Bafilipoi 3:10 - Le Nouveau Testament in Kele (Lokele) 1958

¹⁰ mbo ani asokweela’mi boyaeli wa liwa liande, iluweke Inde angɛnɛ la bofoka wa litɛmwi liande, la likaɔ lia lisangani lande nda bemusi yande,

Bafilipoi 3:10 Iomraidhean Croise

Matayo 20:23

Limɔ Inde loonga lau mbo— Ino bomwaka nde kɔpɔ yami nde ndoyales’ino nda bosamba wami w’olome la nda ewa wali, loti loami ndof’ino, kangä ende ebasotonjelomo loao ko la Sango wami.

Yoane 10:18

Angwɛnɛ boto wɔnɔkɔlɔ liao ende’mi, nde Imi nd’atomacha liao ko Imi angɛnɛ. Yende l’isosha shomacha liao la yende imɔ l’isosha shɔɔlɔ liao liasi. Sango angɛnɛ nd’atelaka’mi ekela-ye.

Yoane 17:3

Loiko loa layalaya lole ko ndoluwa Aɛ, Mungu Ɔmwitoto wa Wewe la oyatomomu laɛ ako Yesu Masiya.

Baloma 8:17

toyala bana, ambo iso kosangola botiko wa Mungu Sango amamwito la Boloo wasu ako Masiya, eya tɔɔlɔ likaɔ lia bemusi yande mbo tɔɔlɛkɛ imɔ likaɔ lia linɛngina lia tala yande.

Baloma 8:29

eoka Mungu aluwaka nde ebasɛlɛk’Inde mbo bafaefomoko bofɔɔnɔ ebole la Wana wande mbo Inde ako Wana ayaleke ko wana wa oso wa bitungani wike.

Baloma 8:36

Loatomoko nda Lokasa ongoma mbo— Tosoolomo ko la nɔngɔ buse tu ko loasɔ loaɛ, tosotangomo mbo bɛkɔkɔ yoolomo.

2 Bakolinto 1:10

Ende Inde oyasɔɔnɔkɔl’iso nda liwa libe la atɔɔnɔkɔlɔ iso imɔ liasi la tosolendelo ko Inde mbo elaɔnɔkɔlɔkɔ iso nda liwa.

2 Bakolinto 1:5

Mbo kwa asoelwa bemusi ya Masiya end’iso, ko ongoma liɔngɛsi lia Masiya lisoelwel’iso.

2 Bakolinto 13:4

Nde awaka nda lieka ko la bɔlɛmbu, kongo ko kwani ale la loiko ko la bofoka wa Mungu angɛnɛ. Iso imɔ ko ongoma, twende lande la bɔlɛmbu, kongo ko tosoyala la loiko amamwito lande ko la bofoka wa Mungu angɛnɛ nda likomyi lia loasɔ loanu.

Bagalatia 2:20

Isowa to la liwa eliawaka Yesu nda lieka, nde ati to’mi oyale la liwawi, Masiya nd’ayali too ende’mi; la liwawi elisoyala lami nda bindo kwani, lisowawa ko la lilendelu lia Wana wa Mungu oyasamaka’mi la oyafaka liwawi liande angɛnɛ ko l’eoka yami.

Bagalatia 6:17

Ko la mbile ebikayeke, boto angɔmɔi ataokesa’mi bonui eoka nda lokomba loami imi nd’atoli ngelo ya Yesu.

Baefeso 4:13

konda akiyelek’iso yaatotina kwa ɔmwito nda lilendelu la liluwani lia Wana wa Mungu, konda akakondek’iso botolome oku yoengana l’ikweelo sha boyaeli wa Inde oyasɔɔlwa ako Masiya.

Bafilipoi 3:8

eingo nde, ikotanga bitotina oko mbo bisowa ko l’eoka ya ambɔlɛ wa bolau woluwaka Masiya Yesu, Ngɛnɛ wami. Ko l’eoka yande isolefesa bitotina la isotanga yao mbo ndɛlɔ, mbo yɔlɛkɛ Masiya kwa bondanda la mbo yoshaneke lande batebate,

Bakolose 1:24

Isoomala to nda bemusi ebisokelaka’mi ino l’ani asɔɔlɔlɔ’mi bemusi ya Masiya ebisoomelo nda bindo yami angɛnɛ loasɔ loa bindo yande, eko Etanda.

Bakolose 2:13

La ino, ayalak’ino ko belyo nda loasɔ loa batongwi banu la sunga ya bindo yanu, osofomo liwawi liyai amamwito la Masiya, ani asomɛsɛl’iso batongwi basu batotina;

Bakolose 3:1

Eya to mbo osotɛmɔlɔmɔ amamwito la Masiya, fumbaka ndolukaka njasɔ ya Use, olo ayali Masiya nda kɛ̈ka nda osamba w’olome wa Mungu.

1 Petelo 1:3

Lɔkɛmɔ loyaleke ende Mungu ako Sango wa Ngɛnɛ wasu, Yesu Masiya! Ko l’eoka ya shota shande sifi, aotak’iso liasi la iɛli siyai ko la litɛmwi lia Yesu Masiya nda liwa,

2 Petelo 1:13

Itangi nde mbo losoengana lami, ko la mbile eyetikali lami nda bindo, ndofumbes’ino ko la lienyelesi lia njasɔ-bi,

1 Yoane 2:3

Toluwi nde mbo tosolu wak’Inde ko ani asolites’iso bikela yande.

1 Yoane 2:5

nde oyatolitesa lioi liande, wewe losamɔ loa Mungu losoengana chaa nda botema wande. Ko la loasɔ-lo tosoluwa mbo toyali nde tɔɔ end’Inde;

Liɛnɛsu 1:18

la Oyakoyali la loiko; yawäkä, nde tɛnɛngo, ikoyali la loiko loa layalaya la isounda fungola ya liwa la eya Ewelo.