ୱେ଼ ବ଼ଲୁ 7:2 - ପୁଃନି ମେ଼ରା କୁୱି ପୁଃନି ମେ଼ରା

² ଅ଼ଡ଼େ ନା଼ନୁ ର଼ ଦୂତୁଇଁ ୱେ଼ଡ଼ା ହ଼ପୁୱାକିଟି ହ଼ଚାୱା଼ତାଣି ମେସ୍ତେଏଁ, ଏ଼ଦାନି କେୟୁତା ଜୀୱୁତି ମାହାପୂରୁତି ବୁଟୁ ମୁଦ୍ରା ମାଚେ, ଏ଼ ଦୂତୁ ଦାର୍‌ତି ଅ଼ଡ଼େ ସାମ୍‌ଦୁରି ନସ୍ତ କିହାଲିତାକି ସା଼ରିଗଟା ଦୂତୁକି ଅଦିକାରା ହୀହାମାଚେ, ଏ଼ଦି କାଜା ଗିୟାଁତଲେ ହା଼ଟାନା ଏଲେଇଚେ,

ୱେ଼ ବ଼ଲୁ 7:2 Iomraidhean Croise

ମାତି 16:16

ସିମନ ପିତର ଏଲେଇଚେସି, “ନୀନୁ କ୍ରୀସ୍ତ, ଜୀୱୁଗାଟି ମାହାପୂରୁ ମୀର୍‌ଏଣାତି ।”

ମାତି 26:63

ସାମା ଜୀସୁ ପାଲେଏ ଆ଼ହାନା ଡ଼ୟିତେସି । ଏମ୍ବାଟିଏ କାଜା ପୂଜେରା ଜୀସୁଇଁ ଏଲେଇଚେସି, “ନା଼ନୁ ଜୀୱୁତି ମାହାପୂରୁ ଦ଼ରୁତଲେ ପାର୍‌ମାଣା କିୱି କିହାନା ୱେଞ୍ଜିମାଞ୍ଜାଇଁ, ନାଙ୍ଗେ ୱେସ୍ତାମୁ, ନୀନୁ ସାତେଏ ମାହାପୂରୁ ମୀର୍‌ଏଣାତି କ୍ରୀସ୍ତତିକି ?”

ଜହ 6:27

ସୀର୍‌ନି ରା଼ନ୍ଦା ତାକି କାମା କିଆନା, କା଼ଲାକା଼ଲାତି ଜୀୱୁତାକି ଡ଼ୟିନି ରା଼ନ୍ଦା ତାକି କାମା କିଦୁ, ଏ଼ ରା଼ନ୍ଦା ମାଣ୍‌ସି ମୀର୍‌ଏସି ମିଙ୍ଗେ ହିୟାନେସି, ଇଚିହିଁ ତାନି ଆ଼ବା ମାହାପୂରୁ ଏ଼ୱାଣାକି ଅଦିକାରା ହୀହାମାନେସି ।”

କରିନ୍ଥିଯନଙ୍କ ପତ୍ର 1:22

ଏ଼ୱାସି ତାନି ବୁଟୁ ମୁଦ୍ରା ମାଙ୍ଗେ ୱେ଼ଚା ମାଞ୍ଜାନେସି, ଇଞ୍ଜାଁ ଏ଼ୱାସି ମା଼ ହିୟାଁ ବିତ୍ରା ସୁଦୁଜୀୱୁ ସିନାଲେହେଁ ହୀହାମାଞ୍ଜାନେସି ।

ଏପିସି 1:13

ଏ଼ୱାଣି ତା଼ଣାଟି ମୀରୁ ଜିକେଏ ସାତା ବ଼ଲୁ ଇଚିହିଁ ମିଙ୍ଗେ ଗେଲ୍‌ପାନି ନେହିଁ କାବ୍ରୁ ୱେଞ୍ଜାନା ନାମାହାଁ ଆ଼ଞ୍ଜାମାନି ସୁଦୁଜୀୱୁ ତଲେ ବୁଟୁ ମୁଦ୍ରା ଆ଼ହାମାଞ୍ଜେରି;

