I Bakolinto 6:9 - Nouveau Testament en Kilega

⁹ Aba ndi tamuizi buno bateisanana tabakapiena bukota bua Kalaga? Tamuengelelue: aba bitazi, aba bakukumbaminaga nkisi, aba beiti ba meiga: aba beli bua mukikulu, aba bakukita buteli anga bumba bua bantu,

I Bakolinto 6:9 Iomraidhean Croise

Matayo 19:29

Muntu unsania wasigile numba zage, aba bato bage, aba babitu bage, aba isi, aba nina, aba bana bage, aba masoa mage, ku kabamba keizina liane, nu akatalikilua mambizi lukama, nu akapiena kalamo katanakuzinda.

Matayo 25:34

Bubo, Mukota akabula beli ku kuboko kua seidume bune, Vuazi, Inyue, basuagizibue na Tatane, mupiene bukota bubamulongekede kutukila ku kulinga kua kisi:

Luka 21:8

Nu atendile bune, Idangazi, buno muntu ntamuenge­lele: kubuno beingi bakavua muizina liane, nu kutenda buno, Nnowe, nu nkungu zise buigi; tamubayange.

Misako 20:32

Kano kaluma nkumusiga mu maboko ma Kalaga, nu mu idagi lia mponga zage, linavuama kumukuzia, nu kumukasa bupieni na basuagibua bansania.

Misako 24:25

Nu Paolo gatendaga musagu wa kuisanana nu wa kuisungula, nu wa lusungio lukavua, Feliki akule boba, nu amuakuide bune, Enda kano kaluma; kuingo nkungu nakumane kuane.

Balomo 1:18

Kubuno Kalaga wa muigulu akongelua babo bansania be­kumusomba nu babo tabakukita buisanana, babo bekubigia bulili na bubi buabo;

I Bakolinto 15:33

Tamuiyengelele: mugomio mubi uku­bigia misako misoga.

I Bakolinto 15:50

Tondo bubuno bunkutenda, mibuto zane, buno mibili za bumba nu mikila tazinapiena bukota bua Kalaga; aba lukuo talunapiena kalamo.

I Bakolinto 3:16

Tamuizi buno inyue muli numba za Kalaga, nu Muuza wa Kalaga ekuikala mu muli?

I Bakolinto 5:1

Kukutendua nunse buno kuli bumania kumuli, nu bumania bubuno bua lukita luteli ku baBilongo, buno muntu alimbie mukazi weisi.

I Bakolinto 5:10

nsikutenda buno tamugomanie nunse na bamania ba kisi kikino, aba na bekutonia, aba na banyagi, aba na bakumbamizi ba nkisi; kubuno bubo bunamutunganana kutuka mu kisi kikino:

I Bakolinto 5:11

tondo kano kaluma, namusanzila tamugomanie na muntu ukumanua mubuto ndi eli mumania, aba ekutonia, aba mukumbamizi wa nkisi, aba mulingani, aba munuzi wa maku, aba munyagi; muntu wa lukita luluno tamuzige kulia nage.

I Bakolinto 6:10

aba beibi, aba bekutonia, aba banuzi ba maku, aba balingani, aba bakukangaga, tabakapiena bukota bua Kalaga.

I Bakolinto 6:18

Tinazi butazi. Ingo mibi insania zikukitaga muntu tazikubigia mubili wage: tondo we ukukitaga butazi ekubigia mubili wage we wenyene.

I Bakolinto 6:19

Aba ndi tamuizi buno mibili zeinyu zili numba za Muuza Wasililila uli munda mueinyu umuakasilue na Kalaga? nu tazili zeinyu;

I Bakolinto 9:24

Ta­mukumenya buno bakuenda kantangoa bakuenda lubilo bansania, tondo ukukasua lukalilo lusoga eli umozi? Ububo endazi Iubilo lukita luluno buno mukasue.

II Bakolinto 12:21

nunne ganavue lingo Kalaga wane anavua kumbotia munkatini mueinyu, nu nkalilila beingi babezaga bagi ba wakalazi, nu tabeiyanizie ku nsese, nu butazi, nu ntundo mbi zibakitile.

Bagalatia 6:7

Tamuengelelue; Kalaga ntelilikue; kubuno kiku­yika muntu, ukikio kiakatubula.

Bakolosai 3:5

Umpanga musige misako zeinyu mibi zili mu kisi: butazi, nu nsese, nu makengelo mabi, nu lutundo lubi, nu kutonia, ukuku­mbamina nkisi;

Baebelo 12:14

Bobelelazi ku bantu bansania, nu ndi tamuasuagibua nti tamu­kamona ku Mukota:

Baebelo 12:16

takube kitazi, aba utakuanza Kalaga, anga Esau, buakunzizie bupieni bua bukulu buage kuidia ikeke.

Baebelo 13:4

Isonga lianzue na bantu bansania, nu mugu usuage: kubuno bitazi nu beiti ba meiga Kalaga akabasungia.

Yakobo 1:16

Tamu­engelelue, mibuto zane batundua.

1 Yoana 3:7

Bana bane bakeke, muntu ntamuengelele; ukukitaga buisanana eli wisanana, anga buisanana:

Kulolesibua 21:8

Tondo beli na boba, nu batakatizia, nu beli na misako mibi, nu beiti, nu bitazi, nu baganga, nu baku­mbamizi ba nkisi; nu boza bansania, kibombo kiabo kikeisua mu kiziba kia keiya kikuguluminaga na kibiliti; luluno u lukuo lua mabili.

Kulolesibua 22:15

Nu kumbuga kuago kuli mboa, nu baganga, nu bitazi, nu beitani, nu bakumbamizi ba nkisi; nu muntu unsania ukuela­maga kueka buza.