୨ତେସ 1:3 - ପୁଃନି ମେ଼ରା କୁୱି ପୁଃନି ମେ଼ରା

³ ଏ଼ ମା଼ ତାୟିୟାଁ ଅ଼ଡ଼େ ତାଙ୍ଗିସ୍କାତେରି ମୀ ତାକି ମା଼ମ୍ବୁ ବାରେଦିନା ମାହାପୂରୁଇଁ ଜହରା କିନାୟି ଲ଼ଡ଼ାମାନେ, ଏଲେଆ଼ନାୟି ନେହେଁ, ମୀ ନାମୁ ଅ଼ଡ଼େ ରଅତେରି ରଅଣାଇଁ ଜୀୱୁନ଼ନାୟି ଦିନମି ତାକି ଦିନମି ପାଡାଆ଼ହିମାନେ ।

୨ତେସ 1:3 Iomraidhean Croise

Luka 15:32

ସାମା ଈ ନୀ ତାୟି ହା଼ହା ହାଜାମାଚେସି, ୱେଣ୍ତେ ନୀଡାମାନେସି, ଜା଼ଙ୍ଗା ହାଜାମାଚେସି, ମେ଼ଡ଼ା ଆୟାତେସି, ଏ଼ଦାଆଁତାକି ରା଼ହାଁ କିନାୟି ମାଚେ ।”

Luka 17:5

ଏଚେଟିଏ ପାଣ୍ତ୍‌ୱି ଆ଼ହାମାନାରି ପ୍ରବୁଇଁ ଏଲେଇଚେରି, “ମା଼ ନାମୁତି ପାଡି କିୟାମୁ ।”

ଜହ 15:2

ନା଼ ତା଼ଣା ମାନି ଏମିନି କମା ପା଼ଡ଼େୟି ଆ଼ୟେଏ, ଏ଼ଦାନି ଏ଼ୱାସି ଟୂଣ୍‌ହାତୁହ୍‌ନେସି; ଅ଼ଡ଼େ ଏମିନି କମା ପା଼ଡ଼େୟି ଆ଼ୟିନେ, ଗାଡି ପା଼ଡ଼େୟି ଆ଼ୟାଲି ତାକି ଜାତ୍‌ନୁ କିନେସି ।

ରମିୟ କୁଲମିତାକି ପା଼ୱୁଲ ରା଼ଚାମାନି ଆ଼କୁ 1:8

ମୂଲୁଏ, ମୀ ନାମୁତି ନେହିଁ ହା଼ଡା ବାରେ ଦାର୍‌ତିତା ୱେ଼ଙ୍ଗିମାନେ, ଏ଼ଦାଆଁତାକି ନା଼ନୁ ମୀ ବାରେଜା଼ଣା ତାକି ଜୀସୁ କ୍ରୀସ୍ତ ତା଼ଣାଟି ନା଼ ମାହାପୂରୁଇଁ ଜହରା କିହିମାଇଁ ।

1 କରିନ୍ଥୀୟ 1:4

କ୍ରୀସ୍ତ ଜୀସୁ ତା଼ଣାଟି ମିଙ୍ଗେ ହୀହାମାଞ୍ଜାନି ମାହାପୂରୁତି ଆମିନି କାର୍ମାମେହ୍‌ନାୟି, ଏ଼ଦାଆଁତାକି ନା଼ନୁ କା଼ଲେଏ ମିଙ୍ଗେତାକି ମାହାପୂରୁଇଁ ଜହରା କିହିମାଇଁ,

କରିନ୍ଥିଯନଙ୍କ ପତ୍ର 10:15

ମାହାପୂରୁ କିହାମାନି ମା଼ କାମାତି ପାଙ୍ଗାତା ଏଟ୍‌କା ଲ଼କୁତି କାମାତା ବଡପଣ କିହିହିଲଅମି, ସାମା ମା଼ମ୍ବୁ ଆ଼ସା କିହିମାନମି ମୀରୁ ନାମୁତା ପାଡା ଆ଼ନାଣିତଲେ ମୀ ତା଼ଣାଟି ମା଼ କାମା ଅ଼ଡ଼େ ହା଼ରେକା ପାଡା ଆ଼ନେ ।

