I Bakolinto 4:5 - Nouveau Testament en Kilega

⁵ Umpanga tamusese mulondo wampa mu nkungu zago, aba nu gavue Mukota, ukalolesia bitondo binsania ku kiengi bibio biakita­gua mu kapilo, nu kubisula nango za mitima; nu ku nkungu zezo na muntu na muntu akakasua ku Kalaga luganuno luamutananina.

I Bakolinto 4:5 Iomraidhean Croise

Matayo 10:26

Umpanga tamubakue boba; kubuno takuli kiabisilue, kitakabisulua; nu takuli kiakukidue, kitakokulua.

Matayo 24:30

nu kakengelezio ka Muana wa muntu kakamoneka muigulu: nu babi­longo bansania ba kisi bakalila, nu bakamona ku Muana wa muntu ekuvua mu bimpa bigulu mu magala mage nu lutanuno luage lunene.

Matayo 24:46

Mbogimbogi ku wozo mukambi, mu kusubania kua mukota wage akamusanga ekukita bubo.

Matayo 25:21

Mukota wage amubuide bune, Wakita busoga, uwe mukambi musoga nu mukatizia: wakatizizie ku bitebingi, nkakubika muangati wa bingi; ingila mu mbogimbogi za mukota wobe.

Matayo 25:23

Mukota wage amubuide bune, Wakita busoga, uwe mukambi muso­ga nu mukatizia, wakatizizie ku bitebingi, nkakubika muangati wa bingi, ingila mu mbogimbogi za mukota wobe.

Luka 6:37

Tamusungie; buno munavua kusungibua; tamu­kande, buno munavua kukandua: sigililazi, nuinyue muasigililue:

Yoana 21:22

Yesu amubuide bune, Ndi natunda wono alame aba gankavua, nti uli nabo buni? tondo nyange tugu.

Yoana 21:23

Nu bubo buakukile ku beigisibua bansania buno wozo muigisibua ntakakua: tondo Yesu ntamubuide buno, ntakakua; tondo amubuide tugu buno ndi natunda wono alame aba gankavua, nti uli nabo buni?

Yoana 5:44

Buni bumunakatizia, inyue bakukasana lutanuno bueinyu bueinyu, nu lutanuno lulo luatukile kua Kalaga wenyene tamukululonda?

Balomo 14:4

Uwe unazi ukusungia mukitl wa ungo muntu? Kubuno alinda aba atamba ku mukota wage wenyene. Nu nti alindibue; kubuno Mukota anamulindia.

Balomo 2:1

Ububo ntukuvuama kuibingia, uwe muntu, aba ndi uli nazi ukusungia: kubuno mu kusungia ungo, ukuisungia uwenyene; kubuno uwe ukukita nage bumozi.

Balomo 2:16

mu busi bubo Kalaga gakasungia misako za bantu zibakubisaga, anga ku musagu musoga wane, mu Yesu Klisto.

Balomo 2:29

tondo wozo uli muYuda eli muYuda munda; nu kuko kuli kumonesibua kuli mu mutima wa muntu, ta muisanzo; nu luganuno luage talukutuka ku bantu, tondo ku Kalaga.

Balomo 2:7

ku babo beli na komanizia ku kukita busoga, bekulonda lutanuno nu luanzo nu kutabiga, bakakasua kalamo katanakuzinda:

I Bakolinto 1:7

ububo tamuidile lukaso luampa; mukulindila kuvua kua Mukota weitu Yesu Klisto;

I Bakolinto 11:16

Tondo ndi muntu atunda kuenda miango, isue tatuli na lukita anga luluno, aba maekelezia ma Kalaga.

I Bakolinto 11:26

Kubuno gamukaliaga kampampa kakano, nu kunua kituma kikino, mukulolesia lukuo lua Mukota aba ga­kavua.

I Bakolinto 15:23

Tondo na muntu na muntu ku kiziki kiage; Klisto eli mutangi; kumbusa kuage babo beli ba Klisto, ku kuvua kuage.

