Biblia Todo Logo
Bìoball air-loidhne

- Sanasan -




Yuda 1:3 - Le Nouveau Testament in Kele (Lokele) 1958

3 Ino ebasamomu, ayalaka’mi la yɛmɛ yosɔnɛl’ino lokasa loasɔ loa liuwesi elisoomana lasu yaatoti, limɔ yatinjomoko ndosɔnɛl’ino mbo ofumbeke ndonanela liimeli elisoekesomo ebuchomu ende Masiya ko liekesa lia likɔkɔmɛlɛ.

Faic an caibideil Dèan lethbhreac




Yuda 1:3
44 Iomraidhean Croise  

inde losanoel’iyo la baoi boaesa loao se, mbo loengani nde la Masiya mbo okeke tokange la mbo atɛmwɛkɛ liasi nda liwa, la mbo— E-Yesu-yo oyatonangola’mi end’ino, inde nd’ayali Masiya.


eoka inde lolongaka BaYuda fɛɛ ko fololo nda baiso ba bato, inde loaesa loao se ko la baoi ba Kasa ya Mungu mbo Yesu ende Masiya.


eoka itiakufaka ndokambes’ino lisangi litotina lia Mungu.


Eokao luwaka to mbo liuwesi-li lia Mungu lisotomomo ende bato ba tukela yasi, la iyo nd’atokaka liao.


Angwɛnɛ imɔ liuwesi ko la wasi eoka angwɛnɛ to lina liasi ose ya use elifomu ende bato la eliengani lasu mbo tuwesomoko.


Lamao lioi lia Mungu lɔsɛngɛ finɛ la loketi loa baeki nda Yelusaleme loulwaka likama la bokamu wa kanga lolitesa liimeli-li.


Anania lomutola mbo— Ngɛnɛ, isoka ko ende bato wike, njasɔ ya eboto-yo, njasɔ ibe finɛ eyakelaka’inde ende bato baɛ nda Yelusaleme;


Kongo ko Saulo lokɔkɔmɔ la bofoka, Inde lolonga BaYuda ebayalaka nda Dameseke la tonango twande, ani aesak’inde batina se mbo Oyo ako Yesu ende Masiya.


Yafak’ino liölo-li lioeta, kwa afomoko imɔ ko’mi, liko mbo Masiya awaka eoka ya batwanelo basu, kwa asoonga Lokasa loa Mungu,


Nde totikulye ndolites’iyo ango saa ango ɛmɔi, mbo wewe wa Mboli Ilau botikaleke lanu la wɛlï.


Ongoma angwɛn’imɔ WaYuda, kwa WaHela, angwɛn’imɔ bɔkɔwa kwa iote, angwɛn’imɔ otolome kwa otomali; eoka ino batotina fɛɛ wende ɔmwito ko ende Masiya Yesu;


Tɛnɛ ndembe bifi ebisɔnɛli’mi ino ko la bosamba wami angɛnɛ!


Imi Paulo, Botomomu wa Masiya Yesu ko la lisangi lia Mungu, ende ebüchomu ebale nda Efeso la ende ebasokokomɛlɛ ndoimela Masiya Yesu,


Iso Paulo la Timoteo bɛkɔwa ya Masiya Yesu, tosotoma e-lokasa-lo end’ino batotina ebüchomu ende Masiya Yesu ebayali nda bokenge wa Filipoi, la ende Bekumi la Basungi b’Etanda;


Loasɔ-lo lɔmɔi loeti nde, loko mbo boyaeli wanu nda okenge boenganeke la Mboli Ilau ya Masiya, litina mbo, yeya ndoyɛn’ino, kwa mbo itiye, nde yokeke mboli ya boyaeli wanu mbo osokɔkɔmɔ kɔkɛ la botema ɔmwito, ani otonanela Mboli Ilau amamwito, la lisangi limɔi nda lilendelu,


ende ebüchomu ende Masiya la bitungani yasu la lilendelu nda bokenge wa Kolose; booto end’ino la lilatemi lia Mungu Sango wasu.


kongo ko okak’iso biale finɛ la akelomoko iso sɔni nda Filipoi, kwa aluw’ino, twatendelaka ko la lisungi lia Mungu ndonangoel’ino Mboli Ilau ya Mungu atiteni ya bifembi wike.


Timoteo wana wami, isotel’aɛ ndola-ye kwa aongelomoko aɛ k’oso mbo ko la isosha sha baoi ana onaneke bita bilau,


Fumbaka nda liangɔ lilau lia lilendelu; kusamelaka loiko loa layalaya elosotomelomo aɛ lioi la eloaolelak’aɛ nda baiso ba batangeli wike.


Tutelaka ko eluweselo ya liekesi lilau elisok’aɛ ende’mi ko la lilendelu la losamɔ loa Masiya Yesu;


Ende Tito wana wami wa wewe oyasangani lami nda lilendelu limɔi, booto la lilatemi lia Mungu Sango la Masiya Yesu ako Bouwesi wasu.


Nde isoomb’ino, Bitungani, ndoka lioi lia liɛngɔ lia lokasa loami, eoka isosɔnɛl’ino ko baoi bamyɔ.


Ango toonga ngo ko ano, ino ebasamomu, tosoenyela wewe mbo njasɔ yolongela bina, bitoyel’ino, biko ebisoomana la liuwesi lianu.


Isosɔnɛl’ino lokasa sumbu lɔkɛkɛ ko la bosamba wa Silwano, etungani yolendelomo (kwa atangi nde’mi), isofumbes’ino la isoekekes’ino mbo njasɔ-bi yende ya booto wa wewe wa Mungu; kɔkɔmɔkɔ nda wao kɔkɛ!


Simona Petelo, bɔkɔwa la Botomomu wa Yesu Masiya, asotoma lokasa-lo ende bato ebasɔɔlɔ liimeli elile la lokuku lolau kwa eliasu liimeli, ko la liengani lia Mungu wasu la Bouwesi wasu ako Yesu Masiya,


Eoka bolau wolongela ko mbo ani batialuwaka mboka ya liengani, inga to mbo basekweke nda bikela bitanu eyafaefomoko iyo la eyaluwak’iyo la wɛlï.


Yuda ako bɔkɔwa wa Yesu Masiya, la etungani ya Yakobo, asotoma lokasa-lo ende bato ebatomokö lioi, ebasosamomo la Mungu Sango l’ebasokukyiomo la Yesu Masiya.


Nde ino ebasamomu, enyekelaka baölo ebaongomoko oso ko la Batomomu ba Ngɛnɛ Wasu ako Yesu Masiya;


Nde ino ebasamomu, kɔkɔmɛlɛkɛ kwa ndakɔ eyeswomu se suu, nda liimeli lianu elilongeli l’otanu, sombokolaka ko la Bolimo Botanu;


Basolongel’inde ko l’eoka ya bakila ba Wana wa bɔkɔkɔ la eoka ya lioi lia likambesi liau, la losamɔ loau losamaka liwawi liau angɛnɛ lotiakufesak’iyo ndowa.


Owangëke to biale ebisambokesomo aɛ; tɛnɛ Bowanjeli ako Satana, asambokusha bamɔi banu nda bɔnyɔlɔlɔ mbo okotelomoko, limɔ botokaka bifembi ko bacho liu. Nde kɔkɔmɔkɔ nda lilendelu ko nda liwa limɔ yefaefak’aɛ iyoyo sha loiko.


Lean sinn:

Sanasan


Sanasan