I Bakolinto 2:1 - Nouveau Testament en Kilega

¹ Nunne, mibuto zane, ganavule kumuli nsiavule na moki makumutananizia aba ma menge, kumusambalila bulongeki bua Kalaga.

I Bakolinto 2:1 Iomraidhean Croise

Misako 20:21

nalo­ngekelaga baYuda nu baGeleka kuiyania ku Kalaga, nu kuba na bukatizio ku Mukota weitu Yesu Klisto.

Misako 22:18

nu namumonineko nu antendile bune, Sasia, tuka ku Yelusalema; kubuno tabakatizie bulongeki buobe bua musagu wane.

Balomo 16:18

Kubuno babo beli bubuno tabakukitilaga Mukota weitu Yesu Klisto, tondo ntundo zabo bebenyene; nu ku kutenda kusoga nu ku kusambala kusoga bekuengelelaga mitima za bantu betegisibua.

Balomo 16:25

Kano kaluma ku wozo uli na magala ma kumulindia ku musagu musoga wane nu kusambala kua Yesu Klisto, ku kubisula kakungu kabisilue kutukila wakalazi,

I Bakolinto 1:17

Kubuno Klisto ntansingile kubatizia, tondo kusambala musagu musoga; aba ta ku menge ma moki, buno muti wa magu wa Klisto unavua kukegibua.

I Bakolinto 1:6

anga bulongeki bua Klisto buakokomezizibue kumuli:

I Bakolinto 2:13

Nubio ubitukutendaga, ta ku moki matuigisizibue na menge ma bantu, tondo matuigisizibue na Muuza: ku kumenyinina bitondo bia Muuza na moki ma Muuza.

I Bakolinto 2:4

Nu kutenda kuane nu kusambala kuane takuabezaga ku moki ma kuluta kua menge ma bantu, tondo ku tulolesio tua magala ma Muuza Wasililila:

I Bakolinto 2:7

tondo tukutenda menge ma Kalaga mu kakungu mamo mabisilue, mabikile Kalaga nkungu zabezaga kisi takibu­mbua ku lutanuno lueitu:

II Bakolinto 10:10

Kubuno, bekutenda bune, Mikanda zage zili na buisulilua buingi nu akongagoa muzo; tondo ndi eli kuno kueitu nti abota nu nti ekutetuma.

II Bakolinto 11:6

Tondo ndi nsizi kutenda, luluno ta lukita luane nu menge; tondo mu bitondo binsania tuamuloleseziebio.

II Batesolonike 1:10

gakavua kuganunua mu basuagi­bua bage, nu kuba iganogano mu bansania bakatizizie (kubuno bulongeki bueitu buakatizizibue kumuli) mu busi bubo.

I Timoteo 1:11

anga buli mu musagu musoga wa lutanuno lua Kalaga wa mbogimbogi, unasambalidue.

II Timoteo 1:8

Umpanga ntukue nsoni ku bulongeki bua Mukota weitu, aba ntunkue nsoni nne mukandua wage; tondo babazibua ku kabamba ka musagu musoga anga bunkubabazibua mu magala ma Kalaga;

1 Yoana 4:14

Nuisue tuamonine nu tukulongeka buno Isi asingile Muana wage buno abe Monia wa kisi.

Kulolesibua 1:2

we alongekede idagi lia Kalaga, nu bulongeki bua Yesu Klisto, nu bitondo binsania bia­monineko.

Kulolesibua 1:9

Nne Yoana, mubuto weinyu nu muneinyu mu nsungio nu mu bukota nu mu nkiki zili mu Yesu, nabezaga ga kisanga kiamanagua Patemo, ku kabamba keidagi lia Kalaga nu ku bulongeki bua Yesu.

Kulolesibua 19:10

Nu naguide ku magulu mage buno nimukumbamine. Nu ambuide bune, Unguilila, ntunakita bubo: nne nili munyobe na mulimo nu wa mibuto zobe zili na bulongeki bua Yesu: kumbamina Kalaga: kubuno bulongeki bua Yesu buli mutima wa bulengania.