ୱେ଼ ବ଼ଲୁ 17:4 - ପୁଃନି ମେ଼ରା କୁୱି ପୁଃନି ମେ଼ରା

⁴ ଏ଼ ଇୟା ହେୟାଁ ଲେହେଁତି ୱା଼ଣା ଅ଼ଡ଼େ ପା଼ଟୁ ୱା଼ଣାଗାଟି ହିମ୍ବରି ହୁଚାମାଚେ, ଇଞ୍ଜାଁ ଏ଼ଦି ବାଂଗାରା ଅ଼ଡ଼େ ଗାଡି ଦାରାଗାଟି ମଣି, ମୁକ୍ତା ତଲେ ସାଜୁ ଆ଼ହାମାଚେ, ତାନି ନା଼ଡ଼ିକିନି ପା଼ଡ଼େୟିକା ଲେହେଁ ଅ଼ପାଆଗାଟି ଦିଣ୍‌ସୁ ଇଞ୍ଜାଁ ଦା଼ରିକାମା କିନି ଲାଗେଏତି କାମା ତଲେ ନେଞ୍ଜାମାନି ର଼ ବାଂଗାରା ଗିନା ଏ଼ଦି ଆସାମାଚେ ।

ୱେ଼ ବ଼ଲୁ 17:4 Iomraidhean Croise

ୱେ଼ ବ଼ଲୁ 14:8

ତାନି ଡା଼ୟୁ ଅ଼ଡ଼େ ର଼ ଦୂତୁ ଇଚିହିଁ ରୀ ଲମ୍ବର ଦୂତୁ ୱା଼ହାନା ଏଲେଇଚେସି, “ଆମିନି କାଜା ଗା଼ଡ଼ା ବାବିଲନ ବାରେ କୂଡ଼ାତି ଲ଼କୁଇଁ ତାନି ଦା଼ରିକାମା କିୱିକିନି କା଼ଡ଼ୁ ଊଟ୍‌ହାନା ହ଼ଚିକିହାମାଚେ, ଏ଼ଦି ରିହା ହାଜାମାନେ ।”

ୱେ଼ ବ଼ଲୁ 18:12

ଇଚିହିଁ ବାଂଗାରା, ୱେଣ୍ତି, ଦା଼ରା ଗାଟି ମଣି ଅ଼ଡ଼େ ମୁକ୍ତାୟାଁ, ସିଲ୍‌କୁ ହିମ୍ବରିକା, ହେୟାଁ ୱା଼ଣାଗାଟି ହିମ୍ବରିକା, ପା଼ଟୁ ହିମ୍ବରିକା, ଏଟ୍‌କା ଏଟ୍‌କାତି ଅ଼ଜିତି ହିମ୍ବରିକା, ଚନ୍ଦନ ଇଞ୍ଜାଁ ଏ଼ଦାନି ଲେହେଁତି ଗାନ୍ଦା ଗାଟି ମା଼ର୍‌କା, ହାତି ପାଲ୍‌କା, ଦା଼ରା ଗାଟି ୱେସ୍‌କା, ପିତାଡ଼ା, ଲ଼ହ, ଅ଼ଜିତି ଡ଼ୁସ୍‌ପା ୱାଲ୍‌କାତଲେ କେ଼ପିତି ବାରେ ଆ଼ସ୍ତି ।

ୱେ଼ ବ଼ଲୁ 18:16

“ଆୟ଼ତା! କାଜା ଗା଼ଡ଼ାତି! ନିଙ୍ଗେତାକି ଏଚେକା ଆଜିହ଼ପେତି କସ୍ତ ୱା଼ତେ, ନୀନୁ ଅ଼ଜିତି ହିମ୍ବରିକା, ହେୟାଁ ୱା଼ଣାଗାଟି ହିମ୍ବରିକା, ପା଼ଟୁ ହିମ୍ବରିକା ହୁଚାମାଚି, ଅ଼ଡ଼େ ବାଂଗାରା, ଦାରାଗାଟି ମଣି ଇଞ୍ଜାଁ ମୁକ୍ତାୟାଁ ତଲେ ମିଣ୍‌ସି ମାଚି ସାଜୁୟାଁ ତୁର୍‌ହାମାଚି ।

ୱେ଼ ବ଼ଲୁ 19:2

ଇଚିହିଁ ଏ଼ୱାଣି ନୀହାଁୟି ସାତା ଅ଼ଡ଼େ ନେହାୟି, ଆମିନି କାଜା ଦା଼ରେଣି ତାନି ଦା଼ରିକାମା ତଲେ ଦାର୍‌ତିତି ଲ଼କୁଣି ପ଼ଲ୍‌ଆ କିହାମାଚେ, ମାହାପୂରୁ ଏ଼ଦାନି ଡଣ୍ତ ହୀହାନା ତାନି ହ଼ଲିୟାଙ୍ଗାଣି ପା଼ୟିତି ନେତେରିତି ବାଦୁଲି ଅ଼ତେସି ।”

ୱେ଼ ବ଼ଲୁ 21:21

ବା଼ର ଗଟା ଦୁୱେରିକାଣାଁ ବା଼ରଗଟା ମୁକ୍ତାୟାଁ, ର଼ ଦୁୱେରିତି ର଼ ମୁକ୍ତା ତଲେ କେ଼ପି ଆ଼ହାମାନୁ; ଅ଼ଡ଼େ ଗା଼ଡ଼ାତି ଆଂଗେଣିକା ନେହିଁ ଦାର୍ପେଣି ଲେହେଁତି ସୁଦୁ ବାଂଗାରା ତଲେ ଆ଼ହାମାନୁ ।

ୱେ଼ ବ଼ଲୁ 9:21

ଅ଼ଡ଼େ ଏ଼ୱାରି ଲ଼କୁଣି ପା଼ୟିନାୟି, ଗୂଣି ଗାର୍‌ଡ଼ି, ଦା଼ରିକାମା, ଅ଼ଡ଼େ ସ଼ରୁ କାମା କିନିତା଼ଣାଟି ମ଼ନ ୱେଟ୍‌ଆତେରି ।