Bafilipoi 4:8 - Le Nouveau Testament in Kele (Lokele) 1958

⁸ Nda njasɔ ebitikali, Bitungani yami, enyakelaka la wɛlï njasɔ-bi, biko ebile wewe, ebile yolitekesomo, ebiengani, ebile la botanu, ebile yosamomo, ebile la lokuku lolau; beondo nde ndotaliomo la ndosemokolomo, ino koenyakela yao.

Bafilipoi 4:8 Iomraidhean Croise

Matayo 22:16

Iyo lotoma baeki bau amamwito l’eba Helodi ende Yesu, iyo mbo— Boekesi, tosolüwa mbo wende wewe, la mbo otoekekesa mboka ya Mungu la wewe, la mbo oitowänga oto la oitotichaka bɔmbɔ wa bato;

Malako 6:20

eoka Helodi angɛnɛ lowänga Yoane la aluwaka mbo ende oto wa liengani la ewa Mungu; ongoma Helodi lotingana lande. Okaka Helodi inango shande, botema wande lokwelo liyɛyɛ, nde inde look’inde la limɛngɔ.

Luka 16:15

Inde loonga lau mbo— Ino wende ebatangi nde mbo wengani nda baiso ba bato, nde Mungu nd’aluwi betema yanu, eoka ebitoinelomo finɛ la bato, yao Mungu kɔɛnɛ efu.

Luka 2:25

Nda Yelusaleme aäkä nde boto lina liande liko Simeona, ayaläkä la liengani la boto wolitesa Mungu, awɛlɛ̈kɛ̈ Liɔngɛsi lia BaIsalaele baiso, la Bolimo Botanu ayaläkä lande.

Luka 23:50

Aäkä omao boto, lina liande liko Yosefa, ayaläkä wa ikumbɛ, boto olau wa liengani oyatiakuliäkä likeli la kuko ya ikumbɛ; aäkä wa bokenge wa BaYuda, boko Alimatayo, awɛlɛ̈kɛ̈ loyo loa Bɔkɔta wa Mungu baiso.

Yoane 7:18

Oyatoekesa la isosha shande angɛnɛ, ona atoluka tala yande angɛnɛ; nde oyatoluka ko tala ya oyatomäk’Inde, ona ale wewe; atitefole Bikela.

Tomo Ya Batomomu 10:22

Iyo loonga nde mbo— Kulenelio, Komanda wa botükä wa basilikani, oto wa liengani la oyatolitesa Mungu, oyatotangomo boto bolau ko la tukela etotina ya BaYuda, oyaongelomu la bokitomu botanu mbo atomeke wɛndi end’aɛ mbo ɔɛkɛ nda ndakɔ yande mbo inde okeke inango shaɛ.

Tomo Ya Batomomu 22:12

Boto ɔmɔi ako Anania, boto oyasemolaka Mungu kwa asoonga Bikela, boto wa lokuku lolau ende BaYuda batotina ebayali nda okenge ona,

Tomo Ya Batomomu 6:3

eokao, Beoto, aaka bato bosambale banu ba lokuku lolau, ebasotuma la Bolimo Botanu la wɛlï la totof’iyo isosha sha e-likuwa-li.

Baloma 13:13

tokɛndɛkɛndɛkɛ la löwa la boyaeli eboɛliami nda baiso ba bato, inga ndotinyaka tosumbe, la liwa lia bänä, inga la bolëfë la bolefela, inga la liwesani la liya;

Baloma 13:3

Eoka bekomyi biti to ewaesa yowaesa ebakeli bolau, kangä ebakeli obe. ¿Otilɛmbɛ to owangaka ewa isosha? Kelaka to bolau, limɔ inde koomales’aɛ,

Baloma 14:18

eoka oyatokuwela Masiya la boyaeli-bo inde nd’atoomalesa Mungu, la atokuliomo lokuku lolau ende bato.

