II Bakolinto 4:4 - Nouveau Testament en Kilega

⁴ mubo kalaga ka kisi kikino kazibile bumenyinino bua babo batakatizia, bubatanamona kiengi kia musagu musoga wa lutanuno lua Klisto, uli kisusania kia Kalaga, buno takisane kubeli.

II Bakolinto 4:4 Iomraidhean Croise

Matayo 13:22

Nuwe wayikilue mu mikele, uwozo ukungua kuidagi; tondo tubebe tua kisi nu buengelezi bua bikulo, bukulimbania idagi, we ntako­lame.

Yoana 1:14

Nu Idagi akitilue mubili, nu eikalile munkatini muetu (nu tuamonine ku lutanuno luage, luabezaga anga Muana wa ngomo watukile kulsi), eiyala na mponga nu bulili.

Yoana 1:18

Takuli muntu wamonine ku Kalaga; tugu Muana umozi wa ngomo eli ku bukuba bulsi we uwamulolesia.

Yoana 12:31

Kano kaluma lusungio lua kisi kikino luseli: nu kano kaluma muangati wa kisi kikino akuisua kumbuga.

Yoana 12:35

Yesu ababuide bune, Mukili na kiengi mu nkungu nkeke. Tabangazi mu kiengi, buno kapilo kanavua kumuvuama: wozo ukutabanga mu kapilo ntekumenya kuakuenda.

Yoana 12:40

We abazibile meiso, nu abikile mitima zabo mibibu; Buno banavua kutitika, nu kumenyinina mu mitima zabo, nu banagaluka buno nibonie.

Yoana 12:45

Nuwe ukumonako nti ekumona ku wozo wansingile.

Yoana 14:30

Nsikumubula bingo bingi, kubuno muangati wa kisi esavua, nu nteli na buampa kundi.

Yoana 15:24

Songo nsiakitile mulimo munkatini muabo utanamenya kukita ungo muntu, songo tabanabeide na katati ka buagi; tondo kano kaluma basila kutumonako, nne nu Tatane, nu kutusomba.

Yoana 16:11

nu ku lusungio, kubuno muangati wa kisi kikino asila kusungibua.

Yoana 8:12

Yesu ababuide lingo bune, Nne nili kiengi kia kisi: wozo wanyanga ntakenda mu kapilo, tondo abe na kiengi kia kalamo.

Misako 26:18

kukandula meiso mabo, nu kuba­galukia buno batuke ku kapilo nu kuvua ku kiengi, nu kutuka ku magala ma Satana buno bavue ku Kalaga, nu basigililue ku misako za buagi nu kukasua bupieni na babo basuagibua ku bukatizio buli mundi.

Misako 26:23

buatunganana buno Klisto asungibue, nu alingile kuyuka ku bakuzi buno asambale musagu wa kiengi ku bantu bage, nu ku baBilongo.

I Bakolinto 10:20

Ta bubo, tondo bibio bikukasana baBilongo, bekubikasana ku basumbu, ta ku Kalaga: nunne, nsikutunda buno mugomie na basumbu.

II Bakolinto 2:11

Satana anavua kutukinda; kubuno isue tatuide kumenya menge mage.

II Bakolinto 2:12

Umpanga ganabasile ku Telua ku kitondo kia musagu musoga wa Klisto, nu neiguluidue luibi mu Mukota,

II Bakolinto 3:11

Kubuno ndi lilio liatikizibue liabezaga na lutanuno, kasi lilino likuikala lili na lutanuno.

II Bakolinto 3:14

tondo bumenyinino buabo buabede bubibu; kubuno aba nu lelo mu kusoma idagano lia wakalazi nsulu zezo zikede, kubuno tabamenyinine buno, zatikizibue mu Klisto.

II Bakolinto 3:18

Tondo isue tatuakukilua na nsulu ku meiso, kubuno tukusania lutanuno lua Mukota, anga bukusania kiyolo; tukugalukibua ku kisusania kiage, kutuka ku lutanuno aba ku lutanuno anga bulukutukaga kua Mukota uli Muuza.

II Bakolinto 4:6

Kubuno Kalaga atendile bune, Kiengi kikasana mu kapilo, u wozo wasanine mu mitima zeitu, atukase kiengi kia menge ma lutanuno lua Kalaga ku meiso ma Yesu Klisto.

Bagalatia 1:4

wikasene wenyene ku kabamba ka misako za buagi bueitu, buno atonie ku kisi kikino kibi kia kano kaluma, anga buli kusombola kua Kalaga Tateisue:

Baefeso 2:2

uzezo zimuakitaga wakalazi ku kuyanga lukita lua kisi kikino, nu kuyanga mukota wa magala ma mpelela, muuza wozo ukukita mulimo kano kaluma mu babo bekunana;

Baefeso 6:12

Kubuno kuluana kueitu takuli ku bumba bua buagi nu mibili za bantu, tondo ku bukota, nu buangato, ku bangati ba kapilo ka kisi kikino, kuiyombo lia basumbu beli mu biziki bia mpelela.

Bafilipo 2:6

kubuno we abezaga Kalaga, tondo ntakengede buno kuko kulingimana na Kalaga kuli kena.

Bakolosai 1:15

we eli kisusania kia Kalaga utakumonekako, nkula za bibumbua binsania;

Bakolosai 1:27

Kalaga atundaga kuba­menesia buni buli bugumi bua lutanuno lua kakungu kakano ku baBilongo, u Klisto mumuli, kilemanizio kia lutanuno:

I Timoteo 1:11

anga buli mu musagu musoga wa lutanuno lua Kalaga wa mbogimbogi, unasambalidue.

Tito 2:13

nu kulindila kilemanizio kia mbogimbogi nu kumoneka kua lutanuno lua Kalaga munene u Monia weitu Yesu Klisto;

Baebelo 1:3

we ukiengi kia lutanuno luage, nu kisusania nunse kia bueli wenyene, nu ekulindia binsania mu magala meidagi liage, gasilile kusuga misako zeitu za buagi, eikede ku kuboko kua seidume kua Bukota bunene muigulu.

Baebelo 6:4

Kubuno tabuakulungana ku bantu babo basanizibue kiengi, nu kusonda lukaso lua kuigulu, nu bagomanizie na Muuza Wasililila,

2 Petelo 1:19

Nuisue tuli neidagi lia bulengania bua lebelebe; mulole kulio anga kasuku kakusana mu kiziki kili kapilo, aba nu kusanuka kua busi, nu lukenikeni lua nindunindu lukasana mu mitima zeinyu:

1 Yoana 2:11

Tondo we wasombaga mubuto wage ekile mu kapilo, nu nteizi kuakuenda, kubuno kapilo kamuziba meiso.

1 Yoana 2:8

Lingo, kungo kukakizia kunkumusanzila, kuli bulili kueli nu kumuli; kubuno kapilo katingile, nu kiengi kia bulili kiasila kusana.

1 Yoana 5:19

Tuizi buno tuli ba Kalaga, nu kisi kinsania kili kia wozo mubi.