ଏପିସି 4:30

ମାହାପୂରୁତି ସୁଦୁଜୀୱୁ ତଲେ ମିଙ୍ଗେ ଗେଲ୍‌ପିନି ଦିନାତାକି ବୁଟୁ ମୁଦ୍ରା କିୱି ଆ଼ହାମାଞ୍ଜେରି ଏ଼ଦାଣି ଦୁକୁ ହୀଆଦୁ ।

୧ତେସ 1:9

ଏ଼ନାଆଁତାକି ଇଚିହିଁ ଲ଼କୁ ତା଼ମ୍ବୁ ମା଼ କାତା ୱେସ୍‌ପି ଆ଼ନେରି, ମୀ ତା଼ଣା ମା଼ମ୍ବୁ ୱା଼ତମି ଏ଼ନାଆଁ ଆ଼ହାମାଚେ, ଅ଼ଡ଼େ ଏ଼ନିକିଁ ମୀରୁ ପେ଼ଣ୍‌କା ବମାୟାଁଣି ପିସ୍ତେରି, ଇଞ୍ଜାଁ ଜୀୱୁଗାଟି ଅ଼ଡ଼େ ସାତା ମାହାପୂରୁଇଁ ସେ଼ବା କିହାଲି,

୨ତିମ 2:19

ଆ଼ତିଜିକେଏ, ମାହାପୂରୁ କେ଼ପିତି ପୁନାଦି ଆ଼ଟ୍‌ୱା ଆ଼ହାନା ଡ଼ୟାମାନେ, ଅ଼ଡ଼େ ଏ଼ ୱାଲିତା ଈ ବୁଟୁ ମୁଦ୍ରା ଆ଼ହାମାନେ, “ପ୍ରବୁ ତାନି ଲ଼କୁଣି ପୁଞ୍ଜାମାନେସି” ଅ଼ଡ଼େ, “ଆମ୍ବାଆସି ପ୍ରବୁତି ଦ଼ରୁ ଆହ୍‌ନାସି, ଏ଼ୱାସି ଲାଗେଏ ତା଼ଣାଟି ହେକ ମାଣ୍‌ମ୍ବେସି ।”

ଏବ୍ରି 12:22

ସାମା ମୀରୁ ସିୟନ ହ଼ରୁ ଅ଼ଡ଼େ ନୀଡାମାନି ମାହାପୂରୁତି ଗା଼ଡ଼ା, ଇଚିହିଁ ଲାକପୂରୁତି ଜିରୁସାଲମତା, ହା଼ରେକା ଦୂତୁୟାଁ ୱା଼ହାମାଚେରି ଏମ୍ବାଆଁ ୱା଼ହାମାଞ୍ଜେରି ।

ୱେ଼ ବ଼ଲୁ 1:3

ଆମ୍ବାଆସି ଈ ପତି ପ଼ଡ଼ୱି ଆ଼ନେସି ଇଞ୍ଜାଁ ମାହାପୂରୁତି ବ଼ଲୁ ୱେଞ୍ଜାନା, ଈ ପତିତା ରା଼ସ୍‌କି ଆ଼ହାମାନାଣି ବାରେ ମା଼ନୱି ଆ଼ନାରି ନେହାଁରି, ଏ଼ନାଆଁତାକି ଇଚିହିଁ ଈ ବାରେ ଗଟୱି ଆ଼ନି କା଼ଲମି ଡାଗେ ୱା଼ତେୟିଏ ।

ୱେ଼ ବ଼ଲୁ 10:1

ଏଚେଟିଏ ନା଼ନୁ ର଼ ବାଡ଼୍‌ୟୁଗାଟି ଦୂତୁଇଁ ଲାକପୂରୁଟି ରେ଼ଚା ୱା଼ହିମାଚାଣି ମେସ୍ତେଏଁ, ଏ଼ୱାଣି ସା଼ରିସୁଟୁ ଦୂନ୍ଦ୍ରା ଇଞ୍ଜାଁ ତାନି ତା଼ର୍ୟୁଁ ଲାକ ଦାର୍‌ଣକି ଅ଼ଡ଼େ ତାନି ମୂମ୍ବୁ ୱେ଼ଡ଼ା ଲେହେଁ ଅ଼ଡ଼େ ତାନି କଡାୟାଁ ହିଚୁ ମୁଣ୍ତାଲେହେଁ ତ଼ଞ୍ଜାଆ଼ହିମାଚୁ;

