Yoane 3:3 - Le Nouveau Testament in Kele (Lokele) 1958

³ Yesu lomutoel’inde mbo— Wewe, wewe, itoonga laɛ mbo, Sakolo ko boto kootomo lɔɔtɔ loa Use, ani inde angokɔkɔlɔ ndɔɛnɛ Bɔkɔta wa Mungu.

Yoane 3:3 Iomraidhean Croise

2 Bakolinto 5:17

Ongoma to, boto eyala wa Masiya, asoyala boto wa boyaeli boyai; ewa oso bososokwasokwa, bosokinjwa to boyai!

1 Yoane 3:9

Boto oyaotomu nde la Mungu, aitokelaka batwanelo, eoka lokoto loa liwawi lia Mungu losotikala lande, limɔ aitokɔkɔlɔ ndokelaka batwanelo eoka asootomo ko la Mungu.

1 Yoane 5:1

Boto oyasoimela mbo Yesu ende Masiya, ambo asootomo la Mungu la boto oyasosama Inde oyaot’inde, ambo asosama imɔ ko oyaotomu lande.

Tito 3:5

Inde louwes’iso, inga eoka ya bekeeli ya liengani eyakelak’iso, kangä ko l’eoka ya booto wande angɛnɛ, Inde louwes’iso ko la lisooli la liotomu liyai eliafomoko iso la Bolimo Botanu,

Yoane 1:13

iyo ana baotomöko, inga la bakila, inga la yɛmɛ ya bindo, inga la yɛmɛ ya botolome, kangä la Mungu.

1 Yoane 2:29

Eya to mbo boluwa mbo ende Wengani, luwaka imɔ ko mbo boto oyakakeleke ko eya liengani, ambo aotomu nde ko lande.

1 Petelo 1:3

Lɔkɛmɔ loyaleke ende Mungu ako Sango wa Ngɛnɛ wasu, Yesu Masiya! Ko l’eoka ya shota shande sifi, aotak’iso liasi la iɛli siyai ko la litɛmwi lia Yesu Masiya nda liwa,

Bagalatia 6:15

Itombe siti to la litina, la losunga loti ango la litina, kangä boyaeli wa liwawi liyai.

1 Yoane 5:18

Toluwi nde mbo boto oyaotomu la Mungu, aitokelaka batwanelo, nde oyasootomo la Mungu, atotinganaka lande limɔ Ewa Bobe angomata ango inde.

2 Bakolinto 4:4

Limɔ mungu wa wenda wa mbile-ye asolinjaka betema ya ebatiimele Ngɛnɛ mbo bataɛnɛ bonyanya wa Mboli Ilau ya tala ya Masiya, Oyayali la liluku lia Mungu angɛnɛ.

Yoane 12:40

Asotufesa baiso bau la botuku, Asɔsɛlɛ betema yau la botufele Mbo batɛnɛ la baiso bau la Mbo bataluwa litina nda betema yau, Mbo batakikwa ende’mi mbo itasäses’iyo.

Baefeso 2:1

La ino imɔ osofomo liwawi liyai, ino ebawaka oso nda batwanelo la nda batongwi banu,

Yoane 1:5

E-Löwa-lo lotoanganga nda lilima, la lilima angotiamesa Loao.

Yakobo 3:17

Nde wɛlï ebokuswi nde nda Use wende oso la botanu, limɔ wende la lilatemi la bɔfɔu, bosotuma la shota la bekeeli ya booto, boti l’ikwelakwela la bolimbakeli.

Yoane 1:51

Inde loonga imɔ mbo— Wewe, wewe, Imi mbo ino wɛnɛkɛ nde buse boliolomu la bakitomo ba Mungu batolila la batosulwa se ko ende Wana wa Boto.

Matayo 16:17

Yesu lomutola lande mbo— Wende la limɛngɔ Simona, wana wa Yona, eoka ati boto wa bindo la bakila oyasoluwes’aɛ loasɔ-lo, kangä Sango wami oyayali nda Use.

Matayo 5:18

Wewe, isoonga lanu mbo— Ko nda mbile eyekawanjweke use la se, angwɛnɛ ango lioi ango itɔitɔni sha lioi lia Bikela ya Mungu nde kowanjwa, sakolo ngo ko bitotina bilakɔchɔmɔkɔ fɛɛ.

Liɛnɛsu 3:14

Ende bokitomo ako Botingani wa Etanda nda Laodikiya, sɔnɔkɔ mbo— Inde oyayali la lina liko Ongoma, ako Bokambesi wolendelomu la Liako lia eyakelomoko la Mungu, Inde nd’aongi mbo—

Matayo 19:24

Itoonga imɔ lanu mbo bowaü wa ngamela woeta nda lifola lia iolo, botiengane la bowaü wa oto wa lifoka ndɔɔtɔ nda Bɔkɔta wa Mungu.

Matayo 21:31

Nde atikɛ. ¿Ndai wau ambale akeli lisangi lia sango? Iyo mbo— Ewa oso. Yesu loonga lau mbo— Isoonga lanu wewe, mbo basombesi la batomali ba olëfë batɔtɔkɔ nda Bɔkɔta wa Mungu oso wanu.

Malako 9:47

Eyambo liso liaɛ likwes’aɛ nda obe, ɔ̈mɔlɔkɔ liao, ndɔɔtɔ nda Bɔkɔta wa Mungu ko ɛtwɛlɛ kongo, losoeta okɛsɔmɔ nda Ngehena la baiso bambale

Malako 10:14

Nde ɛnɛkɛ Yesu ongoma Inde looka botema wale finɛ; Inde mbo— Machaka bana baoli bayeke ende’mi. Okufesëk’iyo, eoka Bɔkɔta wa Mungu wende ende ebofɔnɔ-bo.

Yoane 3:4

Nikodemo loonga lande mbo— ¿Boto kokɔkɔlɔ nde ndootomo ani asoya inunu la moni? Atokɔkɔlɔ ndɔɔtɔ liasi nda sɔlɔ ya nyango wande la ndootomo?

1 Yoane 5:4

Eoka ebisootomo la Mungu, yao nd’atolongela wenda-bo, la lilongeli elitolongela wenda-bo lile ngo ko liimeli liasu.