ଏପିସି 5:20

ବାରେବେ଼ଲା ବାରେ କାତାତାକି ପ୍ରବୁ ଜୀସୁ କ୍ରୀସ୍ତତି ଦ଼ରୁତଲେ ଆ଼ବା ମାହାପୂରୁଇଁ ଜହରା କିଦୁ ।

ପିଲିପି 1:7

ଅ଼ଡ଼େ ମୀ ବାରେତାକି ନା଼ ଇଲେତି ଅଣ୍‌ପିନାୟି ମାନେ, ମୀରୁ ବାରେ ଏ଼ନିକିଁ ନା଼ ତଲେ ନେହିଁ କାବ୍ରୁ ୱେ଼କ୍‌ନି କାୟିଦିତା ଆଣ୍ତିମାଞ୍ଜାଦେରି, ଅ଼ଡ଼େ ଏମ୍ବାତି ସାତା ପାର୍‌ମାଣା ତ଼ସାଲି ନା଼ ତଲେ ଆଣ୍ତାମାଞ୍ଜାଦେରି, ଏ଼ଦାଆଁତାକି ନା଼ନୁ ନା଼ ହିୟାଁତା ମିଙ୍ଗେ ଆବାମାଞ୍ଜାଇଁ ।

ପିଲିପି 1:9

ଅ଼ଡ଼େ, ନା଼ ପ୍ରା଼ତାନା କିନାୟି ଈଦି, ମୀ ଜୀୱୁନ଼ନାୟି, ନେହିଁ ବୁଦି ପୁନାୟି, ଅ଼ଡ଼େ ବାରେ ନେହିଁ ଅଣ୍‌ପୁ ହା଼ରେ ହା଼ରେକା ପାଡା ଆ଼ପେ,

୧ତେସ 3:12

ଅ଼ଡ଼େ, ମା଼ମ୍ବୁ ମିଙ୍ଗେ ଜୀୱୁନ଼ହିଁ ମାଞ୍ଜାନି ଲେହେଁ ମୀରୁ ରଅତେରି ରଅଣାଇଁ ଜୀୱୁ ନ଼ୱିଆହିଁ ବାରେ ଲ଼କୁଇଁ ଜୀୱୁ ନ଼ୟାଁଲି ପ୍ରବୁ ମୀ ଜୀୱୁ ନ଼ନାଣି ଦିନାତାକି ଦିନା ପାଡି କିୟାପେସି ।

୧ତେସ 3:6

ସାମା ନୀଏଁ ତିମତି ମୀ ତା଼ଣାଟି ମା଼ ତା଼ଣା ୱେଣ୍ତା ୱା଼ହାନା ମୀ ନାମୁ ଅ଼ଡ଼େ ଜୀୱୁ ନ଼ନାଣି ରା଼ହାଁତି କାବ୍ରୁ ମାଙ୍ଗେ ୱେସାମାଞ୍ଜାନେସି, ମୀରୁ ମାଙ୍ଗେ ନେହିଁକିଁ ଅଣ୍‌ପିମାଞ୍ଜାଦେରି, ଅ଼ଡ଼େ ମା଼ମ୍ବୁ ମିଙ୍ଗ ଏଚେକା ମେସାଲି ଅଣ୍‌ପି ମାନମି, ମୀରୁ ଜିକେଏ ମାଙ୍ଗ ମେସାଲି ଏଚେକା ଅଣ୍‌ପି ମାଞ୍ଜାଦେରି, ଏଲେକିଁ ମାଙ୍ଗେ ନେହିଁ କାବ୍ରୁ ୱେସାମାଞ୍ଜାନେସି ।

୧ତେସ 3:9

ହାଅ, ମା଼ମ୍ବୁ ମାହାପୂରୁ ନ଼କିତା ମୀ ତାକି ବେଟାଆ଼ହାମାନି ରା଼ହାଁତାକି ରା଼ହାଁ ଆ଼ହାମାନମି, ମା଼ମ୍ବୁ ଏ଼ନିକିଁ ୱେଣ୍ତେ ହୀନି ଦା଼ନା ଲେହେଁ, ମୀ ତାକି ମାହାପୂରୁଇଁ ଏ଼ନିକିଁ ଜହରା କିହାଲି ଆ଼ଡିନମି ।

