Baefeso 5:3 - Nouveau Testament en Kilega

³ Tondo butazi, nu mibi insania, aba kutonia, tabi­tekulue kumuli nunse, anga buatananina basuagibua;

Baefeso 5:3 Iomraidhean Croise

Matayo 15:19

Kubuno mu mutima umukutukaga makengelo mabi; buiti, kuita meiga, butazi, buibi, bulongeki bua buza, nu bilingano:

Luka 12:15

Nu abatendile bune, Idangazi na kutonia: kubuno kalamo ka muntu takeli mu bikulo bieli nabio.

Luka 16:14

Umpanga baFalese, babo babezaga belami ba bikulo, gabo­ngule kububo bamuzuguide.

Misako 15:20

tondo tubasanzile mukanda, bebe­mbukie na nsese za nkisi, nu kuibembukia ku butazi, nu nyama zakamua, nu mikila.

Misako 20:33

Nsiatonezie muntu feza, aba olo, aba nsulu zage.

Balomo 1:29

beiyeide na kutimba kua lukita na lukita, mibi, kutonia, bubi, lugi, buiti, nsake, buengelezi, misona, bagambi,

Balomo 16:2

buno mumusekele mu Mukota, anga buatananina basuagibua, nu nti muamukasia mu bunsania bua kuiyanina kumuli: kubuno we asabezaga mukasia wa bantu beingi, nu ekunkasagia nunse.

Balomo 6:13

aba tamukasane biganza bienyu ku buagi kukita buteisa; tondo muikasane ku Kalaga, anga bantu beli na kalamo kutuka ku bakuzi, nu biganza bienyu kuba bia kukita buisanana ku Kalaga.

I Bakolinto 10:8

Aba tatukite butazi, anga buakitile bamozi, nu bakule busi bumozi bantu tununu makumi mabili nu tusatu.

I Bakolinto 5:1

Kukutendua nunse buno kuli bumania kumuli, nu bumania bubuno bua lukita luteli ku baBilongo, buno muntu alimbie mukazi weisi.

I Bakolinto 6:13

Malia meli ku kitondo kia nda, nu nda zili ku kitondo kia malia; tondo Kalaga akabigia bio bibili; nda nu malia. Tondo mubili taguli ku kitondo kia butazi, tondo ku kitondo kia Mukota; nu Mukota ku kitondo kia mubili:

I Bakolinto 6:18

Tinazi butazi. Ingo mibi insania zikukitaga muntu tazikubigia mubili wage: tondo we ukukitaga butazi ekubigia mubili wage we wenyene.

II Bakolinto 12:21

nunne ganavue lingo Kalaga wane anavua kumbotia munkatini mueinyu, nu nkalilila beingi babezaga bagi ba wakalazi, nu tabeiyanizie ku nsese, nu butazi, nu ntundo mbi zibakitile.

Baefeso 5:12

kubuno bitondo bibino bikukitua nabo ku lumbisombiso bili nsoni nunse aba kubitenda.

Baefeso 5:5

Kubuno muizi nunse, takuli kitazi, aba ekukita mibi, aba ekutonia, aba mukumbamizi wa nkisi, ukapiena mu bukota bua Klisto nu Kalaga.

Bafilipo 1:27

Umpanga misako zeinyu zisuage anga buatananina mu musagu musoga wa Klisto: buno, ndi navua kumu­monako aba ndi nsiligo, nungue ku lukumu lueinyu, buno mualinda mu bumenyinino bua mutima umozi, mube na mutima umozi mu bukatizio bua musagu musoga;

Bakolosai 3:5

Umpanga musige misako zeinyu mibi zili mu kisi: butazi, nu nsese, nu makengelo mabi, nu lutundo lubi, nu kutonia, ukuku­mbamina nkisi;

I Batesolonike 4:3

Kubuno bubuno ukusombola kua Kalaga, kusu­agibua kueinyu, buno tamukite butazi;

I Batesolonike 4:7

Kubuno Kalaga nta­tumanine ku nsese, tondo kuba basuagibua.

I Timoteo 2:10

tondo (anga buatananina bakikulu bekuitenda buno bekuanza Kalaga) babe na makitilo masoga.

I Timoteo 3:3

nu ntanue maku, nu ta mulibuzi, tondo wabota, ta musaki, nu ntuidambe bikulo;

I Timoteo 6:10

Kubuno kulinga kua bubi bunsania kuli kuelama bikulo: nu bamozi ku kubielama, basigile bukatizio, nu babede na tubebe tuingi.

II Timoteo 3:2

Kubuno bantu bakeiyelama bobenyene, nu belami ba bikulo, nu baganuzi, nu bekuikotia, nu balingani, nu batakuanza bababuta, nu beteli na lusimo, nu batasuaga,

Tito 1:11

buatunganana bazugilue; kubuno bekugalukia bikanga bingi, nu bekuigisia buta­kulungana, kubuno bekutunda bikulo bingi.

Tito 1:7

Umpanga buatunganana mukulu wa ekelezia ntabe na lukumu lubi, kubuno eli mukiti wa Kalaga; ntabe muntu wa kuikotia, nu ntabe na kasungu, nu ntanue maku, nu ntabe mulibuzi, nu ntelame bikulo bia nsese;

Tito 2:3

nu bubo ku bakungu ba bakikulu babe na muendezi wasuaga, nu tababe bakandiki, nu tabanue maku, tondo bekuigisia meigisia masoga;

Baebelo 12:16

takube kitazi, aba utakuanza Kalaga, anga Esau, buakunzizie bupieni bua bukulu buage kuidia ikeke.

1 Petelo 5:2

Langazi kibombo kia Kalaga kili kumuli, nu kukiemanina, takukusindikua, tondo ku kutunda, nu ku kusombola kua Kalaga, taku kuelama bikulo bia nsese, tondo ku kuisengezia;

2 Petelo 2:10

tondo aba babo bekuyanga bumba bua buagi mu ntundo za nsese, nu kubenga buangato. Batakukua boba, bekukita bubekutunda, tabekugilimina bekulinga bangati:

2 Petelo 2:14

bekulengula meiso na butazi, bantu batakumenkela kuaga; nu kulubikania bantu beteli na magala; beli na mitima za kutonia; basuilidue;

2 Petelo 2:3

Nu mu ntundo mbi bakeimonena mutali kumuli ku kutenda kua buengelezi; nu lusu­ngio luabo talunakuizizia, aba kubiga kuabo kukusasia kumonekako.

Kulolesibua 2:14

Tondo nili na bumozi kuguli, kubuno kuli bantu bamozi bekuyanga meigisia ma Balama, wozo weigisizie Balaka buno akikitanie bana ba Isalele, buno balie bia ku tuyulo tua nkisi nu buno bakite butazi.

Kulolesibua 2:21

Nu namukasile nkungu buno eyanie; nu ntakutunda kuiyania ku butazi buage.

Kulolesibua 21:8

Tondo beli na boba, nu batakatizia, nu beli na misako mibi, nu beiti, nu bitazi, nu baganga, nu baku­mbamizi ba nkisi; nu boza bansania, kibombo kiabo kikeisua mu kiziba kia keiya kikuguluminaga na kibiliti; luluno u lukuo lua mabili.

Kulolesibua 22:15

Nu kumbuga kuago kuli mboa, nu baganga, nu bitazi, nu beitani, nu bakumbamizi ba nkisi; nu muntu unsania ukuela­maga kueka buza.

Kulolesibua 9:21

nu tabeiyanizie ku kuita kuabo, aba ku buganga buabo, aba ku butazi buabo, aba ku buibi buabo.