୧ତେସ 4:5 - ପୁଃନି ମେ଼ରା କୁୱି ପୁଃନି ମେ଼ରା

⁵ ଇଞ୍ଜାଁ ମାହାପୂରୁଇଁ ପୁନାଆତି ଏଟ୍‌କା କୂଡ଼ାତି ଲ଼କୁ ଲେହେଁ ଆଙ୍ଗାତି ଅଣ୍‌ପୁ ତଲେ ମାନାଆନା ।

୧ତେସ 4:5 Iomraidhean Croise

ମାତି 6:32

ଇଚିହିଁ ଜୀହୁଦିଆ଼ଆତି ଲ଼କୁ ଈ ବାରେ ପାରିନେରି, ଅ଼ଡ଼େ ଈ ବାରେ ମିଙ୍ଗେ ଲ଼ଡ଼ାମାନେ ଇଞ୍ଜିଁ ମୀ ଲାକପୂରୁତି ଆ଼ବା ପୁଞ୍ଜାମାନେସି ।

Luka 12:30

ଇଚିହିଁ ଦାର୍‌ତିତି ଜୀହୁଦିଆ଼ଆତାରି ଏ଼ ବାରେ ପାରିହିଁ ରେ଼ନେରି; ସାମା ଈ ବାରେ ମୀ ଲ଼ଡ଼ାମାନେ ଏ଼ଦାଆଁ ମୀ ଲାକପୂରୁତି ଆ଼ବା ପୁଞ୍ଜାମାନେସି ।

କାମା 17:23

ଇଚିହିଁ ନା଼ନୁ ମୀ ଗା଼ଡ଼ାଟି ହାଜିମାଚେଏଁ, ଅ଼ଡ଼େ ମୀରୁ ପୂଜା କିନି ଟା଼ୟୁତା ସିନିକିତେଏଁ, ନା଼ନୁ ପୂଜା ପିଣ୍ତାତା ମେସ୍ତେଏଁ ଏମ୍ବାଆଁ ରା଼ସ୍‌କି ଆ଼ହାମାନେ, ‘ପୁନାଆତି ମାହାପୂରୁ ।’ ଆମିନିଗାଟାଣି ମୀରୁ ପୂଜା କିହିମାଞ୍ଜେରି, ଏ଼ଦାଆଁ ମୀରୁ ପୁଞ୍ଜାହିଲାଆତିହିଁ ଜିକେଏ, ଏ଼ଦେଏ ନା଼ନୁ ମିଙ୍ଗେ ୱେସିମାଞ୍ଜାଇଁ ।

ରମିୟ କୁଲମିତାକି ପା଼ୱୁଲ ରା଼ଚାମାନି ଆ଼କୁ 1:24

ଏ଼ଦାଆଁତାକି ମାହାପୂରୁ ଏ଼ୱାରି ହିୟାଁତି ଲାଗେଏତି ଜୂପ୍‌କାତାକି ଏ଼ୱାରାଇଁ ଲାଗେଏତି ତା଼ଣା ହେର୍‌ପିତେସି, ଏ଼ନିକିହିଁ ଏ଼ୱାରି ଆଙ୍ଗା ରଅସି ରଅଣି ତଲେ ଲାଜାଗାଟି କାମା କିହିମାନେରି ।

ରମିୟ କୁଲମିତାକି ପା଼ୱୁଲ ରା଼ଚାମାନି ଆ଼କୁ 1:26

ଏ଼ୱାରି ଏଲେକିତାକି ମାହାପୂରୁ ଏ଼ୱାରାଇଁ ଲାଜାଗାଟି ପା଼ପୁ କାମାତା ହେର୍‌ପିତେସି, ଇଚିହିଁ ଏ଼ୱାରି ଡକ୍ରିସିକା ଡକ୍ରାୟାଁ ତଲେ କୂଡ଼ାଲି ପିସାନା ଏ଼ୱି ତା଼ମ୍ବୁ ତା଼ମ୍ବୁଏ କିଆଗାଟି ଲାଜା କାମାୟାଁ କିତୁ

ରମିୟ କୁଲମିତାକି ପା଼ୱୁଲ ରା଼ଚାମାନି ଆ଼କୁ 1:28

ଅ଼ଡ଼େ ଏ଼ନିକିଁ ଏ଼ୱାରି ମାହାପୂରୁତି ବୁଦିତି କୂହାଲିଏ, ଏଲେକିହିଁଏ ମାହାପୂରୁ କିଆଗାଟି କାମା କିହାଲି ଏ଼ୱାରାଇଁ ଲାଗେଏତି ଅଣ୍‌ପୁତା ହେର୍‌ପିତେସି ।

