ୱେ଼ ବ଼ଲୁ 22:5 - ପୁଃନି ମେ଼ରା କୁୱି ପୁଃନି ମେ଼ରା

⁵ ଏମ୍ବାଆଁ ଲା଼ଆଁୟାଁ ଆ଼ଏ, ଏ଼ୱାରାକି ଦୀୱଁ କି ୱେ଼ଡ଼ାତି ଉଜେଡ଼ି ଲ଼ଡ଼ା ଆ଼ଏ, ଇଚିହିଁ ପ୍ରବୁ ମାହାପୂରୁ ଏ଼ୱାରି ମୁହେଁ ଉଜେଡ଼ି ଲେହେଁ ଆ଼ନେସି, ଇଞ୍ଜାଁ ଏ଼ୱାରି କା଼ଲାକା଼ଲା ତାକି ରା଼ଜି କିନେରି ।

ୱେ଼ ବ଼ଲୁ 22:5 Iomraidhean Croise

ମାତି 19:28

ଜୀସୁ ଏ଼ୱାରାଇଁ ଏଲେଇଚେସି, ନା଼ନୁ ମିଙ୍ଗେ ସାତା ୱେସିମାଞ୍ଜାଇଁ, ପୁଃନି ଜୁଗୁ ଆ଼ନାଟି ଏଚେ଼ତା ମାଣ୍‌ସି ମୀର୍‌ଏସି ତାନି ଗାୱୁରମିତି କାଜାପା଼ଣା ତଲେ ସିଂଗାସାଣିତା କୁଗିନି ଦିନା ନା଼ ଜେ଼ଚ ୱା଼ହାମାନାତେରି ମୀରୁ, ମୀରୁ ଜିକେଏ ବା଼ର ଗଟା ସିଂଗାସାଣିତା କୁଗାନା, ଇସ୍ରାୟେଲତି ବା଼ର କୂଡ଼ାତି ସା଼ଲୱି କିଦେରି ।

ମାତି 25:34

ଏଚିବେ଼ଲା ରାଜା ତାନି ଟିଃନି ଟଟତି ଲ଼କୁଣି ଏଲେଇନେସି, ୱା଼ଦୁ ନା଼ ଆ଼ବାତି ବ଼ର ବେଟା ଆ଼ନାତେରି, ମିଙ୍ଗେତାକି ଦାର୍‌ତି ଗା଼ଡ଼ି ଆ଼ତି ଦିନାଟିଏ ଆମିନି ରା଼ଜି ଗା଼ଡ଼ି କିୱିଆ଼ହାମାନେ ଏମ୍ବାତି ଅଦିକାରା ଆ଼ଦୁ ।

ମାତି 25:46

ଅ଼ଡ଼େ ଈୱାରି କା଼ଲାକା଼ଲାତି ସା଼ସ୍ତି ବେଟାଆ଼ନେରି, ସାମା ତୀରିଗାଟାରି କା଼ଲାକା଼ଲାତି ଜୀୱୁ ବେଟାଆ଼ନେରି ।”

ରମିୟ କୁଲମିତାକି ପା଼ୱୁଲ ରା଼ଚାମାନି ଆ଼କୁ 5:17

ର଼ ମାଣ୍‌ସିତି ପା଼ପୁ ତାକି, ହା଼କି ସା଼ଲୱି କିତେ; ସାମା ଅ଼ର ରଅସି ଇଚିହିଁ ଜୀସୁ କ୍ରୀସ୍ତ ଏ଼ନାଆଁ କିହାମାନେସି, ଏ଼ଦି ଏଚେକା କାଜାୟି । ଆମିନି ବାରେଜା଼ଣା ମାହାପୂରୁତି ହା଼ରେକା କାର୍ମାମେହ୍‌ନାୟି ଉଜେଏ ମେ଼ଡ଼ା ଆ଼ନାଣି ତଲେ ମାହାପୂରୁତି ନ଼କିତା ଦାର୍ମୁଗାଟାରି ଇଞ୍ଜିଁ ୱେ଼ଙ୍ଗିନେରି, ଏ଼ୱାରି କ୍ରୀସ୍ତ ତଲେ ଜୀଣାଆ଼ହାନା ନୀଡିନେରି ।

୨ତିମ 2:12

ଅ଼ଡ଼େ ମା଼ର ସା଼ସାଆସାଁ କସ୍ତ ଅ଼ର୍‌ହିନାୟି, ଆତିହିଁ ଏ଼ୱାଣିତଲେ ଜିକେଏ ସା଼ଲୱି କିନାୟି; ମା଼ର ଏ଼ୱାଣାଇଁ ପୁଞ୍ଜାହିଲଅମି ଇନାୟି, ଆତିହିଁ ଏ଼ୱାସି ଜିକେଏ ମାଙ୍ଗେ ପୁଞ୍ଜାହିଲଅଁ ଇଞ୍ଜାନେସି;

