Eb 11:3 - Nouvo Testaman dan Kreol Morisien

³ Par lafwa nou konpran ki Bondie finn kre liniver par so parol, pou sa rezon la seki nou pe trouve finn fer apartir seki nou pa trouve.

Nouvo Testaman Kreol Morisien Harmonisation NTPS KM

³ Par lafwa nou konpran ki Bondie finn kree liniver par so parol, pou sa rezon-la seki nou pe trouve finn fer apartir seki nou pa trouve.

Eb 11:3 Iomraidhean Croise

Zn 1:3

Tou finn kre par Laparol e tou seki finn existe, finn existe par li.

Zistwar Bann Zapot 14:15

“Kamarad, kifer zot pe fer sa? Nou osi nou imin, parey kouma zot, e nou amenn zot enn Bonn Nouvel: zot bizin tourn zot ledo ar sa bann zafer initil la, pou al ver Bondie vivan ki fer lesiel, later, lamer ek tou seki trouve.

Zistwar Bann Zapot 17:24

Bondie ki finn kre lemonn ek tou seki lor la, limem Segner lesiel ek later e li pa res dan bann tanp ki finn fer par bann zom.

Let pou Romin 4:17

Lekritir deklare: “Mo finn fer twa papa enn kantite nasion.” Li nou papa devan Bondie dan ki li finn krwar, sa Bondie ki donn lavi bann dimoun ki finn mor, e ki kre kiksoz depi nanye ditou.

1 Ko 2:7

Sazes ki mo proklame, enn sazes ki enn sekre Bondie, enn sazes ki ti kasiet e ki ti deside pou nou avan kreasion lemonn pouki nou partisip dan so laglwar.

1 Tim 4:5

Avek parol Bondie ek lapriyer, nouritir vinn sin; samem fer plezir Bondie.

Eb 1:2

Me dan dernie tan ki lor nou, li finn koz ar nou atraver so Garson. Samem Garson ki li finn swazir kouma eritie tou kiksoz. Atraver li, Bondie finn kre lemonn.

Eb 6:5

ki finn gout labonte parol Bondie e finn santi pwisans lemonn ki pe vini,

2 Pi 3:5

Zot bliye ki bien lontan Bondie finn kre lesiel ek later par so parol. Later li finn fer li apartir dilo e avek dilo;

Revelasion 4:11

“Segner Bondie, to merit resevwar laglwar, ek loner ek pwisans parski tomem ki finn kre tou kitsoz, to ti anvi ki zot existe alor zot finn vinn realite.”