ୱେ଼ ବ଼ଲୁ 10:4

ଏ଼ ସା଼ତାଗଟା ହା଼ଗୁ ଗୂଣ୍‌ନାଇ ୱେସାଲିଏ ନା଼ନୁ ରା଼ଚିଇଁ ଇଞ୍ଜିଁ ତିୟାରା ଆ଼ତେଏଁ, ଏଚେଟିଏ ନା଼ ତାକି ହା଼ଗୁଟି ଈ ହା଼ଡା ୱେଚେଏଁ, “ଏ଼ ସା଼ତାଗଟା ହା଼ଗୁ ଗୂଣ୍‌ନିତା଼ଣାଟି ଏ଼ନାଆଁ ୱେଞ୍ଜାମାଞ୍ଜି ଏ଼ଦାଆଁ ରା଼ଚାଆନା ଡ଼ୁକ୍‌ହା ଇଟାମୁ ।”

ୱେ଼ ବ଼ଲୁ 16:12

ସ଼ ଲମ୍ବର ଦୂତୁ ତାନି ଗିନାତା ମାଚାଣି ପରାତ୍‌ କାଜା କାଡା ଲାକ ୱା଼କ୍‌ହେସି, ଏ଼ କାଡାତି ଏ଼ୟୁ ୱା଼ୟାହାଚୁ, ୱେ଼ଡ଼ା ହ଼ପୁ ୱାକିଟି ୱା଼ହିମାନି ରାଜାୟାଁକି ଜିରୁ ପାର୍‌ଲିଆ଼ତେ ।

ୱେ଼ ବ଼ଲୁ 5:2

ଅ଼ଡ଼େ ନା଼ନୁ ବା଼ଡ଼୍‌ୟୁ ଗାଟି ର଼ ଲାକପୂରୁତି ଦୂତୁଇଁ ମେସ୍ତେଏଁ, ଏ଼ୱାସି କାଜା ଗିୟାଁତଲେ ଏଲେଇଚେସି, ଆମ୍ବାଆସି ଈ ମୁଦ୍ରା ହୁକ୍‌ହାନା ପତିତି ଦେଚାଲି ପା଼ଡ଼ାଆ଼ନେସି ।

ୱେ଼ ବ଼ଲୁ 8:3

ଏମ୍ବାଟିଏ ଅ଼ଡ଼େ ର଼ ଦୂତୁ ୱା଼ହାଁ ପିଣ୍ତା ନ଼କିତା ନିତେସି, ଏ଼ୱାଣି କେୟୁତା ବାଂଗାରା ଦୁପ୍‌ଣି ସାଡ଼୍‌ୱା ମାଚେ, ଅ଼ଡ଼େ ସିଂଗାସାଣି ନ଼କିତି ବାଂଗାରା ପୂଜାପିଣ୍ତା ଲାକ ବାରେ ମାହାପୂରୁ ଲ଼କୁତି ପ୍ରା଼ତାନା ତଲେ ହେର୍‌ପାଲି ତାକି ହା଼ରେକା ଦୁପ୍‌ଣି ହୀପ୍‌କିଆ଼ତେ ।

ୱେ଼ ବ଼ଲୁ 9:14

ଏ଼ୱାସି ତୀତ୍ରି ଆସାମାନି ସ଼ ଲମ୍ବର ଦୂତୁଇଁ ଏଲେଇଚେସି, “ପରାତ୍‌ କାଜା କାଡାତା ଦସ୍‌ପି ଆ଼ହାମାନି ସା଼ରି ଜା଼ଣା ଦୂତୁୟାଁଇଁ ପିସ୍‌ପି କିମୁ ।”

ୱେ଼ ବ଼ଲୁ 9:4

ଏ଼ୱି ଦାର୍‌ତିତି ମା଼ର୍‌କା ଗଚା ଜା଼ଡ଼ାତି ନସ୍ତ କିଆନା, ଆମ୍ବାଆରି ମୁଞ୍ଜୁତା ମାହାପୂରୁତି ବୁଟୁ ମୁଦ୍ରା ହିଲାଆତେ ଏ଼ୱାରାଇଁ କସ୍ତ ହୀହାଲି ଏଲେଇଣ୍‌ମ୍ବି ଆ଼ତେ ।