II Bakolinto 11:3 - Nouveau Testament en Kilega

³ Tondo nkukua boba, buno ku nzila imozi, anga nzoka buzengelede Eva mu buenge buazo, zinabigia makengelo meinyu munasiga luanzo lua mutima umozi luli mu Yesu.

II Bakolinto 11:3 Iomraidhean Croise

Matayo 24:24

Kubuno kukavua bango baKlisto ba buza, nu balengania ba buza, nu bakalolesia migeleko minene nu maganogano; nu kuenge­lela, nu bakageleka kuengelela basombolua, tondo tabukakulungana.

Yoana 8:44

Inyue muli na soinyue, Liabo u Satana, mukutunda kukita ntundo mbi za soinyue. Mukulinga we abezaga muiti, ntemene mu bulili, kubuno we nteli na bulili mueli. Gekueka buza, akuitendela buage wenye­ne; kubuno we eli muza, nu eli isi wa boza.

Balomo 12:8

wozo ukuana nti ana: mukasania, akasane na mutima utenanduma; muangati, angate na komanizia; ukukua kiombo, akikue na mbogimbogi.

II Bakolinto 1:12

Kubuno kukuno ukuikaka kueitu, bulongeki bua kalenganio keitu, buno kusuagibua nu ku kutengelela kua mutima ukutukaga ku Kalaga; ta ku menge ma mubili, tondo ku mponga za Kalaga; uzituendede muzo mu kisi, nu kuitila nunse kumuli.

II Bakolinto 11:20

Ku­buno mukubuzigaga, ndi muntu ekumubika ku bukobe, ndi ekumu­zambia, ndi ekumunyaga, ndi ekuikaka, ndi ekumulibula ku meiso.

II Bakolinto 11:29

Nazi watamba, nunne nsiatamba? Nazi ukukikitanibua, nunne nsikongoa?

II Bakolinto 2:17

Kubuno isue tatuli anga beingi bekubigia idagi lia Kalaga; tondo anga bantu batakutenda na buengelezi, anga bantu ba Kalaga, ku Kalaga, u butukutenda mu Klisto.

II Bakolinto 4:2

tondo tuasombile bitondo bia nsoni biabisilue, aba tatuende mu bumanua, aba kusambika idagi lia Kalaga na buengelezi; tondo ku kulolesia kua bulili nu kulumbibua na bantu bansania buno tuli bakiti ba Kalaga.

Bagalatia 1:6

Nangama na bumuasasia kusiga wozo wamumanine mu mponga za Klisto nu kugalukila ungo musagu wa lungo lukita;

Bagalatia 2:4

nu ku kitondo kia mibuto za buza bengizizibue mu kakungu, babano beingide mu kakungu buno batitike kukandula kueitu kutuli nako mu Yesu Klisto, batubike ku bukobe:

Bagalatia 3:1

Inyue baGalatia bioto, nazi wamulogile, ndi tamungule buno Yesu Klisto asambedue buno atakilue kumuli?

Bagalatia 4:11

Nkukua boba ku kitondo kienyu, embe namukitide tugu butasuaga.

Baefeso 4:14

bubuno tatube lingo anga bana, kugingibuagingibua nu kuekua na lumpumpu lunsania lua meigisia, mu lukita lua menge ma bantu, mu buengelezi, kukuya­nga lukita lubi;

Baefeso 4:22

sigazi kukita misako za bumba bua wakalazi, u bumba bua buagi, ukubigibua kukuyanga ntundo za buengelezi;

Baefeso 6:24

Mponga zibe ku babo bansania bekuelama Mukota weitu Yesu Klisto na kielamo kitanakusila.

Bakolosai 2:18

Muntu ntamunyage ku lukaso lueinyu mu lutundo luage lua kukumbamina migenzi, ekuikala mu bitondo bibio biamonine kubio nu ekuikotia buliabulia na menge ma bumba bua buagi,

Bakolosai 2:4

Nkutenda idagi lilino, buno muntu ntamuengelele na buengelezi buage.

Bakolosai 2:8

Muidange buno muntu ntamubigie na menge mage ma kisi, nu buengelezi bua buliabulia ku nkita za mpala za bantu, nu ku lukita lua bumba bua ba mu kisi, tondo ta ku lukita lua Klisto;

I Batesolonike 3:5

Ku bubuno nunne, gansiavuamine kuikalila ku bubo, nasingile muntu buno nimenye buni buli bukatizio bueinyu, buno mulindiki, anavua kumulindika, nu mulimo weitu unavua kuba bulia.

I Timoteo 1:3

Anga bubo bunakusengezizie buno wizizie ku Efeso, ganendaga ku Makedonia, buno uzugile bamozi buno tabegisie meigisia ma lungo lukita,

I Timoteo 2:14

nu Adama ntengeledue, tondo mukikulu uwengeledue nu agile:

II Timoteo 3:13

Tondo bantu babi nu tumanua bakanka kukita bubi bindi binsania, bekuengelela nu bekuengelelua.

Tito 1:10

Kubuno kuli beingi batakuanza, nu bekutenda butakulungana, nu bengelezi, nu lebelebe mu babo bamonesibua,

Baebelo 13:9

Tamuzangibuezangibue na meigisia meingo nkita, nu matasusania na mamo mamuigisizibue, kubuno buli busoga buno mutima ulindibue na mponga; aba ta ku nkita zeidia, kubuno babo babezaga nazo tababede na mutali.

2 Petelo 3:17

Umpanga inyue batundua bane, ndi mualinga kumenya bitondo bibino, kasi idangazi, munavua kuekua na misako mibi za bantu babi, munavua kutaba na magala.

2 Petelo 3:3

menyazi tanga, kitondo kikino buno ku busi bua kuzinda kukaba beliliki, bayangi ba ntundo zabo,

1 Yoana 2:18

Bana bakeke, zili nkungu za kuzinda; nu bubo bumungule buno musombi wa Klisto avua, aba kano kaluma basombi beingi ba Klisto basila kumonekako; ku bubuno tuizi buno zili nkungu za kuzinda.

1 Yoana 4:1

Batundua bane, tamukatizie muuza na muuza, tondo muzi­menyinine buno ndi zikutuka ku Kalaga; kubuno balengania beingi ba buza beseli mu kisi.

Yuda 1:4

Kubuno kuli bantu beiyingi­zizie mu misako za lumbisombiso, bantu basanzidue lusungio luluno wakalazi, babo batakuanza Kalaga, nu bekugalukia mponga za Kalaga weitu kukuibingia ku ntundo za butazi, nubo bekutuna Mukota weitu Yesu Klisto.

Kulolesibua 12:15

Nu nzoka zabasizie mazi mu kanua kazo anga luuzi, kumbusa kua wozo mukikulu, buno amukokie mu lulo luuzi.

Kulolesibua 12:9

Nu nzoka nnene za kisimana zalekedue gansi, zezo nzoka za wakalazi, zikumanagua buno, Liabo u Satana, muengelezi wa kisi kinsania; zalekedue ku kisi, nu migenzi zage.

Kulolesibua 20:2

Nu akatile nzoka nnene za kisimana, nzoka za wakalazi, Liabo u Satana, nu akandilue miaka kanunu,