I Bakolinto 9:1 - Nouveau Testament en Kilega

¹ Ndi nne nsili mukandulua? Ndi nne nsili musingua? ndi nne nsiamonine ku Yesu Mukota weitu? ndi inyue tamuli mulimo wane mu Mukota?

I Bakolinto 9:1 Iomraidhean Croise

Misako 13:2

nubo gabakambide Mukota nu tabaliaga Muuza Wasililila atendile bune, Mbikilazi Balanaba nu Saolo ku mulimo wozo gunabamanine kugo.

Misako 14:14

Tondo gongule basingua Balanaba nu Paolo ku bubo, batile nsulu zabo, nu bazugide musanganano, balalukile bune,

Misako 14:4

Tondo musanganano wa mu wozo muino wibeganizie; bamozi babeide ku lulenge lua baYuda, nu bango ku lulenge lua basingua.

Misako 23:11

Mu kindi kikio Mukota avule buigi nage, amubuide bune, Paolo, kokomezia mutima, kubuno anga bubo, buwalongekile musagu wane ku Yelusalema, ubugulongeka lingo muno mu Lomo.

Misako 9:15

Tondo Mukota amubuide bune, Enda, kubuno ese musombolua wane, kuenda neizina liane ku baBilongo, nu ku bakota, nu ku bana ba Isalele:

Misako 9:17

Nu Anania endile, nu engide mu numba; nu amubikile maboko mage, nu atendile bune, Mubuto wane Saolo, Mukota Yesu, wakubaside mu nzila ansinga, buno umone lingo, nu kuiyazibua na Muuza Wasililila.

Misako 9:3

Tondo mu lu­gendo, gabezaga esayangilila kubasa ku Damaseke: kitangala besi kiengi kiatukile kuigulu nu kiamusanine:

Misako 9:5

Nu atendile bune, Uwe unazi, Mukota? nu atendile bune, Nne u Yesu ukubabazia:

Balomo 1:1

Paolo, mukobe wa Yesu Klisto, wamaninue buno abe musingua, wasombuedue kusambala musagu musoga wa Kalaga,

Balomo 1:5

kubuno mueli tuakitilue mponga nu busingua, buno baBilongo bansania babe na luanzo ku bukatizio, ku kabamba keizina liage;

Balomo 11:13

Tondo nkutenda neinyue baBilongo, kubuno nili musingua wa baBilongo, naganuna mulimo wane;

I Bakolinto 1:1

Paolo amaninue buno abe musingua wa Yesu Klisto ku kusombola kua Kalaga, nu Sosetene, mubuto weitu,

I Bakolinto 10:29

Nkutenda bubuno, ta ku bumenyinino buobe tondo bua wozo ungo; buni bunasungibua na bumenyinino bua ungo muntu?

I Bakolinto 10:30

Ndi nkulia nu kuganuna, buni bunalingua ku lilio linaganuninaga?

I Bakolinto 11:16

Tondo ndi muntu atunda kuenda miango, isue tatuli na lukita anga luluno, aba maekelezia ma Kalaga.

I Bakolinto 3:6

Nne nayikile, Apolo asandide mazi; tondo Kalaga ekukuzagia,

I Bakolinto 9:19

Kubuno nabezaga mukandulua ku bantu bansania, tondo nikitile mukiti wa bansania, buno nilute bantu beingi nunse.

II Bakolinto 10:7

Idolazi tanga bumukukita. Ndi muntu akuikengela wenyene buno eli muntu wa Klisto, nti akengele buno, bueli muntu wa Klisto, bubo ubutuli nuisue bantu ba Klisto.

II Bakolinto 11:5

Ku­buno nkukengela buno, nsidile kena ku bibeli nabio babo basingua banene.

II Bakolinto 6:1

Nuisue tukukitaga mulimo gamozi nage tukusengezia buno tamusekele mponga za Kalaga buliabulia.

Bagalatia 1:1

Paolo, musingua (ta wa bantu, aba ntasingilue na muntu, tondo na Yesu Klisto, nu Kalaga Isi wamuyukizie ku bakuzi),

Bagalatia 5:1

Umpanga mu bukandulua bubuno Klisto atukanduide: lindazi, tamuingile lingo mu kikando kia bukobe.

I Batesolonike 2:6

aba tatualondile kuganunua na bantu, aba neinyue, aba nu bango, tatuikakile buno tuli basingua ba Klisto.

I Timoteo 2:7

ku bubo nabikilue buno nibe musambazi nu musingua (nkutenda buligo, nsikueka buza), musozi wa baBilongo mu bukatizio nu bulili.

II Timoteo 1:11

ku kabamba kago nabikilue musambazi, nu musingua, nu musozi.