Baefeso 4:1 - Le Nouveau Testament in Kele (Lokele) 1958

¹ Eokao, imi Paulo, oyakandomu bɔnyɔlɔlɔ eoka ya likuwa lia Ngɛnɛ, isolɔmbɔkɔl’ino ndokɛndɛkɛndɛ la boyaeli wengani l’ebatomu lioi ndotutak’Inde,

Baefeso 4:1 Iomraidhean Croise

Tomo Ya Batomomu 9:31

Ongoma Etanda nda Yudea la Ngalilai, la nda Samalia, nda biese bitotina-bi, yao loyala la lilatɛmi, yao lokɔkɔmɔ kɔkɛ, yao lɔkɛ la oso yowanga Mungu nda lilitesi la ko la lisungi lia Bolimo Botanu yao loulwaka.

Baloma 11:29

Lifaefi la likomyi lia Mungu liotaka bato lioi, liao angokikolomo imɔ.

Baloma 12:1

Bitungani yami, itolɔmbɔkɔl’ino ko l’eoka ya booto wa Mungu mbo ino bücheke bindo yanu nda etambelo ya lifaefi ende Mungu, lifaefi elile la liwawi la botanu ebotoomales’Inde, eoka mbo liyaleke lifaefi lia botema eliengani wewe.

1 Bakolinto 4:16

Isotinjak’ino to mbo bokweekela’mi.

2 Bakolinto 10:1

Imi angɛnɛ ako Paulo, isolɔmbɔkɔl’ino la liikami se la botema sambo wa Masiya, imi oyasoyala la liɔndwi se oso wanu, nde oyasoyala la boendu ani ayali’mi esika lanu; bamɔi batoonga ongoma to;

2 Bakolinto 5:20

Eokao iso twende tokomya nda loasɔ loa Masiya, Mungu atotaka boeki ko la bɔnɔkɔ wasu. Iso tosolɔmbɔkɔlɔk’ino nda lifa lia Masiya mbo otwananeke la Mungu liasi.

2 Bakolinto 6:1

Ongoma to iso ebasokelana la Masiya elikuwa-li, tosolɔmbɔkɔl’ino mbo wɔlɛ̈kɛ booto wa Mungu liɔlɛlɛ, eoka Inde loonga mbo—

Bagalatia 4:12

Bitungani yami, isolɔmbɔkɔl’ino mbo okinjweke kwa ayali nde’mi, eoka imi nd’asokinjwa kwa ayali nde ino. Otiakeelaka’mi obe oso;

Baefeso 2:10

Eoka iso twende likeli liande, iso ebasotonjomo liasi ani asowatema iso la Masiya Yesu mbo tokelakeke ko yao ebisotatonja Mungu oso mbo tokɛndɛlɛkɛ ngo ko ndayao.

Baefeso 3:1

Ko la litina-li to, imi Paulo, boto wa Masiya oyakandomu bɔnyɔlɔlɔ, eoka yanu ba tukela yasi,

Baefeso 4:17

Eokao isoonga lanu liasi la isokambes’ino nda lina lia Ngɛnɛ wasu, mbo otayal’imɔ kwa akoyali eba tukela ya wenda, la liyaëlä nda betema yau;

Baefeso 4:4

Bindo yende ngo ko ɛmwito la Bolimo ngo ko Ɔmwito, kwa ani atomoko ino lioi la iɛli ko simɔi,

Baefeso 5:2

Kɛndɛkɛndɛkɛ la boyaeli wa losamɔ, kwa Masiya asamak’imo ko iso la afaefaka liwawi liande angɛnɛ eoka yasu, lifaefi la litambi ende Mungu, eliaka la liɛsɛ lilau.

Bafilipoi 1:27

Loasɔ-lo lɔmɔi loeti nde, loko mbo boyaeli wanu nda okenge boenganeke la Mboli Ilau ya Masiya, litina mbo, yeya ndoyɛn’ino, kwa mbo itiye, nde yokeke mboli ya boyaeli wanu mbo osokɔkɔmɔ kɔkɛ la botema ɔmwito, ani otonanela Mboli Ilau amamwito, la lisangi limɔi nda lilendelu,

Bafilipoi 3:14

isoengaka nda elongelo, mbo yɔlɛkɛ bosömbo ebokafomoko bolongi boko ndotomo lioi omao likolo, ko ende Mungu ko l’eoka ya Masiya Yesu.

