1 Tim 2:8 - Nouvo Testaman dan Kreol Morisien

⁸ Ala kifer, mo pe demande ki dimoun priye partou e touletan, ki zot lev zot lame lao dan lesiel, san fer koler, san lager.

Nouvo Testaman Kreol Morisien Harmonisation NTPS KM

⁸ Ala kifer, mo pe demande ki dimounn priye partou e touletan, ki zot lev zot lame lao ver lesiel, san fer koler, san lager.

1 Tim 2:8 Iomraidhean Croise

Mt 21:21

Zezi reponn zot, “Laverite, mo dir zot, si zot ena lafwa e zot pa doute, pa zis seki mo finn fer avek pie fig ki zot pou kapav fer; me si zot dir sa montagn la, ‘leve al zet twa dan lamer,’ sa pou arive.

Mt 5:44

Me mwa, mo dir zot: kontan zot lennmi e priye pou bann ki persekit zot.

Mt 6:12

Pardonn nou nou bann pese, parey kouma nou pardonn bann ki finn ofans nou.

Lk 23:34

Zezi dir, “Papa pardonn zot parski zot pa kone ki zot pe fer.” Zot fer enn tiraz osor pou partaz so linz.

Lk 24:50

Apre sa Zezi amenn zot ziska Betani; la, li lev so lame e li beni zot.

Zn 4:21

Zezi reponn li, “Fam, krwar mwa, ler pe arive kot nepli pou bizin mont lor sa montagn la, ni al Zerizalem pou ador nou Papa.

Zistwar Bann Zapot 10:2

Li ti bien relizie; li ansam ar tou so fami ti ador Bondie. Li ti bien ed bann pov e toultan li ti priye Bondie.

Zistwar Bann Zapot 10:31

Li dir mwa, ‘Korney, Bondie finn pran kont to lapriyer ek led ki to donn bann pov.

Zistwar Bann Zapot 10:4

Li get anz la avek freyer e li dir, “Ki ena, Segner?” Anz la dir li, “Bondie finn pran kont to lapriyer ek led ki to donn bann pov.

Zistwar Bann Zapot 21:5

Letan nou sezour ti termine, nou ti repran larout. Zot tou ti akonpagn nou, ansam ek zot fam ek zot zanfan ziska andeor lavil. Laba nou ti azenou lor disab e nou ti priye.

Zistwar Bann Zapot 7:60

Li tom azenou ek li kriye for, “Segner, napa pini zot pou sa pese la.” Letan li finn fini dir sa, li mor.

1 Ko 1:2

Mo pe ekrir legliz Bondie ki dan Korint, zot ki finn apele pou vinn lepep Bondie, ki li finn met apar pou li dan Zezi Kris, ansam ar lezot ki partou pe invok nom Segner Zezi Kris, zot Segner ek nou Segner.

1 Ko 7:7

Mo ti pou kontan si tou zom ti kouma mwa. Me sak zom gagn enn don ki Bondie donn li; ena ki gagn enn kalite don, ena ki ena lot don.

2 Ko 2:14

Nou loue Bondie parski li toultan antrenn nou dan kortez viktwar Lekris. Bondie servi nou pou fer konn Lekris partou kouma enn parfin ki fane partou.

Let pou Filipien 1:12

Mo bann frer e ser, mo oule ki zot kone ki seki finn ariv mwa finn vremem kontribie pou fer avans Bonn Nouvel.

1 Tes 1:8

Parol Lesegner ki sorti kot zot, pa finn zis propaze dan Masedwann ek Akai, me nouvel zot lafwa osi finn fane partou. Alor nou pena nanye pou koze.

1 Tim 5:14

Preferab zot remarye, gagn zanfan e okip zot lakaz pouki bann adverser pa koz nou koze.

Let pou Tit 3:8

Sa enn parol sir. Mo oule ki to met lanfaz lor sa bann kestion la afin ki bann ki finn met zot lafwa dan Bondie, zot ena aker pou fer lebien devan tou dimoun, seki enn bon zafer an limem.

Eb 10:22

Anou apros nou kot Bondie avek enn leker sinser ek enn lafwa total, leker prop dan enn lekor lave avek dilo pir.

Let Zak 4:8

Apros zot ar Bondie e li pou vinn pros ar zot. Zot, bann peser, netway zot lame ek pirifie zot leker ipokrit.

1 Pi 3:7

Zot osi, bann mari, montre konsiderasion pou zot madam parski bannla pa osi for ki zot. Tret zot avek respe parski zot osi zot eritie lagras Bondie. Lerla nanye pa pou kapav blok zot lapriyer.