1 Tes 3:3 - Nouvo Testaman dan Kreol Morisien

³ pouki personn parmi zot pa les zot abat par bann eprev ki nou pe fer fas. Zotmem, zot kone ki bann eprev parey fer parti plan Bondie pou nou.

Nouvo Testaman Kreol Morisien Harmonisation NTPS KM

³ pou ki personn parmi zot pa les zot abat par bann eprev ki nou pe fer fas. Zotmem, zot kone ki bann eprev parey fer parti plan Bondie pou nou.

1 Tes 3:3 Iomraidhean Croise

Lk 21:12

Me avan tousala arive, bannla pou trap zot, pou persekit zot, pou livre zot dan sinagog e pou met zot dan prizon; zot pou pas anzizman devan bann lerwa ek bann gouverner akoz mo nom.

Zn 16:2

Bannla pou met zot deor dan sinagog. Me ler pe vini kot dimoun, ki pou touy zot, pou krwar ki zot pe servi Bondie kan zot pe fer sa,

Zn 16:33

Mo finn dir zot tousala pou zot gagn lape an mwa. Lemonn pou fer zot soufer; me gard kouraz, mo finn sorti vinker lor lemonn.”

Zistwar Bann Zapot 14:22

Zot ti fortifie ek ankouraz bann disip pou res ferm dan lafwa. Zot dir, “Nou bizin pas par boukou difikilte pou nou kapav rant dan Rwayom Bondie.”

Zistwar Bann Zapot 2:25

Ala seki David dir lor li: ‘Mo toultan trouv Lesegner devan mwa; Li pre ar mwa, koumsa mo pa tranble.

Zistwar Bann Zapot 21:11

Li vinn ver nou, li pran sintir Pol li atas so prop lame ek so lipie, li dir, “Ala seki Lespri Sin deklare: ‘Ala kouma bann Zwif dan Zerizalem pou atas propriyeter sa sintir la e pou livre li dan lame bann non-Zwif.’ ”

Zistwar Bann Zapot 21:13

Me Pol reponn, “Kifer zot plore? Zot fer mo leker fermal. Mo finn pare pa zis pou al dan prizon, me osi pou mor dan Zerizalem pou Lesegner Zezi.”

Zistwar Bann Zapot 9:16

Momem mo pou montre li ki kantite li bizin soufer pou mwa.”

Let pou Romin 5:3

Pa selma sa, nou met nou fierte dan nou soufrans, parski nou kone ki lasoufrans li amenn perseverans,

1 Ko 15:58

Alor, mo bann frer ek ser, debout ferm. Pa les nanye destabiliz zot. Kontign progrese dan travay Lesegner, parski zot kone ki nanye pa perdi kan zot servi Lesegner.

1 Ko 4:9

Mo panse ki Bondie finn met nou, ki so bann apot, dan dernie plas. Nou kouma bann ki finn kondane pou mor, enn spektak pou lemonn antie, pou bann dimoun, kouma pou bann anz.

Ef 3:13

Alor mo dimann zot napa dekouraze akoz soufrans ki mo pe pase pou zot; tousala li pou zot prop laglwar.

Let pou Filipien 1:28

Zot bizin touzour brav kan zot zwenn zot adverser. Sa pou enn sign pou bannla ki zot pe al ver zot destriksion; me pou zot, mo bann frer, mo bann ser, li enn sign zot delivrans, enn delivrans ki sorti kot Bondie.

Let pou Kolosien 1:23

Me bizin ki, par lafwa, zot res solid ek ferm, san ki zot deporte andeor lesperans ki vinn par Bonn Nouvel ki zot finn tande, ki finn proklame ar tou kreatir anba lesiel. Mwa Pol mo finn vinn serviter sa Bonn Nouvel la.

1 Tes 5:9

Bondie pa finn fer nou pou soufer pinision me pou gagn delivrans par nou Segner Zezi Kris,

2 Tes 1:4

Akoz samem nou koz lor zot avek boukou fierte dan legliz Bondie. Zot pe tini ferm dan zot lafwa malgre tou bann persekision ek detres ki zot ankor pe siporte.

2 Tim 1:8

Pa per pou donn to temwagnaz lor nou Segner. Pa gagn onte pou mwa ki dan prizon akoz li. Pran to soufrans pou Bonn Nouvel avek lafors ki Bondie done.

1 Pi 2:21

Akoz samem ki Bondie finn apel zot parski Kris limem finn soufer pou zot, li finn donn zot enn lexanp pou zot swiv li.

Revelasion 2:10

Pa per si zot pou bizin soufer. Diab pou bon tant zot e pou met plizir parmi zot dan prizon pou dis zour. Res touzour fidel ziska lamor e mo pou rekonpans zot.

Revelasion 2:13

Mo kone kot to abite; la akot tronn Satan ete. Me to finn tini ferm ar mwa e to pa finn renie to lafwa, mem dan letan Antipas mo temwin fidel ki ti trouv lamor kot zot, la akot Satan abite.