Ef 5:3 - Nouvo Testaman dan Kreol Morisien

³ Parski zot manm lepep Bondie, li pa korek ki zot koz lor bann size imoralite sexiel, inpirte, lanvi posed kiksoz ki pa pou zot.

Nouvo Testaman Kreol Morisien Harmonisation NTPS KM

³ Parski zot manb lepep Bondie, li pa korek ki zot koz lor bann size imoralite sexiel, inpirte, lanvi posed kiksoz ki pa pou zot.

Ef 5:3 Iomraidhean Croise

Mt 15:19

Parski dan leker sorti bann move lintansion, kouma fer krim, adilter, move lavi, kokin, mansonz ek palab.

Lk 12:15

Lerla li dir zot, “Fer atansion! Pa galoup deryer bann dibien materyel, parski lavi enn dimoun pa depann lor so dibien, mem si li bien ris.”

Lk 16:14

Letan bann Farizien ki ti bien kontan larzan tann sa, zot boufonn Zezi.

Zistwar Bann Zapot 15:20

Okontrer nou bizin ekrir zot pou dimann zot pa manz manze ki finn ofer kouma sakrifis ar bann idol, pa viv dan limoralite, e pa manz laser zanimo ki finn trangle ek pa konsom disan.

Zistwar Bann Zapot 20:33

Mo pa finn ena okenn anvi pou: ni larzan, ni lor, ni linz personn.

Let pou Romin 1:29

Zot ranpli ar tou kalite linzistis, mesanste; zot gourman kiksoz lezot, zot ranpli ar lemal, zalouzi, lespri bagarer, fer krim, fer palab,

Let pou Romin 16:2

Akeyir li dan nom Lesegner, kouma bann krwayan bizin fer, e asiste li dan ninport ki kiksoz ki li bizin, parski limem li finn enn gran led pou boukou dimoun, e pou mwa osi.

Let pou Romin 6:13

Pa livre diferant parti zot lekor pouki pese fer zot vinn instriman move kiksoz; okontrer ofer zotmem Bondie kouma bann dimoun vivan ki finn sorti depi dan lamor, e ofer zotmem anantie kouma instriman pou enn lavi drwat devan Bondie.

1 Ko 10:8

Fode pa nou tom dan limoralite sexiel kouma bannla, ek dan enn sel zour venn-trwa mil ant zot ti mor.

1 Ko 5:1

Ena enn koze ki pe deroule lor imoralite sexiel parmi zot, e li enn kalite ki mem kot bann payin pa trouve sa. Ena enn zom ki finn pran fam so papa.

1 Ko 6:13

Ena enn koze ki dir, “Manze finn fer pou ranpli vant, vant finn fer pou manze,” me Bondie pou detrir toulede. Nou pa kapav fer seki nou anvi avek nou lekor. Nou lekor li pou Lesegner, e Lesegner li pou nou lekor.

1 Ko 6:18

Zot bizin sove devan limoralite sexiel. Toulezot pese ki enn zom fer, bann pese la andeor so lekor. Me zom ki livre limem dan pese imoralite li fer pese kont so prop lekor.

2 Ko 12:21

Mo per ki pandan sa prosin vizit la, Bondie imilie mwa dan zot prezans, e ki mo pou plore lor boukou parmi zot ki pe kontigne dan vie pese lontan; zot pankor repanti zot inpirte, imoralite ek debos ki zot ti pratike.

Ef 5:12

Li fer dimoun onte pou mem mansionn seki sertin fer dan kasiet.

Ef 5:5

Ala mo dir zot enn zafer ki sir: okenn dimoun imoral, indesan ou akaparer - sa enn form idolatri - pa pou gagn so par dan Rwayom Lekris ek Bondie.

Let pou Filipien 1:27

Me selman, amenn zot lavi dapre Bonn Nouvel Lekris. Mem si mo vinn get zot ou pa, mo espere tande ki zot pe tini ferm dan enn sel lespri pou lit ansam pou fer lafwa avanse dapre Bonn Nouvel.

