Eb 13:7 - Nouvo Testaman dan Kreol Morisien

⁷ Mazinn zot bann ansien dirizan ki finn anons zot parol Bondie. Mazinn fason ki zot ti pe viv e kouma zot finn mor, e imit zot lafwa.

Nouvo Testaman Kreol Morisien Harmonisation NTPS KM

⁷ Mazinn zot bann ansien dirizan ki finn anons zot parol Bondie. Mazinn fason ki zot ti pe viv e kouma zot finn mor, e imit zot lafwa.

Eb 13:7 Iomraidhean Croise

Mt 24:45

“Ki sa serviter fidel ek bien serye, lor ki so patron kapav konte pou servi manze tou so bann travayer dan ler ki bizin?

Lk 12:42

Lesegner reponn, “Ki sa administrater fidel ek bien serye ki finn gagn responsabilite ar so met pou vey lor so bann serviter e gete si zot gagn zot par manze dan ler?

Lk 5:1

Zezi ti pe dibout danbor lamer Zenezaret. Lafoul ti pe pouse pou vinn pli pre ar li, pou ekout parol Bondie.

Lk 8:11

“Ala seki sa parabol la vedir: lagrin la, parol Bondie.

Zistwar Bann Zapot 13:46

Lerla avek boukou kouraz Pol ek Barnabas dir bannla, “Li ti neseser ki anons parol Bondie ar zot premie dabor. Me akoz zot finn repous li e zot pa konsider zot dign lavi eternel, abe asterla nou pou al kot bann non-Zwif.

Zistwar Bann Zapot 14:23

Pol ek Barnabas ti nom bann ansien dan sak legliz, ar lapriyer e apre ki zot ti gard enn peryod zenn; zot ti konfie bannla Lesegner, dan ki zot ti met tou zot konfians.

Zistwar Bann Zapot 4:31

Letan zot fini priye, landrwa kot zot ti reyni ansam ti tranble. Zot ti ranpli ar Lespri Sin ek zot ti anons laparol Bondie avek lasirans.

Let pou Romin 10:17

Dimoun gagn lafwa par mesaz ki zot tande, e mesaz ki anonse li lor Lekris.

1 Ko 10:13

Tou tantasion ki zot finn gagne li parey kouma seki tou dimoun gagne. Bondie fidel dan so promes ek li pa pou les zot gagn enn tantasion ki zot pa kapav tini. Kan zot pou tante, li pou donn zot enn sime pou sorti ladan.

1 Ko 11:1

Swiv mo lexanp, parey kouma mo swiv lexanp Lekris.

1 Ko 4:16

Alors mo sipliy zot, swiv mo lexanp.

Let pou Filipien 3:17

Mo bann frer, mo bann ser, zot tou bizin imit mwa. Nou finn donn bon lexanp, alor obzerv bien bann ki kondir zot dapre sa bon lexanp la.

1 Tes 1:6

Zot finn imit nou ek Lesegner, malgre boukou soufrans, e zot finn resevwar laparol avek lazwa dan Lespri Sin.

1 Tes 2:13

Nou touzour pe rann gras Bondie parski letan nou finn anons zot so Parol, zot finn ekoute e zot finn aksepte li, pa kouma enn parol imin me kouma enn parol ki vremem sorti kot Bondie e ki pe azir dan zot, bann krwayan.

2 Tes 3:7

Zotmem, zot kone kouma zot bizin imit nou; nou pa ti pares kan nou ti kot zot,

2 Tes 3:9

Nou fer sa, pa parski nou pena drwa resevwar zot led, me parski nou anvi donn zot enn lexanp pou swiv.

1 Tim 3:5

Kimanier enn dimoun pou kapav pran sarz Legliz Bondie si li pa kapav diriz so prop fami?

Eb 13:17

Obeir zot dirizan e swiv zot lord, parski bannla pe vey lor zot lam, zot bann dimoun ki bizin rann kont Bondie. Fer zot travay avek boukou lazwa e non pa avek tristes parski sa pa pou amenn okenn lavantaz pou zot.

Eb 13:24

Fer konpliman tou zot dirizan, ek tou pep Bondie. Bann frer e bann ser an Itali fer zot konpliman.

Eb 6:12

Pa vinn pares; kontigne swiv lexanp bann ki finn krwar avek perseverans e finn erit promes Bondie.

1 Pi 4:11

Si kikenn koze, li bizin transmet mesaz Bondie; seki servi, li bizin servi avek lafors ki sorti kot Bondie, pouki par Zezi Kris, nou kapav glorifie Bondie dan tou kiksoz.

Revelasion 1:9

Mwa, zot frer Zan, ansam ar Zezi mo partaz zot soufrans e rwayote, pasians ek landirans. Mo retrouv mwa lor lil Patmos akoz parol Bondie ek temwagnaz Zezi.

Revelasion 20:4

Lerla mo trouv bann tronn, e bann ki ti pe asiz lor sa bann tronn la ti ena lotorite pou zize. Mo ti trouv osi nam bann dimoun ki zot latet ti koupe akoz zot temwagnaz lor Zezi ek parol Bondie. Zot pa ti ador Bebet ni so zimaz e zot pa ti resevwar so mark lor zot fron ou zot lame. Zot ti regagn lavi e zot ti regne avek Kris pandan mil an.

Revelasion 6:9

Ler li ti ouver sinkiem sele, mo trouv anba lotel, nam bann ki ti finn masakre akoz parol Bondie ek temwagnaz ki zot ti finn done.