II Bakolinto 7:4 - Nouveau Testament en Kilega

⁴ Nkumulemanina nunse, nkuikakila mu muli: nkubobelezibua nunse; nkubogaboga mu tubebe tueitu tunsania.

II Bakolinto 7:4 Iomraidhean Croise

Misako 5:41

Batukile ku ngatu na mbogimbogi kubuno bamonekile anga bata­nanina kusungibua ku kabamba keizina lilio.

Balomo 5:3

Aba ta bubo tugu, tondo tubogeboge mu nsungio insania; nu ku kumenya buno nsungio zikulusia nkiki;

I Bakolinto 1:4

Nkusimaga Kalaga wane bindi binsania ku kabamba keinyu, ku kitondo kia mponga za Kalaga zimuakitilue mu Yesu Klisto;

II Bakolinto 1:14

bubo bubo anga bumuatumenyinina, buno isue tukuikaka kumuli, anga bumukuikaka kutuli, mu busi bubo bua Mukota Yesu.

II Bakolinto 1:4

ukutubobelezagia mu tubebe tueitu tunsania, buno tubobelezie babo beli na tubebe tua nkita insania, ku kubobelezia kutukubobelezibua na Kalaga.

II Bakolinto 10:8

Kubuno ndi nkuikaka tugu ku buangato (butuakasilue na Mukota buno tumulindie ta kumugusia), nti nsikue nsoni:

II Bakolinto 11:21

Nili na nsoni kutenda bubo, anga buno isue tuabezaga tuatamba, Tondo ndi muntu ekuikaka ku kitondo kinsania (nkutenda anga kikongolo), nunne nkuikaka.

II Bakolinto 2:14

Tondo Kalaga aganunue, ukutusondelezagia bindi binsania ku kukinda mu Klisto, nu tukugaga nsunu zakumumenya ku kiziki na kiziki kituli mukio.

II Bakolinto 3:12

Umpanga ku kuba tuli na kilemanizio kia lukita luluno, tukutenda buligo nunse,

II Bakolinto 7:14

Kubuno ndi nikakile kueli ku kabamba keinyu, tondo nsiakule na nsoni; tondo anga butuamubulaga bitondo binsania bia bulili, bubo ububo kuikaka kueitu ku Tito kuabe bulili.

II Bakolinto 8:24

Umpanga lolesiazi babano ku maekelezia kakengelezio ka lutundo lueinyu, nu bubuno ubutukuika kumuli.

Bafilipo 1:14

Nu mibuto zane mingi zise na kilemanizio mu Mukota, kubuno nakandua, bese balangia kusambala idagi lia Kalaga.

Bafilipo 1:20

anga bunalindide nunse nu kulemanina, buno nsibe na nsoni nunse, tondo na bupuka Klisto aganunue mundi, ndi nkulama, aba ganakua.

Bafilipo 1:26

buno muikake nunse mu Klisto Yesu; ku kabamba kane gana­base kumuli lingo.

Bafilipo 2:17

Tondo ndi nkuikasana buno nibe kisansa ku bukatizio bueinyu, nti nkubogaboga nunse, nkubogaboga neinyuebansania:

Bakolosai 1:24

Kano kaluma nkubogaboga ku kubabalua kunkumubabalilua, nu nazindilizizie kuko kubabalua kuababedue Klisto ku kabamba ka mubili wage, uli ekelezia;

I Batesolonike 2:19

Kubuno kilemanizio kietu, aba mbogimbogi zeitu, aba nkumbu za bukota nu za kuikaka zili kikizi? ndi teinyue ku Mukota weitu Yesu Klisto mu nkungu zakuvua kuage?

I Batesolonike 2:2

tondo gatualingile kuba­bazibua, nu kubengua ku Filipo, anga bumuizi, tuabezaga na magala mu Kalaga weitu kumusambalila musagu musoga wa Kalaga mu lubanza lunene.

II Batesolonike 1:4

aba isue benyene tukuikakila mumuli mu maekelezia mansania ma Kalaga ku komanizia keinyu nu bukatizio bumuli nabo mu nsungio zeinyu nu mbabazio zimukuikalila;

Filemona 1:7

Kubuno nabezaga na mbogimbogi nnene nu kubobelezibua mu lutundo lobe, kubuno, mubuto weitu, wabogeziebogezie basuagibua.

Yakobo 1:2

Mibuto zane, mubogeboge nunse, gamukulindikua na malindiko ma lukita na lukita;