II Bakolinto 7:7 - Nouveau Testament en Kilega

⁷ nu takuvua kuage tugu, tondo ku kubobelezia kuko kumuabobelezizibue, atusambalide musagu wa lutundo lueinyu, nu kabebe keinyu, nu bumuiyaninaga nne, ububo, nku­bogaboga nunse.

II Bakolinto 7:7 Iomraidhean Croise

Matayo 26:75

Nu Petelo akengeide idagi liamubulaga Yesu bune, Gabe mulume wa nkoko ntebika, wantune mambizi masatu. Nu atukile, nu alilile nunse.

Matayo 5:4

Mbogimbogi ku babo beli na kabebe: kubuno bakabobelezibua.

Luka 22:44

Nuwe ababazizibue nu asegile nunse bubibu; nu kilungu kiage kiabezaga kise kiasusanania anga matogi ma mikila makolokaga gansi.

Misako 11:23

nugue, gabasile, nu kumona ku mponga za Kalaga, abogilebogile; nu anine bansania buno, bagomie na Mukota na mutima umozi;

Balomo 1:12

buno, tulindaniazi muntu na muntu ku buka­tizio bua munyage, bueinyu nu buane.

I Bakolinto 5:2

Nuinyue mukuikotia, aba tamukuikongoboteka buno, atikibue kumuli wozo wakitile kitondo kikino.

II Bakolinto 1:14

bubo bubo anga bumuatumenyinina, buno isue tukuikaka kumuli, anga bumukuikaka kutuli, mu busi bubo bua Mukota Yesu.

II Bakolinto 1:4

ukutubobelezagia mu tubebe tueitu tunsania, buno tubobelezie babo beli na tubebe tua nkita insania, ku kubobelezia kutukubobelezibua na Kalaga.

II Bakolinto 2:9

Kubuno nasanzile bubuno, buno nimenyinine ndi inyue muanza mu bitondo binsania.

II Bakolinto 5:2

Kubuno isue mu zeno tukutonga, tukutunda nunse kuigibua na numba zeitu zikatuka kuigulu:

II Bakolinto 7:6

Tondo Kalaga ukubobelezagia beli na kabebe, atubobelezizie ku kuvua kua Tito;

II Bakolinto 7:8

Kubuno ndi namongedue mu mukanda wane, tondo nsikuibezia: kilo ninibezizie (kubuno nkumona anga bumo­ngilue ku mukanda wozo, tondo ku nkungu nkeke tugu),

II Bakolinto 8:16

Tondo Kalaga asimue, wabikile lutundo mu mutima wa Tito lua kumenya bitondo bieinyu.

Bafilipo 1:20

anga bunalindide nunse nu kulemanina, buno nsibe na nsoni nunse, tondo na bupuka Klisto aganunue mundi, ndi nkulama, aba ganakua.

Bakolosai 2:5

Kungua nsili neinyu, tondo nti nili neinyu mu bumenyinino bua muuza, nkubo­gaboga kubuno mukukita busoga nu mualinda mu bukatizio bueinyu mu Klisto.

I Batesolonike 3:6

Tondo gatukile Timoteo kueinyu, atuvuilide na musagu musoga wa bukatizio bueinyu nu lutundo lueinyu, nu buno mukutukengelaga bindi binsania, muku­tunda nunse kutumonako, anga butukutunda nuisue kumumonako;

I Batesolonike 3:8

kano kaluma tuli na kalamo, ndi muimana na magala mu Mukota.

Baebelo 2:1

Ku bubuno tuitile nunse bitondo bitungule kubio, tunavua kutingua nabio.

Yakobo 5:17

Eliya abezaga muntu anga isue, nu asegile na komanizia buno mbula taziloke; nu mbula tazalokile mu kisi miaka isatu nu miezi mutuba.

2 Yoana 1:4

Nabogilebogile kubuno namonine ku bana bobe bamozi bendaga mu bulili, anga bubo butuakakizizibue na Tateisue.

Yuda 1:3

Batundua bane, nabezaga nunse na komanizia nunse kumu­sanzila musagu wa lonio lueitu isue bansania, buansuagide buno nimusanzile nu kumuana buno muakananie mu bukatizio buakasilue basuagibua limbizi limozi tugu.