୧ତେସ 4:1

ଏ଼ ମା଼ ତାୟିୟାଁତେରି, ମାହାପୂରୁଇଁ ରା଼ହାଁ କିୱି କିୟାଲି ଏ଼ନିକିଁ ନୀଡିନାୟି ମାନେ, ଏ଼ଦାଆଁ ମୀରୁ ମା଼ ତା଼ଣାଟି ଏ଼ନିକିଁ ଜା଼ପାମାଞ୍ଜେରି ଅ଼ଡ଼େ ଏଲେକିହିଁଏ ନୀଡାମାଞ୍ଜେରି, ସାମା ଏ଼ଦାଣିକିହାଁ ହା଼ରେକା ନେହିଁ କିୟାଲି ମା଼ମ୍ବୁ ପ୍ରବୁ ଜୀସୁ ଦ଼ରୁତଲେ ମିଙ୍ଗେ ହା଼ରେକା ବାତିମା଼ଲି ମାଞ୍ଜାନମି ।

୨ତେସ 2:1

ତାୟିୟାଁ ଅ଼ଡ଼େ ତାଙ୍ଗିସ୍କାତେରି, ପ୍ରବୁ ଜୀସୁ କ୍ରୀସ୍ତ ୱେଣ୍ଡେ ୱା଼ନାଣି ଅ଼ଡ଼େ ମା଼ର ତାନିତଲେ କୂଡ଼ା ଆ଼ନାଣି ତାକି ମିଙ୍ଗେ ବାତିମା଼ଲି ମାଞ୍ଜାନମି ।

୨ତେସ 2:13

ମା଼ ପ୍ରବୁତି ଜୀୱୁତି ତାୟିୟାଁ ଅ଼ଡ଼େ ତାଙ୍ଗିସ୍କାତେରି, ମିଙ୍ଗେତାକି ବାରେଦିନା ମାହାପୂରୁଇଁ ଜହରା କିନାୟି ମା଼ କାମା, ଏ଼ନାଆଁତାକି ଇଚିହିଁ ମାହାପୂରୁ ଜୀୱୁତି ସୁଦୁ ଇଞ୍ଜାଁ ସାତାତି ନାମୁତଲେ ଗେଲ୍‌ପି ଆ଼ହାଲି ମିଙ୍ଗେ ମୂଲୁତି ପା଼ଡ଼େୟିଲେଁ ବାଚି କିହାମାଞ୍ଜାନେସି ।

୧ପିତ 1:22

ନୀଏଁ ମୀରୁ ସାତାତି ମା଼ନୱି ଆ଼ହାନା କୁଟୁ ହିଲାଆ ତାୟିଇଁ ଜୀୱୁ ନ଼ହାଲି ତାକି ମୀ ହିୟାଁତି ଅଟ୍‌ହା କଡାମାନାକି ମୀ ବାରେ ହିୟାଁ ତଲେ ମୀରୁ ରଣ୍ତିଏ ମ଼ନତଲେ ରଅତେରି ରଅଣାଇଁ ଜୀୱୁନ଼ଦୁ ।

୨ପିତ 1:13

ନା଼ନୁ ନୀଡାମାନି ପାତେକା ଈ ବାରେ କାତା ତାକି ମିଙ୍ଗେ ସେତ୍‌ନା କିହାଲି ନା଼ନୁ କିନାୟି ମାନେ ଇଞ୍ଜିଁ ଅଣ୍‌ପିମାଇଁ ।

୨ପିତ 3:18

ସାମା ମା଼ ପ୍ରବୁ ଅ଼ଡ଼େ ଗେଲ୍‌ପାନି ଜୀସୁ କ୍ରୀସ୍ତତି କାର୍ମା ଅ଼ଡ଼େ ବୁଦିତା ପାଡାଆ଼ଦୁ । ଏ଼ୱାଣାକି ନୀଏଁ ଅ଼ଡ଼େ କା଼ଲାକା଼ଲାତାକି ଗାୱୁରମି ଆ଼ପେ । ଆ଼ମେନ୍‌ ।