Baefeso 5:2 - Nouveau Testament en Kilega

² mutabange mu lutundo, anga buatundile Klisto, nu eikasene ku kabamba keitu, kuba lukaso nu kisansa kia nsunu nsoga ku Kalaga.

Baefeso 5:2 Iomraidhean Croise

Matayo 20:28

kubuno Muana wa muntu ntavule kukambilua, nu kukasana kalamo kage ku bukuluzi bua beingi.

Yoana 13:34

Nkumukakizia lingo ikakizio lito bune, Tundanazi; anga bunamutundile nuinyue tundanazi.

Yoana 6:51

Nne U kampa­mpa ka kalamo katukile muigulu: ndi muntu alia ku kampampa kakano, akalamaga kalamo katanakuzinda: lebelebe, kampampa kankakasana u mubili wane, kanakasane kuba kalamo ka kisi.

Balomo 15:16

buno nibe mukiti wa Yesu Klisto ku baBilongo, nikite mulimo wa musagu musoga wa Kalaga, buno lukaso lua baBilongo luita­bizibue, ku kusuagibua na Muuza Wasililila.

Balomo 4:25

kubuno akasenue ku kabamba ka misako za buagi bueitu nu kuyukibua buno tubingi­bue.

Balomo 8:3

Ku­buno bubo butakulungana ku mulembe, ku bubo wabezaga watamba ku kabamba ka bumba bua buagi, Kalaga asingile Muana wage wa ngomo mu kisusania kia mubili wa buagi, nu ku kabamba ka buagi, asungizie buagi mu mubili:

Balomo 8:37

Tondo, mu bubuno bunsania tuitila kukinda mu we watutu­ndile.

I Bakolinto 16:14

Bitondo bienyu binsania bikitue mu lutundo.

I Bakolinto 5:7

Mutikie wozo mugago mukulu, buno mube bisubua bito, anga bumuli tamuagagibua. Kubuno kayulo keitu keisuluko u Klisto:

II Bakolinto 2:14

Tondo Kalaga aganunue, ukutusondelezagia bindi binsania ku kukinda mu Klisto, nu tukugaga nsunu zakumumenya ku kiziki na kiziki kituli mukio.

II Bakolinto 2:15

Kubuno isue tuse nsunu za Klisto ku Kalaga, ku babo bekonibagua nu ku babo bekuziminaga;

II Bakolinto 8:9

Kubuno mukumenya mponga za Mukota weitu Yesu Klisto, buno abezaga mugumi, tondo abede muzambi ku kabamba keinyu, buno mugume ku buzambi buage.

Bagalatia 1:4

wikasene wenyene ku kabamba ka misako za buagi bueitu, buno atonie ku kisi kikino kibi kia kano kaluma, anga buli kusombola kua Kalaga Tateisue:

Bagalatia 2:20

Natakilue gamozi na Klisto; tondo nkulama; aba ta nenyene lingo, tondo Klisto ukulama mundi; nu kalamo kankulama kano kaluma mu mubili, nkulama mu bukatizio bua Muana wa Kalaga, wantu­ndile, nu eikasene ku kabamba kane.

Baefeso 1:4

anga buatusombuede mueli gabezaga kisi takiba, tube basililila beteli na kabalibango kueli mu lutundo.

Baefeso 3:17

buno Klisto ikale mu mitima zeinyu ku bukatizio; buno mulinde mu lutundo,

Baefeso 3:19

nu kumenyinina lutundo lua Klisto buno luatinga bumenyinino bunsania, buno mukuke ku kukuka kunsania kua Kalaga.

Baefeso 4:15

tondo tukokomezie bulili mu lutundo, buno tukule mu bitondo binsania mu we uli muangati, u Klisto;

Baefeso 4:2

ku kubota kunsania nu ku bukebuke, na komanizia, mubindikilane bueinyu bueinyu mu lutundo;

Baefeso 5:15

Lolazi nunse ku lukita lumukutabanga, tanga bantu beteli na menge, tondo anga beli na menge;

Baefeso 5:25

Inyue bamulume, tundazi bakikulu beinyu, anga buatundile Klisto ekelezia, nu eikasene ku kabamba kalio;

Bafilipo 4:18

Tondo nsikui­yanina kena, kubuno namonine ku bimuansingilaga na Epapu­ludito, bulago bua nsunu nsoga, kisansa kitabizibua nu kikutananizia Kalaga.

Bakolosai 3:14

nu kuikitila nunse mube na lutundo, ukusililila.

I Batesolonike 4:9

Ku kitondo kia kutundana mibuto zeitu, nsikutunda namu­sanzila: kubuno inyue benyene muigisizibue na Kalaga buno mutundane;

I Timoteo 2:6

wikasene wenyene buno akulule bansania; u bulongeki bualongekilue ku nkungu zezo;

I Timoteo 4:12

Muntu ntakubenge buno uli muana; tondo ube kalolesio ku babo bakatizia, mu kutenda, nu mu muendezi, nu mu lutundo, nu mu kuisanana, nu mu bukatizio.

Tito 2:14

u wikasene ku kabamba keitu, buno atonie ku bubi bunsania, nu kuiyengezia bantu babe bage we wenyene, nubo babe na komanizia ku makitilo masoga.

Baebelo 8:3

Kubuno na sankoga na sankoga munene wabikua buno akasane nkaso nu kubika bisansa: kubuno buatunganana nuwe aka­sane kage.

Baebelo 9:14

embe lino mikila za Klisto wikasene wenyene ku Muuza Wasililila utanakuzinda geteli itondoki ku Kalaga, zikengia kalenganio keinyu ku makitilo ma lukuo buno mukitile Kalaga uli Mulami?

Baebelo 9:23

Umpanga buatunganene kisusania kia bili mu meigulu buno beingibue nazo; tondo bili mu meigulu bikuengibua na bisansa bisoga nunse kutinga bibino.

Baebelo 9:26

songo bubo anababazizi­bue mambizi meingi kutukila kulinga kua kisi: tondo kano kaluma ku kuzindilila kua nkiko amonekile limbizi limozi buno atikie buagi ku kisansa kiage wenyene.

1 Petelo 4:8

kuitila nunse mutundane nunsania; kubuno kutundana ku kukukila misako mingi za buagi:

1 Yoana 3:16

Kububo tuamenyinina lutundo, kubuno we eikasene kalamo kage ku kabamba keitu; buatutunganana nuisue kukasana tulamo tueitu ku kabamba ka mibuto zeitu.

1 Yoana 3:23

Nu lilino u ikakizio liage, buno tukatizie izina lia Muana wage Yesu Klisto, nu kutundana, anga buatukakizizie.

Kulolesibua 1:5

nu bikutukaga ku Yesu Klisto, mulongeki uli mukatizia, alingile kutuka ku bakuzi, nu muangati wa bakota ba kisi. We ukututundaga, nu atuengezie ku misako zeitu za buagi na mikila zage;

Kulolesibua 5:9

Nu bekuimbaga lungo luimbo luto bune, Watananina kukata mukanda nu kutikia tumenyikilo tutuno: kubuno wasesilue, nu wakunzide Kalaga bantu ba babilongo bansania, nu ba mitendezi insania, nu ba bikanga bansania ku mikila zobe,