୧ତିମ 5:11 - ପୁଃନି ମେ଼ରା କୁୱି ପୁଃନି ମେ଼ରା

¹¹ ସାମା ଡ଼ାଆ ରା଼ଣ୍ତେଣିସିକା ଦ଼ରୁ ରା଼ଚାଆନି, ଇଚିହିଁ ଏ଼ୱି ଆଙ୍ଗାତି ରା଼ହାଁତା ଜୂପ୍‌କା ଆ଼ହାନା କ୍ରୀସ୍ତ ତା଼ଣାଟି ଏଟ୍‌କା ଆ଼ହାନା ବୀହା ଆୟାଲି ମ଼ନ କିନୁ;

୧ତିମ 5:11 Iomraidhean Croise

୧ତିମ 4:3

ଏ଼ୱାରି ବୀହା କିନାୟି ଅ଼ଡ଼େ ଏ଼ନି ଏ଼ନି କା଼ଦି ତିନାୟି ଇଞ୍ଜିଁ ନେହେଁ ଆ଼ଏ ଇଞ୍ଜିମାନେରି । ସାମା ଆମିନି କ୍ରୀସ୍ତଇଁ ନାମିତି ଲ଼କୁ ସାତାତି ପୁଞ୍ଜାମାନେରି, ଏ଼ୱାରି ମାହାପୂରୁ ଗା଼ଡ଼ିକିତି ବାରେ କା଼ଦି ତାକି ଏ଼ୱାଣାଇଁ ଜହରା କିହାନା ଏ଼ଦି ନେହାୟି ଇଞ୍ଜିଁ ତିଞ୍ଜାଲି ଆ଼ଡିନେରି ।

୧ତିମ 5:12

ଏ଼ୱି ତାମି ତଲିତି ଆ଼ଞ୍ଜାମାଚାଣି ମା଼ନି କିହାହିଲାଆକି, ଡଣ୍ତ ଗାଟାଇ ଆ଼ନୁ,

୧ତିମ 5:14

ଈଦାଆଁତାକି ନା଼ ଅଣ୍‌ପୁ ଡ଼ାଆ ରା଼ଣ୍ତେଣିସିକା ବୀହା ଆ଼ପୁ, କକାରି ପ଼ଦାଁ ଆ଼ପୁ, ଇଲୁ କୁଟମିତି ଲେ଼ମ୍ବାପୁ, ଇଞ୍ଜାଁ ନିନ୍ଦା କିହାଲି ସାତ୍ରୁୟାଁକି ଏ଼ନି ପାରୁ ହୀଆପୁ;

୧ତିମ 5:9

ଆମିନି ରା଼ଣ୍ତେଣି ତୀନିକ଼ଡ଼ି ବାର୍ସାଟିଏ ଊଣା ଆ଼ଏ, ଅ଼ଡ଼େ ରଣ୍ତିଏ ଡକ୍ରାଇଁ ବୀହା ଆ଼ହାମାନେ, ଏ଼ୱାସିକା ଦ଼ରୁ ରା଼ଚାମୁ,

ଜାକୁବ 5:5

ମୀରୁ ଦାର୍‌ତିତି ସୁକୁ ଅ଼ଡ଼େ ରା଼ହାଁତା ନୀଡାମାଞ୍ଜେରି, ମୀରୁ ହା଼କିତି ଦିନାତାକି ଜାହାରାଇଁ ଆଙ୍ଗା କିହାମାଞ୍ଜେରି ।

୨ପିତ 2:18

ଇଚିହିଁ ଏ଼ୱାରି ଉଜେଏତି ବଡପଣଟି ଡା଼ହାରା କାତାୟାଁ ୱେହ୍‌ନେରି ଇଞ୍ଜାଁ ନା଼ଡ଼ିକିନି ମାଣ୍‌କିଗାଟି ଲ଼କୁ ତା଼ଣାଟି ଗେଲ୍‌ପି ଆ଼ହାମାନି ଲ଼କୁଣି, ତାମି ଆଙ୍ଗାତି ଜୂପ୍‌କାଟି କାମା କିହାନା ପା଼ନ୍ଦାତା ମେତ୍‌ନେରି;

ୱେ଼ ବ଼ଲୁ 18:3

ଇଚିହିଁ ବାରେ ଜା଼ତିତାରି ତାନି ଦା଼ରି କାମାଲେହେଁତି କା଼ଡ଼ୁ ଗସାମାନେରି, ଦାର୍‌ତିତି ରାଜାୟାଁ ତାନିତଲେ ଦା଼ରିକାମା କିହାମାନେରି, ଅ଼ଡ଼େ ଦାର୍‌ତିତି ବେ଼ବାରା ଗାଟାରି ତାନି ଜୂପ୍‌କାଟି ବାତ୍‌କୁ ଗାଟାରି ଆ଼ହାମାନେରି ।”

ୱେ଼ ବ଼ଲୁ 18:7

ଏ଼ଦି ଏଚେକା ତାନି ଗାୱୁରମି କିହାମାନେ ଅ଼ଡ଼େ ବଡପଣ ତଲେ ମାଞ୍ଜାମାନେ, ଏଲେକିଁ ଏ଼ଦାନାକି ଦୁକୁ କସ୍ତ ହୀଦୁ; ଏ଼ନାଆଁତାକି ଇଚିହିଁ ଏ଼ଦି ଜାହାରାଇଁ ମ଼ନତା ୱେସା କଡିମାନେ, ‘ନା଼ନୁ ରା଼ଣି ଆ଼ହାଁ କୁଗାମାଇଁ, ନା଼ନୁ ରା଼ଣ୍ତେଣିତେଏଁ ଆ଼ଏ, ନାଙ୍ଗେ ଏଚେଲାୱା ଦୁକୁ କିହାଲି ଆ଼ଏ ।’

ୱେ଼ ବ଼ଲୁ 18:9

ଦାର୍‌ତିତି ବାରେ ରାଜାୟାଁ ତାନିତଲେ ଦା଼ରିକାମା କିହାନା ରା଼ହାଁଟି ନୀଡାମାନେରି, ଏ଼ୱାରି ଏ଼ଦାନି ହୂଡିମାନି ହିଚୁ ବ଼ୟିଁ ମେହ୍‌ନେରି, ଇଞ୍ଜାଁ ଏ଼ଦାନି ତାକି ଦୁକୁ ଆ଼ହାଁ ଡ଼ୀନେରି;