I Bakolinto 2:12 - Nouveau Testament en Kilega

¹² Tondo isue tatua­kasilue muuza wa nkiko zeno, tondo Muuza wozo ukutukaga ku Kalaga; buno tumenye bitondo bituakasilue buliabulia na Kalaga.

I Bakolinto 2:12 Iomraidhean Croise

Balomo 8:1

Kano kaluma takuli lusungio lingo ku babo beli mu Klisto Yesu.

Balomo 8:32

We utakutizie Muana wage wenyene, tondo amukaseine ku kabamba keitu, isue bansania, buni buanida kutukasa binsania bulia mueli?

I Bakolinto 1:27

Tondo Kalaga, asombuede bikongolo bia kisi kuitia beli na menge na nsoni; nu Kalaga aso­mbuede biatamba bia kisi, kuitia bili na magala na nsoni;

I Bakolinto 2:6

Tukutendaga na menge ku babo bese bakula mu Klisto: numo ta menge ma nkiko zeno, aba ma bangati ba nkiko zeno, nu bekuke­ngagibua:

I Bakolinto 3:22

ndi bia Paolo, aba bia Apolo, aba bia Kefa, aba bia kisi, aba bia kalamo, aba bia lukuo, aba bia kano kaluma, aba bikaba; binsania bili bienyu;

II Bakolinto 4:4

mubo kalaga ka kisi kikino kazibile bumenyinino bua babo batakatizia, bubatanamona kiengi kia musagu musoga wa lutanuno lua Klisto, uli kisusania kia Kalaga, buno takisane kubeli.

Baefeso 2:2

uzezo zimuakitaga wakalazi ku kuyanga lukita lua kisi kikino, nu kuyanga mukota wa magala ma mpelela, muuza wozo ukukita mulimo kano kaluma mu babo bekunana;

Yakobo 4:5

Aba ndi mukukengela buno masanzo makutenda bulia? Wozo Muuza wa lugi ukuikalaga mumuli.

1 Yoana 2:20

Nuinyue muabongezibue muambo na Wozo Wasililila, nu muizi binsania.

1 Yoana 2:27

Nuinyue, muambo wozo umuabongezibue nage uli mumuli, aba tamukuiyanina muntu amuigisie; tondo anga muambo wage wabegisia misagu za binsania, nu buli bulili, aba nu tabuza, nu anga buwamuigisizie buno muikale mueli.

Kulolesibua 12:9

Nu nzoka nnene za kisimana zalekedue gansi, zezo nzoka za wakalazi, zikumanagua buno, Liabo u Satana, muengelezi wa kisi kinsania; zalekedue ku kisi, nu migenzi zage.

Kulolesibua 22:6

Nuwe atendile bune, Malagi mamano meli makukatizibua nu ma bulili; nu Mukota, Kalaga wa mitima za balengania, asingile mugenzi wage buno alolesie bakobe bage bitondo biasasie kuba.