Bakolose 1:10

mbo oyaleke la boyaeli wengana nda baiso ba Ngɛnɛ wasu la boomales’Inde, ani bosoota tuma twa bekeeli bilau bitotina l’ani bosokonda ndoluwaka Mungu.

Bakolose 2:6

Kwa aelak’ino Masiya Yesu Ngɛnɛ wasu, ongoma kɛndɛnɛkɛ lande nda betema yanu,

Bakolose 4:12

Ɔmɔi wanu angɛnɛ ako Epafula, asoseel’ino, ale bɔkɔwa wa Masiya Yesu la atosombokoel’ino la bonui mbo okɔkɔmɛkɛ kɔkɛ ndokɔchaka lisangi litotina lia Mungu.

1 Batesalonika 2:12

twaɔnjɔnjak’ino, twaimak’ino mbo oyalakeke la boyaeli woengana bato ba Mungu oyasot’ino lioi mbo ɔɔtɛkɛ nda Bɔkɔta la nda tala yande angɛnɛ.

2 Batesalonika 1:11

Ko l’eoka-ye totosombokoel’ino mbile la mbile, mbo Mungu wasu atangeke ino mbo wengani nde wotomo lande lioi la mbo aɔlɔlɛkɛ basangi batotina banu balau la bekeeli ya lilendelu ebisokelak’ino ko la bofoka wande,

2 Timoteo 1:9

oyasouwes’iso, oyasot’iso lioi lia lotanesomo, inga eoka ya bekeeli yasu, kangä eoka ya lisangi liande angɛnɛ la booto wande ewafomoko iso ende Masiya Yesu ko oso wa lotango loa mbile,

Tito 2:10

angoiya bokwangä; kangä ndɔɛnɛsɛ bangɛnɛ bau lotimbana lolendelomo la wɛli mbo baɔlɛsɛkɛ liekesi lia Mungu Bouwesi wasu ko lokuku lolau nda njasɔ bitotina.

Baebele 13:21

aɔlɛsɛk’ino bitotina bilau yokelaka lisangi liande, ani Inde atokela end’ino yao ebitoomales’Inde angɛnɛ, ko la Yesu Masiya; la tala bitotina bifomoko end’Inde ko layalaya! Ongoma.

Baebele 3:1

Eokao to, Bitungani ebasüchomo, ino ebasotomo lioi elisosekwa nda use end’ino yaatotina, enyakelaka Botomomu la Kanga Eyeti oyasoaolelomo ko lasu, ako Yesu,

1 Petelo 2:11

Basamomu, isoombak’ino ebayali kwa bato ebasolimela la bɛɛnda nda wenda-bo, mbo ofekeke yɛmɛ ya bindo ebitonana bita la belimo yanu.

1 Petelo 3:9

Otakundanëke bobe ko la bosakane, angoko limɔli eoka ya limɔli, kangä la lifotesi lia lɔkɛmɔ, eoka watomoko lioi ko la litina-li mbo osangoleke lioi lia lɔkɛmɔ.

1 Petelo 5:10

Mungu, Ngɛnɛ wa booto bototina, oyasot’ino lioi mbo ɔɔtɛkɛ nda tala yande ko la Masiya konda layalaka, mbisa ani asokaka biale ko mbile sinyo, Inde angɛnɛ eɔlɔl’ino, ekɔkɔmɛsek’ino, ewangemesak’ino, efaefak’ino bofoka!

2 Petelo 1:3

Eoka bofoka wande ebosekwi ende Mungu bosofaef’iso bitotina ebiomani nde la loiko la lisemoli lia Mungu, ko la liluwani lia Inde oyatak’iso lioi ko la tala la likama lia bolau wande,

2 Yoane 1:5

La kwani, Botomali wa elame, isömb’aɛ ing’imɔ ndosɔnɛl’aɛ ekela eyai, kangä ko yao eyaaka lasu ko nda liako, eko mbo tosamaneke.