୧ତେସ 1:9 - ପୁଃନି ମେ଼ରା କୁୱି ପୁଃନି ମେ଼ରା

⁹ ଏ଼ନାଆଁତାକି ଇଚିହିଁ ଲ଼କୁ ତା଼ମ୍ବୁ ମା଼ କାତା ୱେସ୍‌ପି ଆ଼ନେରି, ମୀ ତା଼ଣା ମା଼ମ୍ବୁ ୱା଼ତମି ଏ଼ନାଆଁ ଆ଼ହାମାଚେ, ଅ଼ଡ଼େ ଏ଼ନିକିଁ ମୀରୁ ପେ଼ଣ୍‌କା ବମାୟାଁଣି ପିସ୍ତେରି, ଇଞ୍ଜାଁ ଜୀୱୁଗାଟି ଅ଼ଡ଼େ ସାତା ମାହାପୂରୁଇଁ ସେ଼ବା କିହାଲି,

୧ତେସ 1:9 Iomraidhean Croise

ମାତି 16:16

ସିମନ ପିତର ଏଲେଇଚେସି, “ନୀନୁ କ୍ରୀସ୍ତ, ଜୀୱୁଗାଟି ମାହାପୂରୁ ମୀର୍‌ଏଣାତି ।”

କାମା 14:15

ଏ଼ ମା଼ନିଗାଟି ଲ଼କୁତେରି, ଏ଼ନାଆଁତାକି ଈ ବାରେ କିହିମାଞ୍ଜେରି, ମା଼ମ୍ବୁ ଜିକେଏ ମୀ ଲେହେଁତି ମାଣ୍‌ସିୟାଁତମି, ମୀ ତା଼ଣା ଈ ନେହିଁ କାବ୍ରୁ ୱେସିମାଞ୍ଜାନମି, ଏ଼ନିକିଁ ମୀରୁ ଈ ବାରେ ଉଜେଏତି ପେ଼ଣ୍‌କା ବମାୟାଁଟି ହେକ ଆ଼ହାନା ଜୀୱୁଗାଟି ମାହାପୂରୁ ତା଼ଣା ୱେଣ୍ଡା ୱା଼ଦେରି, ଏ଼ୱାସି ହା଼ଗୁପା଼କା ଦାର୍‌ତି, ସାମ୍‌ଦୁରି ଅ଼ଡ଼େ ଏମ୍ବାଆଁ ମାନି ବାରେତି ରା଼ଚି କିହାମାନେସି;

ରମିୟ କୁଲମିତାକି ପା଼ୱୁଲ ରା଼ଚାମାନି ଆ଼କୁ 9:26

ଆମିନି ଟା଼ୟୁତା ଏ଼ୱାରାଇଁ ୱେସାମାଚମି, ‘ମୀରୁ ମା଼ ଲ଼କୁ ଆ଼ଏ’ ଏମ୍ବାଆଁ ଏ଼ୱାରି ଜୀୱୁଗାଟି ମାହାପୂରୁତି ମୀର୍‌କା ଇଞ୍ଜିଁ ୱେ଼ଙ୍ଗିନେରି ।”

1 କରିନ୍ଥୀୟ 12:2

ମୀରୁ ପୁଞ୍ଜାମାଞ୍ଜେରି, ଏଚିବେ଼ଲା ମୀରୁ ଜୀହୁଦିଆ଼ଆତାତେରି ମାଚେରି, ଏଚେ଼ତା ଏ଼ନିକିଁ ସା଼ଲୱି ଆ଼ହିମାଚେରି, ଏଲେକିହିଁଏ ନା଼ଡ଼ିକିୱି ଆ଼ହାନା ଜୀୱୁ ହିଲାଆଗାଟି ପେ଼ଣ୍‌କା ବମାୟାଁତି ଜେ଼ଚ ହାଜିମାଚେରି ।