ୱେ଼ ବ଼ଲୁ 11:15

ଡା଼ୟୁ ସାତା ଲମ୍ବର ଦୂତୁ ତୀତ୍ରି ଊକିତେସି ଇଞ୍ଜାଁ ଲାକପୂରୁ କାଜା ହା଼ଡାତଲେ ଈ ହା଼ଡା ୱେ଼ଙ୍ଗିତେ, “ମା଼ ପ୍ରବୁ ଅ଼ଡ଼େ ଏ଼ୱାଣି ମସିହା ଦାର୍‌ତିତି ସା଼ଲୱି କିନି ଅଦିକାରା ନୀଏଁ ତାନି କେୟୁତା ଅ଼ହାମାନେସି, ଏ଼ୱାସି କା଼ଲେଏ ତାକି ରା଼ଜି କିନେସି ।”

ୱେ଼ ବ଼ଲୁ 18:23

ଦୀୱଁୟାଁତି ଉଜେଡ଼ି ନୀ ତା଼ଣା ଏଚେଲାୱା ଡ଼ୀଞ୍ଜେଏ, ବୀହା ଆ଼ନି ମା଼ସ୍‌କା ଅ଼ଡ଼େ ବୀହା ଆ଼ନି କକାରି ହା଼ଡା ନୀ ତା଼ଣା ଏଚେଲାୱା ୱେ଼ଙ୍ଗେଏ, ଏ଼ନାଆଁତାକି ଇଚିହିଁ ନୀ ତା଼ଣା ବେ଼ବାରା କିନାରି ଦାର୍‌ତିତା କାଜାରି ମାଚେରି, ଅ଼ଡ଼େ ନୀ ମାୟାମନ୍ତରତା ବାରେ କୂଡ଼ାତି ଲ଼କୁ ମୁଞ୍ଜା ହାଜାମାଚେରି ।”

ୱେ଼ ବ଼ଲୁ 20:4

ଏଚେଟିଏ ନା଼ନୁ ଏଚରଗଟା ସିଂଗାସାଣିୟାଁ ମେସ୍ତେଏଁ, ଏ଼ ବାରେ ଲାକ ଏଚରଜା଼ଣା କୁଗିତେରି, ଏ଼ୱାରାକି ନୀହାଁୟି କିହାଲି ଅଦିକାରା ହୀପ୍‌କିଆ଼ତେ, ଅ଼ଡ଼େ ଜୀସୁତି କାତା ଇଞ୍ଜାଁ ମାହାପୂରୁତି ବ଼ଲୁ ତାକି ଆମ୍ବାଆରି ତା଼ର୍କା ଦା଼ପି ଆ଼ହାମାଚୁ, ଇଞ୍ଜାଁ ଆମ୍ବାଆରି ଏ଼ ଜ଼ନ୍ତ ଅ଼ଡ଼େ ତାନି ବମାତି ଜହରା କିହାଁ ହିଲାଆତେରି ଅ଼ଡ଼େ ତାନି ସିନାତି ମୁଞ୍ଜୁତା କି କେୟୁତା ବେଟାଆ଼ହା ହିଲାଆତେରି, ଏ଼ୱାରି ଜୀୱୁୟାଁ ମେସ୍ତେଏଁ; ଏ଼ୱାରି ୱେଣ୍ତେ ନୀଡାନା କ୍ରୀସ୍ତ ତଲେ ର଼ ମା଼ଣା ବାର୍ସା ପାତେକା ସା଼ଲୱି କିତେରି ।

ୱେ଼ ବ଼ଲୁ 20:6

ଆମ୍ବାଆରି ମୂଲୁ ୱେଣ୍ତେ ନିଙ୍ଗିନି ତା଼ଣା ଆଣ୍ତିନେରି ଏ଼ୱାରି ନେହେଁ, ଅ଼ଡ଼େ ଏ଼ୱାରି ସୁଦୁଗାଟାରି; ଅ଼ଡ଼େ ଏ଼ୱାରି ମୁହେଁ ଡା଼ୟୁତି ହା଼କିତି ଏ଼ନି ଅଦିକାରା ହିଲେଏ, ସାମା ଏ଼ୱାରି ମାହାପୂରୁ ଅ଼ଡ଼େ କ୍ରୀସ୍ତତି ପୂଜେରାଙ୍ଗା ଆ଼ହାନା ଏ଼ୱାଣିତଲେ ର଼ ମା଼ଣା ବାର୍ସା ପାତେକା ସା଼ଲୱି କିନେରି ।

ୱେ଼ ବ଼ଲୁ 21:11

ଅ଼ଡ଼େ ଏ଼ଦି ମାହାପୂରୁତି ଗାୱୁରମି ତଲେ ମ୍ଣିସିମାଚେ, ଏ଼ଦାନି ଉଜେଡ଼ି ହା଼ରେକା ଦାରାଗାଟି ମଣି ଅ଼ଡ଼େ ୱେ଼ଡ଼ାତି ଅପ୍‌ନି ଦାର୍ପେଣିଲେହେଁ ।

ୱେ଼ ବ଼ଲୁ 3:21

ନା଼ନୁ ଏ଼ନିକିହିଁ ଜୀଣାଆ଼ହାନା ନା଼ ଆ଼ବା ତଲେ ସିଂଗାସାଣିତା କୁଗାମାଇଁ ଏଲେକିହିଁଏ ଆମ୍ବାଆସି ଜୀଣା ଆ଼ନେସି ନା଼ନୁ ଏ଼ୱାଣାଇଁ ନା଼ ତଲେ ନା଼ ସିଂଗାସାଣିତା କୁଗାଲି ହୀଇଁ ।”