I Bakolinto 3:13

mulimo wa muntu na muntu uka­monekako: kubuno busi bubo bukagulolesia, kubuno ukabisulua na keiya; nu kako keiya kakalindika mulimo wa muntu na muntu ndi walukita lukizi.

I Bakolinto 3:14

Ndi mulimo wa muntu wobakile gakio wikala nti akakasua lukalilo lusoga.

I Bakolinto 3:8

U­mpanga we ukuyika nuwe ukusandila mazi beli umozi; tondo muntu na muntu akakasua lukalilo luage wenyene lugezie na mulimo wage wenyene.

II Bakolinto 10:18

Kubuno ta wozo muntu ukukakua ukuikaka wenyene, tondo wozo ukukakua na Mukota.

II Bakolinto 10:9

ninavua kumuitia na boba ku mikanda zane.

II Bakolinto 4:2

tondo tuasombile bitondo bia nsoni biabisilue, aba tatuende mu bumanua, aba kusambika idagi lia Kalaga na buengelezi; tondo ku kulolesia kua bulili nu kulumbibua na bantu bansania buno tuli bakiti ba Kalaga.

II Bakolinto 5:10

Kubuno isue bansania tuatunganana kuimana ku kisumbi kia lusungio lua Klisto; buno na muntu na muntu akasue lukalilo luage anga buabezaga ekukita, ndi busoga aba ndi bubi.

I Batesolonike 5:2

Kubuno inyue benyene muizi buno, busi bua Mukota buavue anga bukuvuaga muibi mu kindi.

Baebelo 4:13

Aba takuli kibumbua kiatakumonako: tondo wozo utukukitila ekumona ku binsania.

Yakobo 4:11

Mibuto zane, tamukandisanie. Wozo wakandisia mubuto wage, aba ekusungia mubuto wage, akandisia mulembe, nu asungia mulembe, uwe ntuli mukiti wa mulembe, tondo uli ngatu.

Yakobo 5:7

Kububo mibuto zane, mube na nkiki, aba nu ku kuvua kua Mukota. Unguililazi, mulimi ekulindila biyikanua biayikile, ekubi­lindila aba nu galoke mbula ntangi nu nzinda.

Yakobo 5:9

Mibuto zane, tamugambane, munavua kusungibua: unguililazi, ngatu zimine ku nibi.

1 Petelo 1:7

buno idindiko lia bukatizio bueinyu, lili na bukunza bubibu kutinga olo zikuziminaga aba ndi zalindikua na keiya, limonekeko ku luganuno nu lutanuno nu luanzo, gakamoneka Yesu Klisto:

1 Petelo 5:4

Nu gakamoneka Mulangi munene, mukakasua nkumbu za bukota za lutanuno zitanakubiga.

2 Petelo 3:12

mukulindila nu mukutunda nunse buno busi bubo bua Kalaga buavue, kubuno meigulu maka­nyenguka na keiya kanene, nu binsania bikanyenguka nu kugia?

2 Petelo 3:4

nu bakatenda buno, Kuni kuli idagano lilio lia kuvua kuage? kubuno, kutukila kukua kua batateisue binsania bili anga bubiakitilue.

Yuda 1:14

Nu ku babo Enoke, muntu wa mutuba kamo kutu­kila ku Adama, alenganizie bune, Unguililazi, Mukota avule na mi­genzi zage zasuagibua tununu na tununu,

Kulolesibua 1:7

Unguililazi, we akavua na bimpa; nu liso na liso lika­mumonako, nu babo bamusumitile; nu baBilongo bansania bia kisi bakamulilila. Bubo. Amena.

Kulolesibua 20:12

Nu namonine ku bakuzi, banene nu bakeke; bemana lisa na kisumbi kia bukota; nu mikanda zakanduidue; nu ungo mukanda wakanduidue, uli wa kalamo: nu basungizie bakuzi ku bitondo biabezaga biasanzua mu mikanda, anga buabezaga misako zabo.