1 Tes 1:6 - Nouvo Testaman dan Kreol Morisien

⁶ Zot finn imit nou ek Lesegner, malgre boukou soufrans, e zot finn resevwar laparol avek lazwa dan Lespri Sin.

Nouvo Testaman Kreol Morisien Harmonisation NTPS KM

⁶ Zot finn imit nou ek Lesegner, malgre tou bann persekision, e zot finn resevwar laparol avek lazwa par Lespri Sin.

1 Tes 1:6 Iomraidhean Croise

Mt 16:24

Apre sa Zezi dir ar so bann disip, “Si kikenn oule vinn ar mwa, fodre pa li mazinn zis limem, me fodre li pran so lakrwa pou swiv mwa.

Zn 8:12

Zezi ti pe koz ar zot ankor, li dir “Momem lalimier dan lemonn; seki swiv mwa pa pou mars dan teneb me li pou gagn lalimier ki donn lavi.”

Zistwar Bann Zapot 13:52

Bann disip ti ranpli ar lazwa e ar Lespri Sin.

Zistwar Bann Zapot 5:41

Bann apot ti kit lasal konsey leker kontan parski ti konsider zot dign pou gagn maltrete akoz nom Zezi.

Zistwar Bann Zapot 9:31

Legliz dan Zide, Galile ek Samari ti viv enn letan lape. Legliz ti vinn for e ti ena gran respe pou Lesegner e par led Lespri Sin legliz ti pe ogmante.

Let pou Romin 15:13

Ki Bondie, lasours lesperans, ranpli zot ar lazwa ek lape par lafwa ki zot ena dan li, pouki zot lesperans deborde par pwisans Lespri Sin.

1 Ko 11:1

Swiv mo lexanp, parey kouma mo swiv lexanp Lekris.

1 Ko 11:2

Mo felisit zot parski zot ankor rapel mwa dan tou kiksoz, ek zot ankor swiv tradision Kretien ki mo finn kit ar zot.

1 Ko 4:16

Alors mo sipliy zot, swiv mo lexanp.

2 Ko 6:10

mem dan sagrin nou toultan zwaye; nou pov, me nou anrisi boukou dimoun; li paret ki nou pena nanye, me anverite nou posed tou kiksoz!

2 Ko 8:5

Li ti plis ki nou ti espere. Dabor bannla finn donn zotmem Lesegner, apre par volonte Bondie zot finn donn nou zotmem.

Ga 5:22

Me bann fri ki Lespri li prodwir, li lamour, lazwa, lape, pasians, bonte, konpreansion, fidelite,

Ef 5:1

Zot, bann zanfan ki Bondie kontan, zot bizin imit li.

Let pou Filipien 3:17

Mo bann frer, mo bann ser, zot tou bizin imit mwa. Nou finn donn bon lexanp, alor obzerv bien bann ki kondir zot dapre sa bon lexanp la.

2 Tes 1:4

Akoz samem nou koz lor zot avek boukou fierte dan legliz Bondie. Zot pe tini ferm dan zot lafwa malgre tou bann persekision ek detres ki zot ankor pe siporte.

2 Tes 3:7

Zotmem, zot kone kouma zot bizin imit nou; nou pa ti pares kan nou ti kot zot,

2 Tes 3:9

Nou fer sa, pa parski nou pena drwa resevwar zot led, me parski nou anvi donn zot enn lexanp pou swiv.

2 Tim 4:2

proklam laparol, insiste touletan pou konvink. Fer repros ou donn ankourazman ki bizin kan to donn lansegnman. Pa perdi pasians.

Eb 10:34

Zot finn pran par dan soufrans bann prizonie. Dan lazwa, zot finn aksepte ki bannla kokin tou zot dibien parski zot kone ki zot, zot posed kitsoz ankor pli meyer e ki pou reste pou toultan.

1 Pi 1:6

Sa bizin rann zot zwaye, mem si asterla, pou enn tigit letan, zot bizin pas par toutsort kalite difikilte.

1 Pi 1:8

Mem si zot pa finn trouv li, zot kontan li; e mem si zot pa trouv li asterla, zot krwar dan li e zot rezwir dan enn lazwa extraordiner ki pa kapav exprime,

1 Pi 3:13

E kisannla pou fer zot ditor si zot vremem anvi fer dibien?

3 Zn 1:11

Kamarad, pa bizin imit saki mal me imit saki bien. Dimoun ki pratik lebien li avek Bondie; dimoun ki pratik lemal li pa konn Bondie.