II Bakolinto 7:1 - Nouveau Testament en Kilega

¹ Umpanga batundua bane, kukuba tuli na malagano mamano, tulekelazi kukita bitondo binsania bia nsese bia mubili nu bia mutima, tusililizie mu kukua Kalaga boba.

II Bakolinto 7:1 Iomraidhean Croise

Matayo 12:33

Mukubula buno muti uli musoga, nu biguma biago bisoga, aba mukubula buno muti uli mubi nu biguma biago bibi; kubuno muti ukumenyua ku biguma biago.

Matayo 5:48

Umpanga mube basililila, anga buasililila Soinyue uli muigulu.

Matayo 5:8

Mbogimbogi ku babo beli na mutima wasuaga; kubuno babo bakamona ku Kalaga.

Misako 9:31

Umpanga ekelezia liabobelede ku Yudaya unsania, nu ku Galela nu ku Samalia, balindizibue; nu beitide, nu batabangile nu kuanza Mukota, nu mu kubobelezia kua Muuza Wasililila.

Balomo 5:20

Tondo mulembe wabeide buno buagi bubo buitile: tondo buagi gabuitide, mponga zeitide ningi nunse;

I Bakolinto 6:20

kubuno muakunzilue ku bukunza bunene; ububo ganunazi Kalaga mu mibili zeinyu.

II Bakolinto 1:20

Kubuno malagano mansania ma Kalaga meli mueli, ububo, nu mueli lili Amena, buno tuganuzie Kalaga.

Baefeso 2:3

nu isue bansania tuikalaga gano wakalazi mu ntundo za bumba bueitu bua buagi, gatuazindilizagia ntundo za bumba bueitu bua buagi nu za makengelo meitu, nu ku bumba bueitu tunazugidue anga bango.

I Batesolonike 3:13

bubo alindie mitima zeinyu geteli mabingo mukusililila ku Kalaga Tateisue, mu nkungu za kuvua kua Mukota weitu Yesu Klisto na basuagibua bage bansania.

I Batesolonike 4:7

Kubuno Kalaga nta­tumanine ku nsese, tondo kuba basuagibua.

I Batesolonike 5:23

Nu Kalaga wa bubobelelo wenyene amusuagie nunse; nu muuza weinyu unsania, nu uwe uwenyene, nu mibili zeinyu insania zilangue, geteli mabingo aba nu kuvua kua Mukota weitu Yesu Klisto.

Baebelo 12:23

nu ku musanganano munene u eke­lezia lia babo balingile kubutua basanzilue muigulu, nu ku Kalaga Ngatu za bantu bansania, nu ku miuza za bantu beisanana basililizizibue,

Baebelo 12:28

Tusime, kubuno tuakasua bukota butanavuama kutengibua, nu kububuno tukumbamine Kalaga neikumbamino liamutananizia na luanzo nu na boba;

Baebelo 4:1

Umpanga, ndi idagano lia kubasa ku kiumuno liabasa kutuli, tukue boba kububo muntu umozi wa kutuli anavua kutabasa kukio.

Baebelo 6:9

Tondo, batundua bane, tuizi buno, misako zeinyu zili misoga nu zili na lonio:

Yakobo 4:8

Kundazi ku Kalaga, nuwe amukunde. Ogazi ku maboko, inyue bagi; engiazi mitima zeinyu, inyue beli na mitima ibili.

1 Petelo 1:15

tondo anga bubo buli wozo wamumanine eli wasililila, nuinyue musililile mu makitilo mansania ma kalamo keinyu;

1 Petelo 1:17

Ndi mukumu­managa buno Tateisue, wozo ukusungagia muntu na muntu anga buakukita, nu ntekukutagia wampa, kuazi boba mu nkungu zimukili muzo kuko kumuandabene:

1 Petelo 1:22

Muiyengezie ku kuanza kua bulili kielamo kia mibuto kiteli na kangonongono, tundanazi nunse:

1 Petelo 2:11

Batundua bane, nkumusengezia anga batingi nu beinzi, sigazi ntundo za bumba bua buagi, zimukuluana nazo;

1 Petelo 5:10

Nu Kalaga wa mponga insania, wamumanine kuingila mu lutanuno luage lutanakuzinda mu Klisto, ndi muasungibua ku bindi bimozi, wozo wenyene amusililizie, nu amukokomezie, nu amulindie.

1 Yoana 1:7

tondo ndi tukuenda mu kiengi, anga bubo bueli mu kiengi, nti tuagomania bueitu bueitu, nu mikila za Yesu Muana wage nti zatusuga ku misako za buagi bunsania.

1 Yoana 1:9

Ndi tukuigongaga misako zeitu za buagi, we eli muka­tizia nu wisanana nti atusigilage misako zeitu za buagi, nu nti atusug­age ku binsania biteisanana.

1 Yoana 3:3

Na muntu na muntu ukumulemanina nti eiyengia, anga bubo buenga.