Bafilipoi 4:4 - Le Nouveau Testament in Kele (Lokele) 1958

⁴ Okaka to limɛngɔ ko mbile bitotina ko l’eoka ya Ngɛnɛ, isoonga ko ongoma liasi, mbo— Okaka limɛngɔ!

Bafilipoi 4:4 Iomraidhean Croise

Matayo 5:12

Okaka to limɛngɔ la omakalaka eoka bondanda wanu wende ofi nda use. Bakongokolaka batɔndɔli ebaaka oso wanu ko ongoma.

Tomo Ya Batomomu 16:25

Nda ɛsɔkɔ ya ocho, Paulo la Sila losombola Mungu, iyo lochwaka bɛɛlɛ ani basi ebakandomu omao lolaila iyo.

Tomo Ya Batomomu 5:41

Limɔ iyo losokwa nda ikumbɛ, iyo loomala finɛ eoka mbo batangomu mbo baondu ndookesomo sɔni loasɔ loa lina-li.

Baloma 12:12

Omalakaka la iyɛli, kɔkɔmɔkɔ nda bakongolomu; sombokolaka la boliliya.

2 Bakolinto 6:10

tosowa ikɛnɛnɛ, nde mbile la mbile tosoomala la limɛngɔ; twende touwe nde totofotekesa bato wike; toti ango la shaya, nde tososɛlɛ yeka bitotina.

Bagalatia 1:8

Kongo ko ango iso, ango bokitomo wa Use, ekambes’ino mboli ilau ebisotwana la yao ebisokambesa’mi okambes’ino, ambo inde asendomoko bieo!

Bafilipoi 2:18

Ino imɔ ko ongoma, okaka limɛngɔ la fichanaka lami limɛngɔ finɛ.

Bafilipoi 3:1

Nda njasɔ ebimɔi, Bitungani yami, okaka limɛngɔ ko l’eoka ya Ngɛnɛ; itiwe likati ndosɔnɛl’ino ko njasɔ-ao la bile yolendelomo lanu.

1 Petelo 4:13

nde okaka ko limɛngɔ eoka anyo ososangana nda lioki lia biale ya Masiya, mbo nda lɔɛnɛsɔ loa tala yande, ino bokaka imɔ ko limɛngɔ la linɛngina.