I Bakolinto 13:2 - Nouveau Testament en Kilega

² Nu ndi nili na lukaso lua bulengania, nu kumenyinina tukungu tunsania nu bumenyinino bunsania; nu ndi nili na bukatizio bunsania, aba kuigia miduko, nu ndi nsili na lutundo, nti nili buliabulia.

I Bakolinto 13:2 Iomraidhean Croise

Matayo 13:11

Yesu abakuide bune, Inyue umuakasilue menge ma kumenya tukungu tua bukota bua meigulu, tondo babo tabamakasilue.

Matayo 17:20

Nu ababuide bune, Ku kabamba ka busosu bueinyu mu bukatizio: lebelebe, nkumubula, bune, Songo muli na bukatizio anga mbuto za bunyonyo, munabula muiduko bune, Tuka kuko, nu utingile kukuno, nu ukatinga; takuli kitakamukulunganina.

Matayo 21:19

Nu amonine ku muti wa figi mu ntungo mua nzila, awendede, nu ntamonine kampa kugo, tugu nsamba; nu abuide muti bune, Ntuka­kolama biguma lingo tanga kutukila kano kaluma aba nu ku nkiko zitanakuzinda. Nu kazango kongo wozo muti womine.

Matayo 21:21

N u Yesu abakuide bune, Lebelebe nkumubula bune, Ndi muaba na bukatizio buteli na kangonongono, mukakita tabubuno buakitua wono muti wa figi tugu; tondo mukabula muiduko bune, Tutumuka, nu wiyise mu kitatenge, nu nti buaba.

Misako 13:1

Mu ekelezia lia Antiokia muabezaga balengania nu basozi u babano, Balanaba, nu Simiona wamanagua Nige, nu Lukio mu Kulene, nu Manaene muida wa mukota Helode, nu Saolo,

Balomo 11:25

Kubuno nsikutunda mibuto zane, muiba kakungu kakano, buno munavua kuikotia mu menge meinyu mubenyene, buno ba Isalele babede biuku mu mitima aba mu nkungu za kusililila kua kusombolua kua baBilongo;

Balomo 15:14

Nunne nenyene, mibuto zane, nkumenya ku musagu weinyu, buno nuinyue muizile na busoga, muiyazibua na menge mansania, nu mukuvuama kuanana.

Balomo 16:25

Kano kaluma ku wozo uli na magala ma kumulindia ku musagu musoga wane nu kusambala kua Yesu Klisto, ku kubisula kakungu kabisilue kutukila wakalazi,

I Bakolinto 11:4

Na wamulume na wamulume ukusega aba kulengania, ndi ekukila itoe, nti abenga muangati wage.

I Bakolinto 12:28

Nu Kalaga abikile bamozi mu ekelezia, mutangi basi­ngua, wa babili balengania, wa basatu basozi, nu magala ma kuga­niagania, nu nkaso za konia basambi, nu bakasia, nu buangato, nu nkita za mitendezi.

I Bakolinto 13:1

Ndi nkutenda ku mitendezi za bantu nu za migenzi, tondo ndi nsili na lutundo, nti nili anga nsubi zikuzumana aba kindanda kikugombua.

I Bakolinto 13:3

Nu ndi nabeganizia bazambi bikulo biane binsania, nu ndi nikasana buno nigisibue, tondo ndi nsili na lutundo, tabunantalikila kena.

I Bakolinto 13:8

Lutundo talukukokoka nunse: tondo ndi buli bulengania, nti bukatikibua; ndi zili mitendezi, nti zikasila; ndi buli bumenyinino, nti bukatikibua.

I Bakolinto 14:29

Nu balengania batende babili aba basatu, nu bango nti bamenyinina.

I Bakolinto 14:39

Ku bubuno, mibuto zane, mube na lutundo nunse ku kule­ngania, nu tamuzugile kutenda ku mitendezi.

I Bakolinto 14:4

We ukutenda ku mutendezi ekuidindia; tondo we ukulengania ekulindia ekelezia.

I Bakolinto 15:51

Unguililazi, nkumulolesia kakungu: Ta­tukakua isue bansania, tondo isue bansania tukagalukibua,

I Bakolinto 16:22

Ndi muntu unsania ntelama Mukota, asuililue. Mukota weitu, uvue.

I Bakolinto 4:1

Muntu atulole, buno tuli bakiti ba Klisto, nu balangi ba tukungu tua Kalaga.

I Bakolinto 7:19

Kumonesibua ta kena, nu kutamonesibua ta kena; tondo kukatizia makakizio ma Kalaga.

I Bakolinto 8:4

Ku musagu wa kulia idia liabikua kayulo ku nkisi, tuizi buno nkisi ta kena mu kisi, nu buno takuli Kalaga tondo umozi tugu.

II Bakolinto 12:11

Nabede kikongolo: inyue muansindikile; kubuno buantu­nganene niganunue neinyue: kubuno nsidile kena kukeli na basi­ngua babo banene.

Bagalatia 5:16

Tondo nkutenda bune, Endazi mu Muuza, nu tamukazi­ndilizia lutundo lua bumba bua buagi.

Bagalatia 5:22

Tondo kiguma kia Muuza kili lutundo, mbogimbogi, bubobelelo, nkiki, mponga, busoga, buka­tizio,

Bagalatia 6:3

Kubuno ndi muntu ekuikutia, nu ntekukutibua, nti ekuidundula.

Baefeso 3:4

kumamo mamu­kusoma muamenyinine bumenyinino buane mu kakungu ka Klisto;

Baefeso 6:19

nsegelazi nunne, buno ntende na luatu, nu nisambale kakungu ka musagu musoga,

Bakolosai 1:26

nu kakungu kakano kabezaga kabisua wakalazi ku nkiko insania nu ku bibuti binsania tondo kano kaluma kabisulua ku basuagibua bage,

I Timoteo 3:16

Geteli miango, kakungu kanene kakuanza Kalaga; We wamonekile mu mubili, Abingizibue mu Muuza, Amonekile na migenzi, Asambedue ku baBilongo, Akatizizibue mu kisi, Ekilue muigulu mu lutanuno.

1 Yoana 4:8

We utakutundaga nti nteizi Kalaga; kubuno Kalaga eli lutundo.