I Batesolonike 3:3 - Nouveau Testament en Kilega

³ nu muntu ntatengetenge na mbabazio zeno; kubuno inyue benyene muizi buno tuabikilue ku bitondo bibino.

I Batesolonike 3:3 Iomraidhean Croise

Luka 21:12

Tondo gakaba bunsania tabuba, bakalinga kumukata, nu ku­musungia, nu bakamugabula ku numba za musanganano nu ku­mubika mu bikando, nu bakamubasia ku bakota banene nu bangati ku kabamba keizina liane.

Yoana 16:2

Bakamu­tikia mu numba za musanganano: nkungu zikavua, nu muntu akamuita nu akakengela buno, ekukitila Kalaga busoga.

Yoana 16:33

Nkumubula bubuno, buno mubobelele mundi, mu kisi muli na kabebe: tondo mukokomezie mitima zeinyu; muizi buno nakindile kisi.

Misako 14:22

galindizie mitima za beigisibua, babamanine beikale mu bu­katizio, nu ku nsungio ningi tuatunganana kuingila mu bukota bua Kalaga.

Misako 2:25

Kubuno Davidi atendile musagu wa Mukota bune, Namonine ku Mukota bindi binsania; Kubuno eli ku kuboko kuane kuaseidume, buno nsitengetenge:

Misako 21:11

nu atuvuilide, nu asongezie mukoma wa Paolo, eikandile wenyene ku magulu nu ku maboko, atendile bune, Muuza Wasililila abula bune, Ububo buakite baYuda mu Yelusalema nyene wono mukoma nubo ba­mugabule ku maboko ma bantu baBilongo.

Misako 21:13

Nu Paolo abuide bune, Buni bumukulila nu kuntambia mutima? Kubuno nili kayikayika ta ku kukandua tugu kankanka, tondo kukua ku Yelusalema ku kabamba keizina lia Mukota Yesu.

Misako 9:16

kubuno namulolesie mbabazio inga zakababazibua ku kabamba keizina liane.

Balomo 5:3

Aba ta bubo tugu, tondo tubogeboge mu nsungio insania; nu ku kumenya buno nsungio zikulusia nkiki;

I Bakolinto 15:58

Umpanga, mibuto zane batundua, mulinde, tamutengetenge, muitile nunse kukita mulimo wa Mukota bindi binsania, mumenye buno mulimo weinyu taguli bulia mu Mukota.

I Bakolinto 4:9

Kubuno, nkukengela, buno Kalaga atubikile tube basingua bazinda, anga bantu bakusungibua buno beitue; kubuno tuseli tulolesio ku kisi, nu ku migenzi nu ku bantu.

Baefeso 3:13

Nkumusengezia buno tamutambe ku mbabazio zinkumubabalilua, zili lutanuno lueinyu.

Bafilipo 1:28

nu tamukue beiti beinyu boba mu kitondo kinsania; kakano kabe kalolesio ka kuzimina kubeli, tondo kumuli lonio lueinyu nulo lukutukaga kua Kalaga:

Bakolosai 1:23

ndi muikala tugu mu bukatizio, lindazi nu tamute­ngetenge, tamugalukibue nu kusiga kilemanizio kia musagu musoga gumungule, wasambedue ku bantu bansania beli mu kisi; ku bubuno nne Paolo nabede mukiti wago.

I Batesolonike 5:9

Kubuno Kalaga ntatongedue, tondo tonibue mu Mukota weitu Yesu Klisto,

II Batesolonike 1:4

aba isue benyene tukuikakila mumuli mu maekelezia mansania ma Kalaga ku komanizia keinyu nu bukatizio bumuli nabo mu nsungio zeinyu nu mbabazio zimukuikalila;

II Timoteo 1:8

Umpanga ntukue nsoni ku bulongeki bua Mukota weitu, aba ntunkue nsoni nne mukandua wage; tondo babazibua ku kabamba ka musagu musoga anga bunkubabazibua mu magala ma Kalaga;

1 Petelo 2:21

Kububo, ukinsa muamaninue; kubuno Klisto nuwe ababazizibue ku kabamba keinyu, atusigide kalolesio, buno muyange mu masomoneno mage:

Kulolesibua 2:10

Ntukue boba ku bunsania buwababazibue; unguilila, wozo Liabo, u Satana abike bamozi ba kumuli mu kikando, buno mugelekue; nu mukaba na kabebe ku bindi ikumi. Ube muka­tizia aba nu ku lukuo, nunne nkakukasa nkumbu za bukota za kalamo,

Kulolesibua 2:13

Nizi gokuikalaga, uga kisumbi kia bukota bua Satana; nu ukuanza izina liane, nu ntuananine bukatizio buane, aba mu bindi bia Anitipasa, mulongeki wane, mukatizia, eitilue kueinyu, gago gekuikalaga Satana.