Baloma 2:29

kongo ko boto ale WaYuda oyayali ongoma ko nda botema wande, la liteni lia itombe lile loasɔ loa botema imɔ, ndembe ya bolimo, inga ndembe eyetomu nda lokasa. WaYuda wa wewe atiinelomo la bato, kangä ko la Mungu.

1 Bakolinto 4:5

Eokao otafëke loasɔ se oso wa mbile ya loyo loa Ngɛnɛ oyatɔɛnɛsɛ fololo yao ebikoisama nda botufɛlɛ, atoisola kuko ya betema ya bato; kwaamao oto la oto atokaelomo loomalo eloande ko la Mungu angɛnɛ.

2 Bakolinto 13:7

Nde tososombokola Mungu mbo otakela obe ango sinyo, inga to mbo iso twɛnɛlɛkɛ kwa ebasolonga nda likɔtɔli, kangä mbo ino bokɛndɛlɛkɛ la mboka elau, ani iso tosɔɛnɛlɛ kwa ebasofomo se nda likɔtɔli.

2 Bakolinto 6:8

la loliteso lolau la nda sɔni, la lokuku lobe la nda lokuku lolau imɔ. Tosotangomo mbo tolimbichɔli, nde twende eba momongo;

2 Bakolinto 8:18

Tosotoma oto wasi amamwito lande, ako etungani ena oyasoinelomo mbo Bonangoli bolau wa Mboli Ilau nda bitanda bitotina;

2 Bakolinto 8:21

eoka tosotakela bolenda loasɔ loa lokuku lolau loasu nda baiso ba Ngɛnɛ l’eba bato lisanga.

Bagalatia 5:22

Nde tuma twa eula ya Bolimo twende losamɔ, limɛngɔ, lilatemi, limɛsɛkɛlɛni, booto, boyaeli bolau, liengani, botema wolendelomo,

Baefeso 4:25

Eokao, machaka bolimbake bototina fɛɛ, onganaka ko la wewe, eoka oto la oto ale ngo ko elengo ya bindo ɛmwito.

Baefeso 5:9

Eoka tuma etosokonda nda löwa tole njasɔ bitotina ebile bilau, ebile la liengani, ebile wewe.

Baefeso 6:14

Kɔkɔmɔkɔ to kɔkɛ! Wataka bɔkɔli nda tɛta yanu la momongo, la libala lia liengani nda bokükü,

Bafilipoi 3:1

Nda njasɔ ebimɔi, Bitungani yami, okaka limɛngɔ ko l’eoka ya Ngɛnɛ; itiwe likati ndosɔnɛl’ino ko njasɔ-ao la bile yolendelomo lanu.

Bakolose 4:5

Yalakaka la boyaeli wa wɛlï ende ebati b’Etanda, wetesëke fofe yoluwesa basi Mboli Ilau;

1 Batesalonika 4:12

litina mbo boyaeli wanu boenganeke nda baiso ba bato ebati b’Etanda la mbo botaeno boto angɔmɔi wosung’ino.

1 Timoteo 2:2

la eoka ya bɛkɔta l’ebasotaliomo l’isosha, litina mbo boyaeli wasu boyaleke la lilatemi la liɔngɛsu la lilitesi lia Mungu la bato lisanga.

1 Timoteo 3:11

Batomali ebale Basungi imɔ ko ongoma, bayaleke la lilitesi lia lilatemi, inga tomwatomwa, inga bawi bänä, kangä bolendelomo nda bitotina.

1 Timoteo 3:4

Ayaleke boto oyatokomya bofindi wande angɛnɛ la wɛlï, la oyatokakalesa bana bande la lilitesi lilau.

1 Timoteo 4:12

Boto angɔmɔi ataolya aɛ eoka ya isɛngɛ shaɛ, kongo ko yalaka etichelo ende eba lilendelu, la nda baoi baɛ, la boyaeli, la losamɔ, la lilendelu, la botema botanu waɛ.

