9 Ku kitondo kia kutundana mibuto zeitu, nsikutunda namusanzila: kubuno inyue benyene muigisizibue na Kalaga buno mutundane;
Nu kuebili kuli bubo, utunde munyobe anga buwitunda uwenyene.
Tondo Mukasia, wozo Muuza Wasililila, ukasinga Tatane kuizina liane, we akamuigisia bunsania, nu akamukengelezia bunsania bunamusambalide.
Nu kikanga kiabo bakatizizie babezaga na mutima umozi nu makengelo mamozi: takuabede umozi watendile buno, kinsania kieli nakio kili kiage wenyene; tondo babezaga bekubegana biabo binsania.
Ku lutundo lua mibuto zeinyu, kitanazi mponga bueinyu bueinyu, ku luanzo mutundane kutinga bumuitunda mubenyene;
Ku musagu wa kukitila basuagibua, nsili na kitondo kia kumusanzila;
Umpanga isue bansania, basililila, tube na makengelo mamozi; nu ndi muli na mango makengelo, Kalaga nti amulolesiemo:
Tondo ku musagu wa nkungu nu nkiko, mibuto zeitu, nsikutunda namusanzila.
Lilino u idagano linkalagana nabo Kutinga kua bindi bibio ubukutenda Mukota: Nabike milembe zane mu mitima zabo, Nu nazisanze mu makengelo mabo:
Mibuto zane, elamanazi kankanka.
Umpanga, mube na makengelo mamozi, kuilanazi kiombo, tundanazi anga babutua, mube na mponga nu mole:
kuitila nunse mutundane nunsania; kubuno kutundana ku kukukila misako mingi za buagi:
nu ku kuisanana kutunda mibuto zeinyu; nu ku kutundana, kiombo.
We watunda mubuto wage eikile mu kiengi, takuli kiziki kia kuikuka mueli.
Kubuno zeno umisagu zimualingile kungua kuzo, buno tutundane bueitu bueitu:
Nu lilino u ikakizio liage, buno tukatizie izina lia Muana wage Yesu Klisto, nu kutundana, anga buatukakizizie.
Nu kuko kukakizia kuatukile kueli, wozo ukutundaga Kalaga nti atunda mubuto wage.