Mk 16:15 - Nouvo Testaman dan Kreol Morisien

¹⁵ Li dir zot, “Al dan lemonn antie, al proklam Bonn Nouvel partou kote.

Nouvo Testaman Kreol Morisien Harmonisation NTPS KM

¹⁵ Li dir zot, “Al dan lemond antie, al proklam Bonn Nouvel partou kote.

Mk 16:15 Iomraidhean Croise

Mt 28:19

Al dan tou bann pep ki ena e fer zot vinn mo bann disip; batiz zot lor nom mo Papa, lor nom so Garson e lor nom Lespri Sin.

Mk 13:10

Premie dabor, fode ki Bonn Nouvel proklame dan tou bann nasion.

Zn 15:16

Pa zot ki finn swazir mwa, me mwa ki finn swazir zot. Mo finn donn zot mision, ale, raport fri e ki zot fri dire. Lerla tou seki zot demann mo Papa lor mo nom, li pou donn zot.

Zn 20:21

Zezi dir zot ankor, “Lape avek zot; parey kouma mo Papa finn avoy mwa, mo osi mo avoy zot.”

Zistwar Bann Zapot 1:2

ziska ki li mont dan lesiel. Avan sa, li ti donn instriksion, par Lespri Sin, bann apot ki li ti swazir.

Zistwar Bann Zapot 1:8

Me zot pou gagn enn lafors kan Lespri Sin pou desann lor zot - lerla zot pou vinn mo temwin dan Zerizalem, dan Zide ek Samari e partou lor later.”

Let pou Romin 10:18

Me mo dimande: Eski zot pa ti tande? Biensir zot ti tande: “Finn tann zot lavwa partou lor later, e zot parol finn ariv ziska danbout lemonn.”

Let pou Romin 16:26

me ki asterla finn revele par seki bann profet ti ekrir par komannman Bondie, pouki tou bann pep ki pe gagn konesans krwar e obeir Bondie.

Ef 2:17

Lekris finn vinn anons lape ar zot ki ti lwin ek ar bann ki pre.

Let pou Kolosien 1:23

Me bizin ki, par lafwa, zot res solid ek ferm, san ki zot deporte andeor lesperans ki vinn par Bonn Nouvel ki zot finn tande, ki finn proklame ar tou kreatir anba lesiel. Mwa Pol mo finn vinn serviter sa Bonn Nouvel la.

Let pou Kolosien 1:6

ki finn ariv ziska zot; mem fason ki li pe donn so fri e li pe progrese dan lemonn antie, mem fason li pe azir parmi zot depi zour zot finn resevwar li e vremem zot finn konn labonte Bondie.

1 Zn 4:14

Nou finn trouve e nou temwagne ki Bondie finn avoy so Garson kouma Sover lemonn.

Revelasion 14:6

Apre mo ti trouv enn lot anz ki pe anvole bien ot. Li ti ena enn mesaz Bonn Nouvel eternel pou proklam ar tou bann ki vivan lor later ek tou bann nasion, tribi, langaz ek pep.