvo Testaman Kreol Morisien Harmonisation NTPS KM

⁵ Li get zot ar lakoler, anmemtan, li sagrin ki zot leker dir. Li dir boug-la, “Dres to lame.” Monion-la dres so lame; so lame revinn normal.

Mk 3:5 Iomraidhean Croise

Mt 12:13

Li dir paralize la; “Donn to lame.” Li tann so lame, e sa revinn parey kouma lot lame la.

Mk 3:4

Lerla li dir bannla, “Dapre lord, ki gagn drwa fer zour saba? Fer bon kiksoz, fer move kiksoz? Sov enn lavi, tir enn lavi?” Zot tou res trankil.

Lk 13:15

Alor Zezi dir li, “Ipokrit! Eski zour saba, zot pa larg zot toro oubien zot bourik depi dan lekiri pou amenn li bwar dilo deor?

Lk 17:14

Ler li trouv zot, li dir zot, “Al montre zot devan bann pret.” Zot ti ankor dan sime, ler zot finn gagn zot pirifikasion.

Lk 6:10

Li get bann ki ti otour li, e li dir paralize la, “Dres to lame.” Li fer seki dir li, e so lame revinn normal.

Zn 9:7

Apre Zezi dir li, “Al lav to figir dan pisinn Siloe” (Siloe vedir, ‘anvwaye’). Li ale, li lav so figir e kan li revini, li trouv kler.

Let pou Romin 11:25

Mo bann frer, mo bann ser, mo anvi ki zot konn enn mister, pouki zot pa konsider zotmem kouma bann tro gran saz. Mister la, seki leker enn parti Izrael finn vinn dir pou enn letan selma, ziska ki lakantite bann non-Zwif konn Bondie.

2 Ko 3:14

Me zot intelizans ti pe al dan tegn. Mem azordi letan zot lir Ansien Testaman sa vwal la reste, parski selma par Lekris ki vwal la tonbe.

Ef 4:18

zot lespri dan teneb; bannla napa viv lavi ki Bondie oule parski zot ranpli ar lignorans ki sorti depi zot leker ros.

Ef 4:26

Si zot ankoler, pa fer pese. Pa les zot koler res ziska ki soley al kouse.

Ef 4:30

Pa fer Lespri Sin Bondie vinn tris, parski Lespri enn stanp ki Bondie finn met lor zot pou montre ki limem propriyeter; sa enn garanti ziska sa Zour kot Bondie pou delivre zot.

Eb 3:10

Akoz samem mo ti ankoler avek sa zenerasion la, e mo ti dir, ‘Zot leker finn touzour egare; zot pa finn konn mo sime.’

Eb 3:17

Kont kisannla Bondie ti ankoler pandan sa karant-an la? Pa kont bann ki ti fer pese e ki zot kadav ti tom dan dezer?

Eb 5:9

E sa finn rann li parfe e li finn vinn lasours enn delivrans eternel pou tou dimoun ki obeir li.

Revelasion 6:16

Zot dir ar montagn ek ros, “Tom lor nou, kasiet nou lwin ar sa dimoun ki pe asiz lor tronn la, e lwin ar lakoler Annyo.