2 Pi 2:3 - Nouvo Testaman dan Kreol Morisien

³ Akoz zot gourmandiz larzan, sa bann dimoun la pou explwat zot par bann koze malonet. Depi lontan, zizman finn fini pase lor zot e zot destriksion pa lwin.

Nouvo Testaman Kreol Morisien Harmonisation NTPS KM

³ Akoz zot gourmandiz larzan, sa bann dimounn-la pou explwat zot par bann koze malonet. Depi lontan, zizman finn fini pase lor zot e zot destriksion pa lwin.

2 Pi 2:3 Iomraidhean Croise

Mt 23:14

Maler lor zot dokter lalwa ek Farizien ipokrit, zot manz tou manze bann vev, zot fer long-long lapriyer pou lizie dimoun. Akoz samem zot pou gagn enn pli gran kondanasion.

Lk 18:8

Mo dir zot, li pou donn zot lazistis san tarde. Kan Garson Limanite vini, eski li pou trouv lafwa lor later?”

Lk 20:20

Alors bannla vey tou so mouvman; zot avoy bann espion ki deklar onet, pou trap Zezi kan li pou dir enn kiksoz ki pa korek. Koumsa zot pou kapav aret li e met li dan lame gouverner.

Lk 22:47

Li ti pe ankor koze, kan enn lafoul aparet avek Zida ki ti enn parmi Ledouz e limem ti antet. Li vinn pre ar Zezi e li anbras li.

Zn 2:16

Li dir bann marsan pizon, “Tir tousala deor; pa fer lakaz mo papa vinn enn bazar.”

Let pou Romin 16:18

Sa kalite dimoun la pa pe servi Lekris nou Segner, me zot prop vant. Par zot koze dimiel e zot diskour ki flate, zot tronp leker bann ki lespri inosan.

2 Ko 2:17

Nou pa kouma boukou lezot ki fer trafik marsandiz ar parol Bondie; okontrer parski Bondie finn avoy nou, nou koz avek sinserite dan so prezans kouma serviter Lekris.

1 Tes 2:5

Kouma zot kone, zame nou pa finn servi bann parol pou flat noumem oubien pou kasiet gourmandiz materyel; Bondie li nou temwin.

1 Tes 5:3

Kan dimoun pou dir, “Ena lape ek sekirite,” lerlamem maler pou fini zot enn sel kou parey kouma douler enn madam ansint ki pe akouse. Zot pa pou kapav sove.

1 Tim 3:3

Fodre pa ki li enn soular, ni kontan lager, ni fer koze vinn long ek kontan larzan. Li bizin enn dimoun trankil ki pena enn lintere personel.

1 Tim 3:8

Mem zafer pou bann diak. Zot bizin respektab ek sinser, pa servi doub langaz, pa soular, ni atase ar larzan.

1 Tim 6:5

e bann koze zame fini ant dimoun tilespri ek dan lerer. Zot panse ki ar larelizion kapav fer profi larzan.

Let pou Tit 1:11

To bizin ferm zot labous. Sa bann dimoun la amenn boulversman dan bann fami ek zot pran kas.

Let pou Tit 1:7

Enn levek, antan ki enn zeran Bondie, bizin ireprosab: fode pa ki li arogan, fer koler, biver, batayer, kontan kas.

1 Pi 2:8

Li finn osi dir: “Li enn ros ki fer dimoun kogne, e li enn ros ki fer dimoun tonbe.” Ena ki tonbe parski zot finn dezobeir laparol, e samem ki zot merite.

1 Pi 5:2

pran bien swin troupo Bondie ki anba zot responsabilite; vey lor li, pa par obligasion me par amour; fer zot travay par devouman e non pa par intere.

2 Pi 1:16

Ofet, nou pa finn aranz enn zistwar baze lor bann kontdefe pou fer zot konn pouvwar Zezi Kris ek so retour, me noumem, nou finn trouv so grander ek nou prop lizie.

2 Pi 2:1

Me finn ena osi bann fos profet ki finn leve parmi lepep, parey kouma pou ena fos profeser parmi zot ki, dan kasiet pou donn fos lansegnman. Zot pou introdwir bann fos doktrinn destriktif e zot pou mem rezet Lemet ki finn sov zot. Akoz sa, zot pou al ver zot prop destriksion.

2 Pi 2:9

alor Lesegner kone ki fason pou delivre bann dimoun drwat depi zot difikilte e kouma li gard bann peser anba so pinision ziska zour zizman;

Let Zid 1:11

Maler lor zot parski zot finn swiv sime Kain. Lakoz larzan, zot finn egare kouma Balam e zot finn mor dan zot revolt kouma rebelion Kore.

Let Zid 1:15

pou exekit zizman lor tou dimoun, pou kondann zot pou zot move aksion ek bann zafer terib ki bann peser finn dir kont li.”

Let Zid 1:16

Sa bann dimoun la, zot toultan plegne, zot pa kontan zot sor; zot swiv zot prop dezir; zot dir bann parol ranpli ar lorgey e zot flat dimoun par intere.

Let Zid 1:4

Ofet ena sertin dimoun malonet ki finn infiltre parmi zot. Zot finn abiz bonte Bondie pou zistifie zot aksion imoral e zot finn osi rezet Zezi Kris nou sel Met ek Segner. Depi lontan Lekritir finn anons sa kondanasion ki pe ariv zot la.

Let Zid 1:7

Zot rapel Sodom ek Gomor ek lezot lavil dan lezanviron; kot bann abitan ti pe amenn enn lavi dezord e zot ti pe swiv zot prop dezir imoral. Sa enn lexanp ki zot toultan anba pinision.