୧ତେସ 2:1

ଏ଼ ତାୟିୟାଁ ଅ଼ଡ଼େ ତାଙ୍ଗିସ୍କାତେରି, ମୀରୁ ଜାହାରାଇଁ ପୁଞ୍ଜାମାଞ୍ଜେରି, ମା଼ମ୍ବୁ ମୀ ତା଼ଣା ୱା଼ହାମାନାୟି ଉଜେଏତାୟି ଆ଼ହା ହିଲେଏ;

୧ତେସ 2:13

ଅ଼ଡ଼େ ଈଦାଆଁତାକି ମା଼ମ୍ବୁ ଜିକେଏ ଜ଼ମାଆନା ମାହାପୂରୁଇଁ ଜହରା କିହିମାନମି, ଏଚିବେ଼ଲା ମୀରୁ ମା଼ମ୍ବୁ ୱେ଼କ୍‌ହାମାନି ମାହାପୂରୁତି ବ଼ଲୁ ଆବିତେରି, ଏଚିବେ଼ଲା ଏ଼ ବ଼ଲୁଇଁ ମାଣ୍‌ସିତି ବ଼ଲୁ ଲେହେଁ ଆବାଆନା ସାମା ମାହାପୂରୁତି ବ଼ଲୁଲେହେଁ ଆବାମାଚେରି, ଅ଼ଡ଼େ ସାତା ତଲେ ଏ଼ଦି ମାହାପୂରୁତି ବ଼ଲୁ, ଇଞ୍ଜାଁ ନାମିତାତେରି ମୀରୁ, ମୀ ହିୟାଁତା ଏ଼ଦି ଜିକେଏ କାମା କିହିମାନେ

୧ତିମ 4:10

ଈଦାଆଁ ତାକି ମା଼ର ମ଼ନ ହୀହାନା ୱା଼ହୁ ତଲେ ଜୀୱୁ ତୁସାନା କାମା କିହିମାନାୟି, ଏ଼ନାଆଁତାକି ଇଚିହିଁ ଆମିନି ଜୀୱୁଗାଟି ମାହାପୂରୁ ବାରେ ମାଣ୍‌ସିଇଁ ଇଚିହିଁ ନାମିନାରାଇଁ ଗେଲ୍‌ପିନାସି, ତାନି ତା଼ଣା ମା଼ ବା଼ର୍ସୁ ମାନେ ।

ଏବ୍ରି 12:22

ସାମା ମୀରୁ ସିୟନ ହ଼ରୁ ଅ଼ଡ଼େ ନୀଡାମାନି ମାହାପୂରୁତି ଗା଼ଡ଼ା, ଇଚିହିଁ ଲାକପୂରୁତି ଜିରୁସାଲମତା, ହା଼ରେକା ଦୂତୁୟାଁ ୱା଼ହାମାଚେରି ଏମ୍ବାଆଁ ୱା଼ହାମାଞ୍ଜେରି ।

ଜହନ ରା଼ଚାମାନି ର଼ ଲମ୍ବର ଆ଼କୁ 5:21

ନା଼ ଜୀୱୁତି ମୀର୍‌କା ମା଼ସ୍‌କାତେରି ପେ଼ଣ୍‌କା ବମାୟାଁ ତା଼ଣାଟି ମୀରୁ ହେକ ଆ଼ହାନା ମାଞ୍ଜୁ ।

ୱେ଼ ବ଼ଲୁ 17:2

ଦାର୍‌ତିତି ରାଜାୟାଁ ଏ଼ ଦା଼ରେଣି ତଲେ ଦା଼ରିକାମା କିହାମାନେରି, ଇଞ୍ଜାଁ ଦାର୍‌ତିତା ବାସା ଆ଼ହାମାନାରି ବାରେ ଦା଼ରି କାମାଲେହେଁତି କା଼ଡ଼ୁ ଗସାହାଁ ହ଼ଚାମାନେରି ।”