Luka 10:2 - Le Nouveau Testament in Kele (Lokele) 1958

² Inde loonga lau mbo— Eula yende efi, nde ebatotwaka yao bende bamyo; eokao sombolaka Ngɛnɛ wa eula mbo atomeke batwi nda eula yande.

Luka 10:2 Iomraidhean Croise

1 Batesalonika 5:12

Tosoomb’ino liasi, Bitungani, mbo oluwaneke lau ebatokuwel’ino la bonui l’ebale Betoli oso wanu nda njasɔ ya Ngɛnɛ, ebatoimak’ino.

Malako 16:15

Inde loonga lau mbo— Kɛndɛkɛ nda wenda bototina, okataka Mboli Ilau ende bato batotina ebale la liwawi.

2 Timoteo 4:5

Nde aɛ angɛnɛ, aekesaka botema se, tendekelaka biale, kelaka likuwa lia Bonangoli wa Mboli Ilau, ɔlɔlɔkɔ lotimbana loaɛ loa bosungi.

2 Batesalonika 3:1

Tuu ya loasɔ, Bitungani, sombokoelak’iso mbo wɛndi wa Ngɛnɛ wendeseke la botaliomoko tala, kwa asokelaka wao sisi yanu,

Malako 13:34

Ende kwa oto oyakɛndɛkɛ esika, inde lomacha ndakɔ yande la inde lofa bakuwi bande isosha la likuwa liande, oto la oto, la inde lokambesa botingani wa bome mbo alambeke la wɛlï.

1 Timoteo 4:10

ko l’eokao tosofumba la bonui kwa eba liangɔ, eoka mbo iɛli shau sile ngo ko ende Mungu Ngɛnɛ wa liwawi, Oyayali Bouwesi wa bato batotina, nde simbi to wa eba lilendelu.

Tomo Ya Batomomu 22:21

Nde Yesu loonga lami mbo— Kɛndɛkɛ, itotoma nde aɛ ko esika ende bato ba tukela yasi.

Tomo Ya Batomomu 20:28

Tinganaka la betema yanu angɛnɛ la wɛli, imɔ la batotina ba liyasa elisɛli Bolimo Botanu ɛsɛl’ino betingani mbo ino boleseke Etanda ya Mungu bieka, Etanda eyaɔlɔkɔ Inde ko la bakila ba Ewande angɛnɛ.

Tomo Ya Batomomu 13:4

Atomomoko iyo ongoma ko la Bolimo Botanu, iyo lɔkɛ konda balia nda Selukia, iyo losokwa omao okakɛ la watɔ wa lofofo konda Kupolio.

Tomo Ya Batomomu 13:2

Asemolak’iyo Mungu la akilak’iyo bieka nda lisomboli, Bolimo Botanu loonga mbo— Üchelaka’mi Balanaba la Saulo nda likuwa elisotomo iyo lioi.

Tomo Ya Batomomu 11:19

Nde ebamelanaka fangi la fangi ko l’eoka ya likongolomu eliayaka loasɔ loa Setefano, iyo lɔkɛkɛ ko nda Foinike la Kupolio la Antiokia, nde batianangolaka wɛndi ende bato, sakolo ngo ko BaYuda kongo.

Tomo Ya Batomomu 8:4

Limɔ bato ebamelesomoko loketeta ndokanangole Mboli Ilau.

Luka 9:1

Asɔnjäkä Inde eba liu la ambale, Yesu lofaef’iyo bofoka la isosha shokakalesa belimo ebe bitotina la ndosäsesa ngwo;

Matayo 20:1

Bɔkɔta wa Use bole kwa boto, wange wa bɔkɔkɔ, oyakuswäkä la yömbe okaluka basali bokela likuwa nda elanga yande ya tuma.

Bafilipoi 2:25

Nde isoenyela mbo engani ndotomel’ino Epafulotito, ale etungani la bokuwani lami la bosilikani amamwito lami, al’imɔ wɛndi wanu oyasotom’ino otomela’mi ndoyasungaka’mi nda beeno ebile lami.

Bafilipoi 2:21

eoka basi batotina batotutaka ko eyau njasɔ kongo, inga to eya Masiya Yesu.

1 Bakolinto 12:28

Nda Etanda Mungu asotaka bilengo biko, eba oso Batomomu, limɔ Batɔndɔli, limɔ Baekesi, limɔ ebatokela bisisho, limɔ ebasofomo bofoka wouwekesa eba ngwo, ebasofomo isosha shosungaka basi, isosha sha bekumi, la wɛlï woonga baoi ebatiluane la batotina.

Bakolose 1:29

Ko la litina-li itokelaka likuwa la bonui ani itofumbaka ko la bofoka ona ebotofumbekes’Inde ofumbesa’mi.

Bafilipoi 2:30

asikiowa eoka ya likuwa lia Masiya, ani ataka liwawi liande se kwa mbele mbo inde aɔlɔlɛkɛ lisungi eliomeluku ino liosunga’mi.

Baebele 3:6

kongo ko Masiya ayalaka la lotimbana lolendelomu elole eloa Wana angɛnɛ nda ndakɔ ya Mungu. La iso nd’ayali bofindi wa ndakɔ yande, eya to mbo tokɔkɔmɛlɛ lotendela la bofiili nda iyomala sha iɛli shasu.

1 Batesalonika 2:9

Bitungani yami, osoenyakela to likuwa lia bonui la likati eliakelakak’iso la ocho la löwa, litina mbo totayala la bolito end’ino ango ɔmɔi, eyanangoelak’iso enangoel’ino Mboli Ilau ya Mungu.

Bakolose 4:12

Ɔmɔi wanu angɛnɛ ako Epafula, asoseel’ino, ale bɔkɔwa wa Masiya Yesu la atosombokoel’ino la bonui mbo okɔkɔmɛkɛ kɔkɛ ndokɔchaka lisangi litotina lia Mungu.

2 Bakolinto 6:1

Ongoma to iso ebasokelana la Masiya elikuwa-li, tosolɔmbɔkɔl’ino mbo wɔlɛ̈kɛ booto wa Mungu liɔlɛlɛ, eoka Inde loonga mbo—

1 Bakolinto 15:10

Nde ko la lifafu lia Mungu yende kwa ayali’mi oko kwani, la booto wa Mungu ende’mi botiyale wawa, kongo ko isokuwaka la owau wolongela iyo yaatotina, nde ati to imi kangä booto wa Mungu amamwito lami.

Filemona 1:1

Imi Paulo, boto wa Masiya Yesu oyakandomu bɔnyɔlɔlɔ, la etungani yasu ako Timoteo,

Liɛnɛsu 2:1

Ende bokitomo ako Botingani wa Etanda nda Efeso, sɔnɔkɔ mbo— Inde oyaundi tolonge bosambale nda bosamba wande wa olome, oyatokɛndɛkɛndɛ atiteni ya bitalielo ya päka bosambale, Inde nd’aongi mbo—