Let pou Kolosien 3:5

Tou seki fer parti lavi lor later an zot, fer li mor: move lavi, inpirte, lapasion, bann move dezir ek lamour larzan ki enn form lidolatri.

1 Tes 4:3

Samem volonte Bondie: ki zot viv enn lavi sin, e pa enn lavi imoral.

1 Tes 4:7

Bondie pa finn apel nou pou viv dan imoralite, me pou viv enn lavi sin.

1 Tim 2:10

Kouver zot plito ar bann bonaksion; koumsamem enn fam fer kan li respekte Bondie.

1 Tim 3:3

Fodre pa ki li enn soular, ni kontan lager, ni fer koze vinn long ek kontan larzan. Li bizin enn dimoun trankil ki pena enn lintere personel.

1 Tim 6:10

Kontan larzan samem rasinn tou lemal. Ena finn telman galoup deryer larzan ki zot finn separe ar lafwa e zot nam zame anpe.

2 Tim 3:2

Dimoun pou konn zis zotmem ek zot larzan. Zot pou egois, gourman, vantar. Lorgey ek difamasion pou trap zot. Pou ena rebel anver paran. Dimoun pou ingra, zot pou komet sakrilez,

Let pou Tit 1:11

To bizin ferm zot labous. Sa bann dimoun la amenn boulversman dan bann fami ek zot pran kas.

Let pou Tit 1:7

Enn levek, antan ki enn zeran Bondie, bizin ireprosab: fode pa ki li arogan, fer koler, biver, batayer, kontan kas.

Let pou Tit 2:3

Parey pou bann gramer: azir kouma bann sint fam, pa fer palab, koz dan ledo, bwar. Okontrer donn bon lexanp

Eb 12:16

Veye ki personn pa vinn imoral. Pa mepriz Bondie parey kouma Esai ki ti vann so drwa nesans pou enn sinp repa.

1 Pi 5:2

pran bien swin troupo Bondie ki anba zot responsabilite; vey lor li, pa par obligasion me par amour; fer zot travay par devouman e non pa par intere.

2 Pi 2:10

spesialman bann ki obeir dezir zot prop laser e mepriz lotorite Bondie. Sa bann fos profeser, zot arogan ek latet dir, zot pena respe pou kreatir lesiel e zot pa per pou insilte zot.

2 Pi 2:14

Zot lizie zis bon pou komet adilter e zot pa fatige fer pese. Zot antrenn dimoun feb dan piez. Zot leker finn bien antrene pou kontan kas. Malediksion lor zot.

2 Pi 2:3

Akoz zot gourmandiz larzan, sa bann dimoun la pou explwat zot par bann koze malonet. Depi lontan, zizman finn fini pase lor zot e zot destriksion pa lwin.

Revelasion 2:14

Me mo ena enn ti repros pou fer twa: to ena kot twa enn bann dimoun ki ankor atase ar doktrinn Balam ki ti insit Balak pou met enn piez pou blok bann Izraelit. Li ti pous zot pou manz laviann ki finn ofer kouma sakrifis pou bann idol e pou fer prostitision.

Revelasion 2:21

Mo ti donn li letan pou repanti, me li ti refize e kontign prostitie li.

Revelasion 21:8

Me bann las, bann infidel, bann deprave, bann asasin, bann ki viv lavi imoral, bann mazisien, bann ki ador zimaz, ek tou bann manter, zot plas pou dan basin dife ek souf; samem deziem lamor.”

Revelasion 22:15

Me andeor lavil ena bann lisien ek bann sorsie, bann dimoun imoral, kriminel, bann adorater idol ek tou bann ki kontan e pratik mansonz.

Revelasion 9:21

Sa bann zans la, pa ti repanti pou zot bann krim, mazik, pou zot bann aksion imoral ek zot bann vol.