1 କରିନ୍ଥୀୟ 1:21

ଇଚିହିଁ ମାହାପୂରୁତି ବୁଦି ତ଼ଞ୍ଜାଆ଼ହାମାଚି ଜିକେଏ ଦାର୍‌ତି ଜାହାରା ବୁଦିତଲେ ମାହାପୂରୁଇଁ ପୁନାଆତାକି ମା଼ମ୍ବୁ ୱେ଼କ୍‌ହାମାନି କାତା ଉଜେଏତାୟି, ଆ଼ତିଜିକେଏ ନାମୁ ଗାଟାରାଇଁ ଗେଲ୍‌ପାଲିତାକି ମାହାପୂରୁ ଅଣ୍‌ପିତେସି ।

1 କରିନ୍ଥୀୟ 15:34

ମୀରୁ ନେହିଁକିଁ ଜାଗ୍ରାତା ଆ଼ଦୁ, ପା଼ପୁ କିଆଦୁ, ଇଚିହିଁ ଆମ୍ବା ଆମ୍ବାଆରାକି ମାହାପୂରୁଇଁ ପୁନି ବୁଦି ହିଲେଏ; ନା଼ନୁ ମୀ ଲାଜା ତାକି ଈ କାତା ୱେସିମାଞ୍ଜାଇଁ ।

ଗାଲା 4:8

ସାମା ମୀରୁ ନ଼କେଏ ମାହାପୂରୁଇଁ ପୁଞ୍ଜାହିଲାଆତେରି, ଅ଼ଡ଼େ ଏମିନି ଗାଟାଇ ସାତା ମାହାପୂରୁ ଆ଼ଏ, ଏ଼ୱାଆଁତି ହ଼ଲିୟାଙ୍ଗା ମାଚେରି ।

ଏପିସି 2:12

ଏଚିବେ଼ଲା ମୀରୁ କ୍ରୀସ୍ତ ତା଼ଣାଟି ହେକ ମାଚେରି, ମୀରୁ ଏଟ୍‌କା ଦେ଼ସାତାତେରି ମାଚେରି, ଅ଼ଡ଼େ ମାହାପୂରୁତି ଆ଼ଚିତି ଇସ୍ରାୟେଲ କୂଡ଼ାତା ଆଣ୍ତାହିଲାଆତେରି, ମାହାପୂରୁ ତାନି ଲ଼କୁତାକି କିହାମାନି ରା଼ଜିମା଼ନାତା ମୀ ଏ଼ନି ବା଼ଗା ହିଲାଆତେ, ମାହାପୂରୁ ଅ଼ଡ଼େ ବା଼ର୍ସୁ ହିଲାଆ ଲ଼କୁ ଲେହେଁ ଦାର୍‌ତିତା ବାସା କିହାମାଚେରି ।

କଲସି 3:5

ଏ଼ଦାଆଁତାକି ମୀ ଦାର୍‌ତିତି ଲାଗେଏ ପ଼ଲେଏ ତା଼ଣାଟି ଇଚିହିଁ ଦା଼ରିକାମା, ସୁଦୁ ଆ଼ଆତି କାମା, ଲାଗେଏତି ଜୂପ୍‌କା, ପେ଼ଣ୍‌କା ପୂଜା କିନାୟି, ଜୂପ୍‌କା ଆ଼ନାୟି, ଈ ବାରେତାକି ହା଼ୱି କିହାଁ କଡାଦୁ;

୨ତେସ 1:8

ଆମ୍ବାଆରି ମାହାପୂରୁଇଁ ପୁଞ୍ଜାହିଲଅରି, ଅ଼ଡ଼େ ମା଼ ପ୍ରବୁ ଜୀସୁ କ୍ରୀସ୍ତତି ନେହିଁ କାବ୍ରୁ ମା଼ନୱି ଆ଼ଅରି, ଏ଼ୱାରାଇଁ ଏ଼ୱାସି ଏଚିବେ଼ଲା ଡଣ୍ତ ହୀନେସି ।

୧ପିତ 4:3

ହା଼ରେକା ଦିନା ମୀରୁ ନାମାଆଗାଟାରି ଇଚା ତଲେ କାମା କିହାଁ ମୀରୁ ଏଚେ କା଼ଲା ଲାଗେଏ ପ଼ଲେଏ କାମାତା, ଲାଗେଏତି ଜୂପ୍‌କା, କା଼ଡ଼ୁ ବୂତୁ ଆ଼ନାୟି, କା଼ଡ଼ୁ ଗସାନା ରା଼ହାଁ କିନାୟି, କା଼ଡ଼ୁ ଗସାନା ହ଼ଚିନାୟି, ଇଞ୍ଜାଁ ଅ଼ପାଆଗାଟି ପେ଼ଣ୍‌କା ବମାୟାଁଣି ପୂଜା କିହିମାଚେରି,