II Bakolinto 4:2 - Nouveau Testament en Kilega

² tondo tuasombile bitondo bia nsoni biabisilue, aba tatuende mu bumanua, aba kusambika idagi lia Kalaga na buengelezi; tondo ku kulolesia kua bulili nu kulumbibua na bantu bansania buno tuli bakiti ba Kalaga.

II Bakolinto 4:2 Iomraidhean Croise

Balomo 1:16

Kubuno nsili na nsoni ku musagu musoga: kubuno uli magala ma Kalaga aba ku lonio ku unsania wakatizia; kulinga ku ba Yuda, nu lingo ku baGeleka.

Balomo 6:21

Umpanga mutali mukizi umuamonine kugo bindi bibio ku bubuno bumukukua nsoni kano kaluma? Kubuno kuzinda kua bubuno kuli lukuo.

I Bakolinto 4:5

Umpanga tamusese mulondo wampa mu nkungu zago, aba nu gavue Mukota, ukalolesia bitondo binsania ku kiengi bibio biakita­gua mu kapilo, nu kubisula nango za mitima; nu ku nkungu zezo na muntu na muntu akakasua ku Kalaga luganuno luamutananina.

II Bakolinto 1:12

Kubuno kukuno ukuikaka kueitu, bulongeki bua kalenganio keitu, buno kusuagibua nu ku kutengelela kua mutima ukutukaga ku Kalaga; ta ku menge ma mubili, tondo ku mponga za Kalaga; uzituendede muzo mu kisi, nu kuitila nunse kumuli.

II Bakolinto 11:3

Tondo nkukua boba, buno ku nzila imozi, anga nzoka buzengelede Eva mu buenge buazo, zinabigia makengelo meinyu munasiga luanzo lua mutima umozi luli mu Yesu.

II Bakolinto 11:6

Tondo ndi nsizi kutenda, luluno ta lukita luane nu menge; tondo mu bitondo binsania tuamuloleseziebio.

II Bakolinto 2:17

Kubuno isue tatuli anga beingi bekubigia idagi lia Kalaga; tondo anga bantu batakutenda na buengelezi, anga bantu ba Kalaga, ku Kalaga, u butukutenda mu Klisto.

II Bakolinto 5:11

Umpanga ndi tukukua Mukota boba, kasi tulute bango bantu, kubuno Kalaga etuizi; nu nkulemanina buno nuinyue mutuizi.

II Bakolinto 6:8

ku lutanuno nu ku nsoni; ku kutendua bubi nu ku kutendua busoga; anga bengelezi, tondo tuli bantu ba bulili;

II Bakolinto 7:14

Kubuno ndi nikakile kueli ku kabamba keinyu, tondo nsiakule na nsoni; tondo anga butuamubulaga bitondo binsania bia bulili, bubo ububo kuikaka kueitu ku Tito kuabe bulili.

Baefeso 4:14

bubuno tatube lingo anga bana, kugingibuagingibua nu kuekua na lumpumpu lunsania lua meigisia, mu lukita lua menge ma bantu, mu buengelezi, kukuya­nga lukita lubi;

Baefeso 5:12

kubuno bitondo bibino bikukitua nabo ku lumbisombiso bili nsoni nunse aba kubitenda.