II Bakolinto 4:6 - Nouveau Testament en Kilega

⁶ Kubuno Kalaga atendile bune, Kiengi kikasana mu kapilo, u wozo wasanine mu mitima zeitu, atukase kiengi kia menge ma lutanuno lua Kalaga ku meiso ma Yesu Klisto.

II Bakolinto 4:6 Iomraidhean Croise

1 Petelo 2:9

Tondo inyue muli kikanga kiasombuedue, basankoga ba bukota, kilongo kiasuagibua, bantu babikilue kua Kalaga, buno musambale magala ma wozo wamumanine buno mutuke ku kapilo, nu muingide ku kiengi kiage kia kuangamia:

2 Petelo 1:19

Nuisue tuli neidagi lia bulengania bua lebelebe; mulole kulio anga kasuku kakusana mu kiziki kili kapilo, aba nu kusanuka kua busi, nu lukenikeni lua nindunindu lukasana mu mitima zeinyu:

Baefeso 5:8

kubuno wakalazi muabezaga mu kapilo, tondo kano kaluma museli mu kiengi mu Mukota; tabangazi anga bana ba kiengi

II Bakolinto 4:4

mubo kalaga ka kisi kikino kazibile bumenyinino bua babo batakatizia, bubatanamona kiengi kia musagu musoga wa lutanuno lua Klisto, uli kisusania kia Kalaga, buno takisane kubeli.

Baebelo 1:3

we ukiengi kia lutanuno luage, nu kisusania nunse kia bueli wenyene, nu ekulindia binsania mu magala meidagi liage, gasilile kusuga misako zeitu za buagi, eikede ku kuboko kua seidume kua Bukota bunene muigulu.

II Bakolinto 3:18

Tondo isue tatuakukilua na nsulu ku meiso, kubuno tukusania lutanuno lua Mukota, anga bukusania kiyolo; tukugalukibua ku kisusania kiage, kutuka ku lutanuno aba ku lutanuno anga bulukutukaga kua Mukota uli Muuza.

Yoana 11:40

Yesu amubuide bune, Ndi nsiakutendile buno, Kungua wakatizia, nti ukumona ku luganuno lua Kalaga?

Bakolosai 1:15

we eli kisusania kia Kalaga utakumonekako, nkula za bibumbua binsania;

Baefeso 1:17

buno Kalaga wa Mukota weitu Yesu Klisto, Isi wa lutanuno, amukase muuza wa menge nu kulolesia mu kumumenya;

Yoana 1:14

Nu Idagi akitilue mubili, nu eikalile munkatini muetu (nu tuamonine ku lutanuno luage, luabezaga anga Muana wa ngomo watukile kulsi), eiyala na mponga nu bulili.

1 Petelo 1:12

Balolesezibue, kubuno ta ku kabamba kabo bobenyene, tondo ku kabamba keinyu, bakitile mu bitondo bibino, nu muasambaliduebio na babo bamusambalilaga musagu musoga mu Muuza Wasililila asingilue nu atukile muigulu; ku malagi mamo migenzi batundaga kumamenyinina.

Bafilipo 2:6

kubuno we abezaga Kalaga, tondo ntakengede buno kuko kulingimana na Kalaga kuli kena.

Yoana 12:41

Yesaya atendile bubuno, kubuno amonine ku luganuno luage; nu atendile musagu wage.

Luka 10:22

Nakasilue binsania na Tatane; nu takuli muntu wizi Muana, tugu Isi; nu takuli muntu wizi Isi, tugu Muana, nu unsania Muana ekutunda kumulolesia,

Misako 26:18

kukandula meiso mabo, nu kuba­galukia buno batuke ku kapilo nu kuvua ku kiengi, nu kutuka ku magala ma Satana buno bavue ku Kalaga, nu basigililue ku misako za buagi nu kukasua bupieni na babo basuagibua ku bukatizio buli mundi.

I Bakolinto 12:8

Kubuno muntu umozi ku Muuza ekukasua menge makutenda; nungo bumenyinino bua kutenda, ku Muuza wozo umozi:

II Bakolinto 2:10

Tondo ndi muasigilila muntu ku kitondo kinsania nunne nti namusigilila: kubuno ndi nasigilide muntu ku kitondo kinsania, nti namusigilide ku kabamba keinyu ku Klisto;

Baefeso 1:18

menyi­ninazi mu mitima zeinyu, buni buli kilemanizio kia mubila wage, nu buni buli bugumi bua lutanuno lua bupieni buage mu basuagibua,

I Batesolonike 2:12

bubo kitazi anga bakiti ba Kalaga wamumanine buno muingile mu bukota buage nu mu lutanuno luage.

Baebelo 6:4

Kubuno tabuakulungana ku bantu babo basanizibue kiengi, nu kusonda lukaso lua kuigulu, nu bagomanizie na Muuza Wasililila,