1 Timoteo 5:10

la mbo ayali nde la lokuku lolau eoka ya bekeeli bilau, ambo oyasokosolo bana, oyasonyangela bɛɛnda nda lɔkɛndɔ loau, oyasosoola batindi b’eba Etanda, oyasosungaka eba touwe, oyasotimbana la bakuwa balau ba kanda bitotina.

1 Timoteo 5:2

biange ya batomali kwa mbo banyango, besängä la baseka kwambo baelo baɛ la botema botanu nda njasɔ bitotina.

Tito 1:8

Kongo ko ayaleke oyatonyangela bɛɛnda, oyasami nde bolau, oyaluwi nde njasɔ la wɛlï, wa liengani ende bato la ende Mungu, la oyatokakalesa botema wande angɛnɛ;

Tito 2:14

oyafak’Inde angɛnɛ eoka yasu mbo aendolek’iso nda njasɔ ibe bitotina la mbo ataneseleke tukela ya bato boomana lande bako ebatofumbaka ndokelaka bekeeli bilau.

Tito 2:2

mbo biange bitolome bayaleke la boyaeli wa wɛlï la liengani lia biuwa, la bɔkɔkɔmu nda lilendelu la losamɔ la bofiili.

Tito 2:7

nda njasɔ bitotina, aɛ angɛnɛ yalaka etichelo ya bekeeli ilau, la nda liekesi la momongo la boyaeli, l’angwɛnɛ isɛkɛsi,

Tito 3:14

Bato ebasu imɔ bekeke ndokelaka bakuwa balau bosilesa beeno yau mbo batalengeela bieka.

Baebele 11:2

Eoka ko la liao bangau bakuliomoko la lokuku lolau.

Baebele 13:18

Somboelak’iso eoka toluwi nde mbo betema yasu biti la loasɔ, kongo ko tolɛmbi ndoyalaka la liengani nda njasɔ bitotina.

Yakobo 1:27

Lilitesi lia njasɔ ya Mungu elile litanu, angwɛnɛ litwanelo ango limɔi nda baiso ba Mungu Sango lile ngo ko ano, mbo ndotingakanaka l’eba tika ya sango l’eba tika ya batolome nda mbile ya bifembi yau la ndoyala la botanu, angwɛnɛ ango liälö lia wenda-bo.

Yakobo 3:17

Nde wɛlï ebokuswi nde nda Use wende oso la botanu, limɔ wende la lilatemi la bɔfɔu, bosotuma la shota la bekeeli ya booto, boti l’ikwelakwela la bolimbakeli.

1 Petelo 1:22

Ani asotanes’ino belimo yanu ko la lilitesi lia wewe ko mbo osamanakeke la losamɔ loa bitungani elole la momongo, ongoma samakanaka to la botema bototi.

1 Petelo 2:12

Yalakaka la boyaeli bolau sisi ya bato ba wenda, litina mbo, atosɛɔlɔ iyo osɛɔl’ino, mbo wende ebatokelaka obe, bɛnɛkɛ ko bekeeli ilau la beineleke ko Mungu nda lise elikayek’Inde end’iyo.

1 Petelo 4:8

Loasɔ elosolongela, lole ngo ko ndokɔkɔmɔ nda lisamakani, eoka losamɔ lotoliaka ambɔlɛ wa batwanelo.

2 Petelo 3:1

Ebasamomu, e-lokasa-lo loende eloa imbale elososɔnɛlɛ’mi ino, la nda yaambale isofumbekesa baenyeli balau banu ndoenyeles’ino;

1 Yoane 3:18

Bana bami, tosamaneke, nde inga ko la lioi, ango ko la bɔnɔkɔ kongo, kangä ko la bekeeli la wewe.

1 Yoane 3:3

Boto la boto oyale la iɛli-si eoka ya Masiya, atotanesa botema wande angɛnɛ, ani ayal’Inde angɛnɛ botanu.

1 Yoane 4:1

Basamomu, wimelëke balimo batoti, kɔtɔlɔkɔ bao oluweke kwa mbo basoyala ba Mungu; eoka batɔndɔli ba nanga wike basokakɛndɛlɛ wenda-bo.